Apocalipsis 4:9 - Nuevo Testamento Uwotjüja

⁹ Pitü a̧'kua̧rä̧tü̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧, uruwo'i̧nä̧, ukuo'i̧nä̧ kku̧nä̧rü̧rü̧ esewinä̧tü̧ 'kuäopünä̧,

TÄ̧DO Ä̧CUÄ̧ I̧HUȨNȨ

^9-10 Ja̧'hua̧ta̧nö̧ jahuätö isotö a̧'cua̧rä̧tö̧, ucuotönö, eseunu ttu̧cuo̧cuo̧mȩnä̧ dȩä̧cä̧nä̧ pö̧rö̧, 'cuäopönä kö̧rö̧, ancianos huotö veinticuatro jo̧mȩnä̧'i̧nä̧ ttihue'quiyunä kä̧mä̧dä̧tö̧ ä'ca jo̧mȩttö̧. Jahuätö'inä esehuätö ja̧u̧ru̧, 'cuäopönä kö̧rö̧. Jahuätömä ttöäre ppöttähuä i̧dȩä̧cä̧ ä'ca jo̧mȩ icuäu pä'ätö:

Apocalipsis 4:9 Referans Kwoze

Apocalipsis 10:6

Ja̧'wa̧nü̧ ja̧'a̧, juramento pättü jȩpi̧nü̧, mo̧ro̧ kki̧ä̧mü̧nä̧ kkü̧ i̧mi̧nä̧, mo̧ro̧jä̧'i̧nä̧, juä̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, rü̧ä̧ ajenä̧ kka̧ku̧'i̧nä̧, o'kajuiyünä̧ kka̧ku̧, aditinü̧ i̧mi̧nä̧. Jua̧u̧mä̧ pä'inü̧: Täkü mo̧ro̧mä̧ juiyäkua'a, pä'ü.

Apocalipsis 15:7

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ, kko̧ro̧mü̧ttü̧nü̧ ta̧ju̧ wotü á̧gȩrȩ ya̧ku̧nä̧rü̧ iyinü̧, oro o̧'ta̧ yo̧'ta̧ku̧nä̧, Dio ü̧ra̧wä̧rü̧ su̧'pȩnü̧ ȩka̧'a̧, Jua̧u̧ Dio-mä̧ mo̧ro̧ kki̧ä̧mü̧nä̧ kkü̧ ja̧'a̧ttü̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Hebreos 7:8

Isopäi'ünä̧ pi̧jä̧ttü̧mä̧ ȩmä̧tü̧, be'ipächätü ttü̧ja̧ ttiäre diezmo-ttü̧; ja̧'wa̧nü̧ ja̧'a̧nä̧, pi̧yȩ tü'kümä̧, a̧'kua̧rü̧ ütü'kü ja̧'a̧, jua'amä̧ wȩyu̧kuä̧ wȩnȩmä̧ Mequisede-mä̧ wa'ü ikuinü̧ päoka'attü̧.

Apocalipsis 4:2

Ja̧'wa̧nü̧ päi'omȩnä̧ Epíritu jäwänä̧ chü̧ja̧'a̧ttü̧, mo̧ro̧jä̧nä̧ ji̧yȩtȩ ruwo dȩä̧kä̧ jȩpü̧ kku̧nä̧wa̧'a̧ topinü̧sä̧, ju̧wä̧kä̧ ruwo dȩä̧kä̧nä̧ ya̧tȩ pi̧nü̧.

Apocalipsis 4:8

Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.»

Apocalipsis 5:1

Ja̧'wa̧ta̧nü̧ ruwo deäkänä̧ pü̧ u̧mü̧ u̧wo̧jua̧'aku̧nä̧ kuyäru'tä to̧rä̧dä̧kuä̧wä̧'tä 'chu̧ä̧ra̧'a̧ topinü̧sä̧ wä̧mȩnä̧'i̧nä̧, jakuänä̧'i̧nä̧ wȩyu̧kuä'tä ja̧'wa̧ta̧nü̧ juä'tänä̧mä̧ kko̧ro̧mü̧ttü̧nü̧ todäre jo̧mȩnä̧ sello pättünä̧ ta'ü mü̧'ȩpü̧ ikuäwa'a ji̧na̧'a̧.

Apocalipsis 6:16

Ja̧'wa̧nü̧ jȩpü̧, müä'kiyurü'i̧nä̧, inä̧wiyärü'inä̧ pä'inä̧tü̧: ¡Ujutu tu̧wä̧mȩ, ma̧'ä̧mi̧tü̧, ruwo deäkänä̧ pü̧ toü juiyatü ja̧'wa̧ta̧nü̧ oweja mü̧ä̧ya̧ jü̧nä̧ wa̧ ro̧ȩpü̧ juiyatü!

Apocalipsis 7:15

Ja̧'wa̧nü̧ ja̧'a̧ttü̧ Dio uruwo dȩä̧kä̧ ä'kajo̧mȩ kka̧kuä̧tü̧, mo̧ro̧'i̧nä̧, yodo'i̧nä̧ 'kuäopünä̧tä̧, Churutä eseäkuäu, juode Dio-rü ukuokuäkuäwodenä̧. Ja̧'wa̧nü̧ ja̧'a̧ttü̧ ruwo dȩä̧kä̧nä̧ pü̧, chutätä tta̧wä̧rä̧kuä̧u̧, juätümä̧.

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»