Apocalipsis 4:10 - Nuevo Testamento Uwotjüja

¹⁰ Veintikuatro-nü̧ wotü a̧ci̧a̧nu̧tu̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧ ttiwe'kiyunä̧ pȩjä̧mä̧kuä̧u̧ esewinä̧tü̧, ttünä̧ kka̧ku̧ püttäwä corona pättü'i̧nä̧, uruwo deäkä ä'ka jo̧mȩ iku pä'inä̧tü̧:

Apocalipsis 4:10 Referans Kwoze

Apocalipsis 5:8

ja̧'wa̧nü̧ juä'tä, jua̧u̧ ȩmo̧mȩnä̧, pa̧ja̧kuä̧nü̧ wotü a̧'kua̧rä̧tü̧mä̧ ja̧'wa̧ta̧nü̧ veitikuatro-nü̧ wotü a̧ci̧a̧nu̧tu̧mä̧ jua̧u̧tä̧ ä'kajo̧mȩ ttiwe'kiyunä̧ kka̧kuä̧mi̧nä̧tü̧. Juätü yotukunä̧ Arpa pättü 'chu̧'ä̧ri̧nä̧tü̧ ja̧'wa̧ta̧nü̧ copa pä̧ttä̧'ta̧ i̧so̧'ta̧ oro-ttü a̧di̧kuo̧'ta̧nä̧ incienso pättü su̧'pȩnü̧ ȩki̧na̧'a̧, jua̧u̧mä̧ Dio i̧tti̧mü̧ Dio-rü ttukuokuä'ijü ji̧na̧'a̧.

Apocalipsis 19:4

Ja̧'wa̧ta̧nü̧ Veintikuatro-nü̧ wotü a̧ci̧a̧nu̧tu̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧ rȩjȩbü päi'ünä̧ ja̧rȩyu̧ pä'i'ü, Dio uruwo deäkänä̧ pü̧rü̧ eseäkuäwinätü̧. Pa̧'a̧nü̧ pä'ünü̧: «¡Amȩ́! ¡Aleluya!» jü̧nä̧.

Apocalipsis 11:16

Veintikuatro-nü̧ wotü, Dio ä'ka jo̧mȩ, ru̧wa̧ jü̧nä̧ weomȩ pȩjä̧tü̧mä̧, rȩjȩra̧'a̧ päi'ünä̧ ttiwe'kiyunä̧ pȩjä̧mä̧kuä̧u̧ Dio-rü eseäkuäwinä̧tü̧.

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

Apocalipsis 7:11

Pättomȩnä̧, o'katoi'ünä̧ ruwo deäkä sobükuächünä̧, kka̧kuä̧tü̧ á̧gȩrȩ'i̧nä̧, a̧ci̧a̧nu̧tu̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, ruwo deäkä ä'ka jo̧mȩku̧ ttiwe'kiyunä̧ pȩjä̧mü̧, Dio-rü eseäkuäwinä̧tü̧,

Apocalipsis 5:14

Pättomȩnä̧, pa̧ja̧kuä̧nü̧ wotü a̧'kua̧rä̧tü̧mä̧ pä'inä̧tü̧: «Amȩ́»; ja̧'wa̧ta̧nü̧ veintikuatro a̧ci̧a̧nu̧tu̧mä̧ ttiwe'kiyunä̧ kka̧kuä̧mü̧ ttesewinä̧ku̧.

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»

Apocalipsis 4:9

Pitü a̧'kua̧rä̧tü̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧, uruwo'i̧nä̧, ukuo'i̧nä̧ kku̧nä̧rü̧rü̧ esewinä̧tü̧ 'kuäopünä̧,

San Mateo 2:11

Isodenä̧ dottächi'omȩnä̧, ji̧'chi̧cha̧wa̧ ja̧ju̧ María-ku ü̧ja̧'a̧ topinä̧tü̧; topümä̧ ttiwe'kiyunä̧ pä̧mä̧dü̧ ttu̧ru̧wa̧ jü̧nä̧ ttesewinä̧ku̧; esewäjä'kotümä̧, ttiäre Pärätä ȩko̧ka̧, ba'epo'ü mippoünä̧ ttiyinä̧ku̧ oro'i̧nä̧, incienso'i̧nä̧, mirra'i̧nä̧ jü̧nä̧.

San Lucas 24:52

Juätümä̧, jua̧u̧ru̧ eseäkuäjä'kotü, pä'äji jä̧ji̧ta̧'a̧nü̧ Jerusarȩ́-ra̧'a̧ku̧ eseäkuäwäyotü ppa̧'a̧chi̧nä̧tü̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

Apocalipsis 4:2

Ja̧'wa̧nü̧ päi'omȩnä̧ Epíritu jäwänä̧ chü̧ja̧'a̧ttü̧, mo̧ro̧jä̧nä̧ ji̧yȩtȩ ruwo dȩä̧kä̧ jȩpü̧ kku̧nä̧wa̧'a̧ topinü̧sä̧, ju̧wä̧kä̧ ruwo dȩä̧kä̧nä̧ ya̧tȩ pi̧nü̧.

Apocalipsis 10:6

Ja̧'wa̧nü̧ ja̧'a̧, juramento pättü jȩpi̧nü̧, mo̧ro̧ kki̧ä̧mü̧nä̧ kkü̧ i̧mi̧nä̧, mo̧ro̧jä̧'i̧nä̧, juä̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, rü̧ä̧ ajenä̧ kka̧ku̧'i̧nä̧, o'kajuiyünä̧ kka̧ku̧, aditinü̧ i̧mi̧nä̧. Jua̧u̧mä̧ pä'inü̧: Täkü mo̧ro̧mä̧ juiyäkua'a, pä'ü.

Apocalipsis 15:7

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ, kko̧ro̧mü̧ttü̧nü̧ ta̧ju̧ wotü á̧gȩrȩ ya̧ku̧nä̧rü̧ iyinü̧, oro o̧'ta̧ yo̧'ta̧ku̧nä̧, Dio ü̧ra̧wä̧rü̧ su̧'pȩnü̧ ȩka̧'a̧, Jua̧u̧ Dio-mä̧ mo̧ro̧ kki̧ä̧mü̧nä̧ kkü̧ ja̧'a̧ttü̧.