Apocalipsis 4:1 - Nuevo Testamento Uwotjüja

¹ Pi̧yȩ 'kuäopäji o'ka'a topinü̧sä̧, mo̧ro̧jä̧ äpate bawekuä̧nü̧ kka̧'a̧; i̧wȩnȩmä̧ ä̧kuo̧mȩnä̧ chä̧ju̧kuä̧ji̧tä̧, trompeta rä̧mi̧pa̧'a̧ 'kua̧rü̧nä̧, päinä̧ku̧sä̧: «Poku 'cha'ächi'i, pi̧yȩ o'komȩ päi'omȩ 'kuäopä̧kuȩ chi̧jȩpa̧ku̧.»

TÄ̧DO Ä̧CUÄ̧ I̧HUȨNȨ

¹ Ja̧u̧nu̧ o'ca'a tochomenä, mo̧ro̧jä̧ra̧'a̧ttö̧ äpate bahuecua'a topinösä. Ja̧u̧ huȩnȩ, trompeta ucuocu'a̧nö̧ rä̧mi̧pö̧ huȩnȩ, ttörö äcuomenä ucuocuinö huȩnȩ, ttörö ucuocuina'a: —Pocu 'cha'ächi. Pi̧yȩ 'cuäopö o'ca'a 'cuäopä̧cuȩmä̧ chi̧jȩpa̧cu̧.

Apocalipsis 4:1 Referans Kwoze

Apocalipsis 11:12

Ja̧'wa̧nü̧ ja̧'a̧, juätürü mo̧ro̧jä̧ra̧'a̧ttü̧ pä̧i̧ku̧nä̧ pa̧'a̧nü̧ rä̧mi̧pi̧na̧'a̧: «Poku 'cha'ächi'ätukui» päomȩnä̧, mo̧ro̧jä̧ra̧'a̧ ajiya isoppanä̧ 'cha'ächinä̧tü̧, ttaboiyotümä̧ o'katoi'ünä̧ to̧ttä̧ra̧'a̧nä̧.

Apocalipsis 1:19

Ja̧'wa̧nü̧ ja̧'a̧ttü̧, to'kuäjimä̧ wȩyu̧ti̧: Jitä 'kuäopü'i̧nä̧ ja̧'wa̧ta̧nü̧ yodoji 'kuäopä̧kuȩ'i̧nä̧, jü̧nä̧.

Apocalipsis 1:10

Tu̧ru̧wa̧ u̧mo̧ro̧ ja̧'a̧, Epíritu Sa̧tu̧ jäwänä̧ chü̧ja̧'a̧ chaboja̧'a̧ku̧nä̧ttü̧ pä̧i̧ku̧nä̧ rä̧mi̧pi̧na̧'a̧ ä̧ju̧kui̧nü̧sä̧ trompeta jä̧'i̧nü̧'a̧nü̧,

San Marcos 1:10

Ja̧'wa̧nü̧ jȩä̧ji̧ o'ka'a, Jesú-mä̧ ajettü u̧wä̧mi̧'i̧'o̧mȩnä̧, mo̧ro̧jä̧ bawekuächa'attü, Dio a̧'kua̧rü̧ i̧sa̧, unuku 'kua̧ra̧, churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

Hechos 7:56

Ja̧'wa̧nü̧ topü pä'inü̧: —Mo̧ro̧jä̧ bawekuächa'a topüsä ja̧'wa̧ta̧nü̧ ubo I̧tti̧rü̧'i̧nä̧ Dio u̧wo̧jua̧'a̧ku̧nä̧ ü̧ja̧'a̧.

San Juan 16:13

Ja̧'wa̧nü̧ ja̧'a̧nä̧, Epíritu Sa̧tu̧ ichomȩnä̧mä̧, o'kajuiyünä̧ jueünä̧ ku̧wo̧juä̧tu̧ku̧nä̧ juȩpä̧rä̧kuä̧u̧jä̧; ja̧'wa̧nü̧ ja̧'a̧ttü̧ pä̧wä̧rü̧jü̧mä̧ ukuokuokotü kuäkuotüjä̧, pä'a kuä̧ju̧kua̧'a̧ku̧tä̧ kukuokuäkuotüjä̧ ja̧'wa̧ta̧nü̧ 'kuäopä̧kuȩ wȩnȩ'i̧nä̧ ku̧wo̧juä̧tu̧ku̧nä̧ ji̧ä̧wä̧kuä̧u̧jä̧.

San Lucas 3:21

O'katoi'ünä̧ bautizo jȩpä̧kuä̧u̧ kättäda'anä̧, Jesú'i̧nä̧ bautizo jȩi̧nä̧ku̧; Dio-rü ukuokua'a jakuänä̧ mo̧ro̧jä̧ bawekuächa'attü,

Hechos 10:11

Topinü̧, mo̧ro̧jä̧ bawekuächa'attü, sawana'kua i̧sä̧ta̧ ju'ta'au pa̧ja̧kuä̧nü̧ jo̧mȩnä̧ ti̧ä̧dä̧kuä̧wä̧ta̧ mȩyȩwi̧na̧'a̧ pi̧jä̧ra̧'a̧ku̧.

San Mateo 3:16

Ja̧'wa̧nü̧ ja̧'a̧ Jesú-mä̧ bautizo jȩä̧ku̧ o̧'ka̧ ajettü u̧wä̧mi̧'i̧'o̧mȩnä̧; mo̧ro̧jä̧ bawekuächa'attü, Dio wȩ'ä̧wa̧ Epíritu Sa̧tu̧, unuku 'kua̧rü̧nä̧ churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

Apocalipsis 1:12

Ja̧'wa̧nü̧ rä̧mi̧pi̧yä̧ku̧, dí ukuokuättü pä'ü chüjärächi'omenä, topinü̧sä̧: Tochomȩnä̧, kko̧ro̧mü̧ttü̧nü̧ tokäre jo̧mȩnä̧ tȩya̧u̧ rȩdȩkuä̧ okä candelabro pättü, oro-ttü adikuä okä kka̧kui̧na̧'a̧,

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.