Apocalipsis 3:4 - Nuevo Testamento Uwotjüja

⁴ Ja̧'wa̧nü̧ ja̧'a̧nä̧, juȩnȩ Sadinä̧ ttü̧'ka̧tä̧wä̧ti̧yu̧ iditäkuäwokotürü kku̧nä̧rü̧jä̧; ja̧'wa̧nü̧ ja̧'a̧ttü̧ juätümä̧ ttüku ttü̧'ka̧tä̧wä̧ti̧yu̧ teünä̧ 'ka̧tä̧wi̧'ü̧ kuettächäkuotü, juätümä̧ isó juo'epinä̧tü̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

⁴ Ja̧'hua̧nö̧ ja̧'a̧nä̧ ju̧huȩnȩ Sardis ötahuiyänä ka̧cuä̧tö̧ korotömä ttö̧'ca̧tä̧huä̧ti̧yu̧ yoröiso iditö icuocotö. Jahuätömä ttö̧'ca̧tä̧huä̧ti̧yu̧ teönä cuettächäcuotö ttöcu. Iso päi'önä adiunätä ȩmä̧huo̧tö̧.

Apocalipsis 3:4 Referans Kwoze

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

Apocalipsis 6:11

Ja̧'wa̧nü̧ pättomȩnä̧, yotükupünä̧rü̧ iyäwi'ina̧'a̧ ttü̧'ka̧tä̧wä̧ti̧yu̧ teü ja̧'wa̧ta̧nü̧ jitütä jü̧ta̧'a̧nü̧ wa'ü ikuätü, ttawaruwä ttü̧jä̧wa̧tü̧ wotürü, número pa̧ja̧kuä̧cho̧mȩbü päi'ünä̧ yabonä̧nü̧ tta̧ttä̧ri̧pa̧ pä'ü päwi'ina̧'a̧.

Apocalipsis 19:14

Mo̧ro̧jä̧nä̧ su̧ro̧do̧u̧, o'ka'anä̧ 'chi̧nä̧tü̧, lino pättü adiwäjuei, rü̧ȩnä̧ teü, idikuokü o̧ta̧ 'ka̧tä̧wä̧tü̧, cabayu-tü̧ te'ätü ttu̧wä̧mȩ wȩjü̧.

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.

Apocalipsis 19:8

Ja̧'wa̧ta̧nü̧ pü̧jä̧ta̧ lino adiwäjuei i̧sä̧ta̧, tȩä̧ta̧, kkȩdȩpä̧ta̧ kkü̧'ka̧tä̧wa̧ pä'ü weäwi'äjäkua, jua̧u̧ lino o̧ta̧mä̧, chutä umüwäyotü, ȩmi̧nä̧u̧ adiu jȩpü̧ ttü̧ja̧ku̧ tü'kü ja̧'a̧.»

Judas 1:23

Kkorotürü, okurättü ttü̧ji̧pü̧nä̧ rä'epü ikuätukui; kkorotürü rȩrü̧jü̧ topätukui, ja̧'a̧nä̧ jitütä jȩttü̧mä̧ su̧ro̧tü̧nü̧ topätukui.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Marcos 16:5

Ja̧'wa̧nü̧ ja̧'a̧, wa'are idoränä̧ dottächi'omȩnä̧, mü̧ä̧ya̧ ü̧'ka̧tä̧wä̧ta̧ tȩä̧ta̧ otoünä̧ 'ka̧tä̧u̧ru̧, wa'are pä̧jä̧mȩ u̧wo̧jua̧'a̧ku̧nä̧ ü̧'a̧'a̧ topinä̧tü̧. Ja̧'wa̧nü̧ ü̧'a̧'a̧ topü, nä̧tü̧mä̧ rü̧ȩnä̧ ye'inä̧tü̧.

San Lucas 20:35

Ja̧'wa̧nü̧ ja̧'a̧nä̧, jitü wa'arettü ttoächäkuäwänä̧'i̧nä̧, ji̧yȩnü̧ mo̧ro̧ kkä̧kuä̧wä̧kuȩ'i̧nä̧ po̧kui̧pä̧tü̧mä̧, ubo ja̧ pä'ü'i̧nä̧, isaju ja̧ pä'ü'i̧nä̧, täkü ttirekuarümä̧ ȩmä̧wo̧ko̧tü̧ ttäkuotü.

San Mateo 10:11

Ütawiyä rü̧o̧mȩttü̧'i̧nä̧, ppo̧ü̧ ütawiyättü'i̧nä̧ dokuächätukuomȩnä̧mä̧, jä'epü kuä̧ju̧kuä̧tu̧kua̧jä̧ ya̧tȩ ukutu doäda pä'ürü ja̧'wa̧nü̧ ja̧'a̧mä̧ juorü räkuopächätukuomȩbü päi'ünä̧, jua̧u̧ ojusodenä̧tä̧ ku̧jä̧tu̧kua̧jä̧.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

2 Tesalonicenses 1:5

Pi̧yȩmä̧ i̧jȩkuä̧cha̧'a̧, Dio-mä̧ isopäi'ünä̧tä̧ surojümä̧ jui̧'a̧ pä'ü, ru̧wa̧ Dio weomȩ dottächü'anü̧ wotürü pä̧kua̧mä̧ jua̧u̧tä̧ ja̧'a̧ jua̧u̧ jäwänä̧ jitä usurä ȩmä̧wä̧tü̧.

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.