Apocalipsis 3:3 - Nuevo Testamento Uwotjüja

³ Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.

TÄ̧DO Ä̧CUÄ̧ I̧HUȨNȨ

³ Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.

Apocalipsis 3:3 Referans Kwoze

Apocalipsis 2:5

Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

1 Tesalonicenses 5:2

Isopäi'ünä̧ ukutumä̧ jo̧mȩnü̧tä̧ wo̧juä̧tü̧jä̧. Tu̧ru̧wa̧mä̧ tta̧tä̧ro̧kü̧ mo̧ro̧, yodó nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧ i̧chä̧kua̧ pä'ümä̧;

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

San Marcos 13:36

Isopäi'ünä̧ Ttü ku̧ni̧chä̧rä̧tu̧kua̧'a̧nä̧ chichomȩnä̧, ä̧'ä̧rü̧ ku̧'ȩjä̧tu̧ku̧ juiyäkua'anü̧.

San Marcos 13:33

Ja̧'wa̧nü̧ ja̧'a̧ttü̧, ukutumä̧ tta̧'a̧rä̧kuä̧u̧ topärä̧kuä̧wä̧tu̧kui̧, isopäi'ünä̧ jä̧kuȩ mo̧ro̧mä̧ kuieruwätukua'attü̧.

Apocalipsis 3:19

Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.

Apocalipsis 3:11

Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.

Apocalipsis 2:25

Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.

2 Pedro 1:13

Ji̧nä̧ cha̧'kua̧rä̧i̧mä̧ pi̧yȩnä̧ ro̧'ȩpü̧nü̧ jidäwa pä'ümä̧ chaditäwä ja̧'a̧.

2 Timoteo 1:13

Pi̧yȩ wȩnȩ ttü chu̧wo̧juȩto̧mȩnä̧ ttüttü ku̧wo̧jui̧'i̧nü̧'a̧kuä̧ täi, ja̧'wa̧ta̧nü̧ Jesucrito ppädinü̧ tta̧'kua̧ wȩnä̧rä̧kuä̧wä̧nä̧'i̧nä̧, eseäkuäwänä̧'i̧nä̧ kkä̧wi̧.

Apocalipsis 3:2

Porächi'ü topärä̧kuä̧wi̧, kkoro toe'ächü'anü̧ jü̧'i̧nä̧ äräbe'i; isopäi'ünä̧ kuaditäwämä̧ Dio ä'ka jo̧mȩttü̧mä̧ jo̧mȩnü̧mä̧ adikui'oka'a topüsä.

Apocalipsis 22:7

«¡Jitätä ja̧'a̧ku̧ chichäkua̧sä̧! ¡Eseäkuäwä kka̧'a̧ pi'tä kuyäru'tänä̧ wȩyu̧tu̧ rütäwä 'kuäopä̧kuȩ pä'ü jittäwinü̧ esetürümä̧!»