Apocalipsis 3:17 - Nuevo Testamento Uwotjüja

¹⁷ Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.

TÄ̧DO Ä̧CUÄ̧ I̧HUȨNȨ

¹⁷ Ucutä pä'öjä: “Järe ru̧hua̧sä̧. Adiu kö̧sä̧. Koro juäi'inä jui'ocösä.” Ja̧'hua̧nö̧ pä'ö kä̧nö̧, yoröiso cuamönä usurä i̧sa̧sä̧ pä'ö amöcuädocöjä. Ja̧'hua̧ta̧nö̧ ä̧to̧cö̧jä̧. Cu̧'ca̧tä̧huä̧ta̧'i̧nä̧ jui̧'a̧jä̧. Yoröiso eseunu ko̧cö̧jä̧. Ja̧'hua̧nö̧mä̧ amöcuädocöjä.

Apocalipsis 3:17 Referans Kwoze

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Romanos 7:24

¡Juiyo suro juo'ächinü̧sä̧ tä̧jí̧, ttü we! ¿Ditä jä̧kua̧'a̧jä̧ttü̧, pi̧yȩ chidepä wa'are jäwättü, ttürü rä'epü i̧kuä̧kua̧mä̧?

San Lucas 1:53

Ppäi ttu'ätürümä rü̧ȩnä̧ ttiäre iyü, pärokuotü ruwotürümä̧ yoriso jui'ätürütä we'ü ikuinü̧.

San Mateo 9:12

Ja̧'wa̧nü̧ pätta'a ä̧ju̧ku̧ Jesú-mä̧, päinä̧u̧: —Na̧nȩpo̧ko̧tü̧mä̧ jawapü adikuä i̧sa̧rü̧mä̧ rekuä rü̧jo̧ko̧u̧; na̧'ä̧chä̧tü̧tä̧ ja̧'a̧ jawapü adikuä i̧sa̧rü̧ rekuä rü̧jä̧u̧mä̧.

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

2 Pedro 1:9

Ja̧'wa̧nü̧ ja̧'a̧nä̧ jui̧'a̧mä̧ ä̧to̧ka̧ jä̧'i̧nü̧'a̧nü̧ wa̧ jo̧mȩttü̧ otomä̧ topokü; täbokü suronä̧ jȩi̧nü̧ jȩä̧chi̧'ina̧'a̧mä̧ unichi'inü̧.

San Mateo 5:3

Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

San Lucas 6:24

Ja̧'wa̧nü̧ ja̧'a̧nä̧, ukutu ¡ruwotümä̧, ukutuwe!, täkü kueseäkuäwätukumä̧ kku̧nä̧rä̧tü̧jä̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Romanos 11:20

¡Iweye adiwa'a!; ttesetokomȩttü̧ yawokuinä̧u̧ ja̧'wa̧nü̧ ja̧'a̧nä̧ ukumä̧ kua̧'kua̧ ku̧wȩnä̧ro̧mȩttü̧ ji̧nä̧ todeunä̧ kkü̧jä̧. Ja̧'wa̧nü̧ ja̧'a̧ttü̧ ukuo tekuäwoka'a, ye'ekutä ukuoti.

Apocalipsis 3:16

Ja̧'wa̧nü̧ ja̧'a̧nä̧, a̧'u̧ku̧nä̧ a̧mü̧nä̧tä̧ kuta'anü̧; diyaunä'i̧nä̧, du'unä'i̧nä̧ kuoka'attü, chättümä̧ edeku chi̧kuä̧kua̧jä̧.