Apocalipsis 3:15 - Nuevo Testamento Uwotjüja

¹⁵ Kuaditäwämä̧ o'kajuiyünä̧tä̧ wo̧jua̧sä̧: Ukumä̧ diyaunä'i̧nä̧, du'unä'i̧nä̧ woküjä̧. ¡Diyaunä̧tä̧'i̧nä̧, du'unä̧tä̧'i̧nä̧ ji̧yȩtȩnä̧ kuttütä adiwaja'a!

TÄ̧DO Ä̧CUÄ̧ I̧HUȨNȨ

¹⁵ O'ca juiyönä jȩcu̧'u̧mä̧ huo̧jua̧sä̧. Ucumä diyau'inä diyapocöjä. Du'u'inä du'huocöjä. Diyauttu'inä, du'uttu'inä cu̧ju̧ttu̧mä̧ adihuaja'a.

Apocalipsis 3:15 Referans Kwoze

Romanos 12:11

Kuaditätukua pä'ü jü̧mä̧, ü̧tä̧rü̧jo̧ka̧'a̧ aditätukui; eseunü̧tä̧ aditätukui, Tu̧ru̧wa̧ jäwämä̧.

San Mateo 6:24

Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

Santiago 1:8

Ja̧'wa̧ta̧nü̧ jitä mo̧ro̧mä̧ ji̧yȩtȩ amükuäda'anä̧, ja̧'wa̧ta̧nü̧ yo̧ä̧i̧ mo̧ro̧ kkoro amükuädäkua̧ ja̧'wa̧nü̧ wa̧mä̧ rekuomä̧ kko̧kü̧ jä̧kua̧.

Apocalipsis 2:4

Ja̧'wa̧nü̧ ja̧'a̧nä̧'i̧nä̧, ukumä̧ ji̧yȩtȩ chüjü'kokü kku̧nä̧rü̧jä̧: Jua̧u̧mä̧ ä̧kuo̧mȩnä̧ kuesetinü̧ kuesewinü̧ käkuädi'inü̧ ja̧'a̧.

San Mateo 24:12

Surojümä̧ rü̧ȩnä̧ yabonü̧ rü̧ä̧cho̧mȩnä̧, rekuätü eseu jȩttä̧'i̧jü̧'i̧nä̧ kättädächäkuotü.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

1 Corintios 16:22

Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

Apocalipsis 3:16

Ja̧'wa̧nü̧ ja̧'a̧nä̧, a̧'u̧ku̧nä̧ a̧mü̧nä̧tä̧ kuta'anü̧; diyaunä'i̧nä̧, du'unä'i̧nä̧ kuoka'attü, chättümä̧ edeku chi̧kuä̧kua̧jä̧.