Apocalipsis 3:14 - Nuevo Testamento Uwotjüja

¹⁴ «Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

TÄ̧DO Ä̧CUÄ̧ I̧HUȨNȨ

¹⁴ “Ja̧'hua̧ta̧nö̧ Laodicea ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Iso päi'önä hua̧mä̧, iso päi'önä huȩnȩ ji'äumä, o'ca juiyönä Dios aditinö kada'ca hua̧mä̧, pa̧'a̧nö̧ pä'ö:

Apocalipsis 3:14 Referans Kwoze

Colosenses 1:15

Jua̧u̧ Crito-mä̧ Dio uwäpokü a̧'kua̧juä̧ ja̧'a̧, kkoro pi̧jä̧nä̧ttü̧ aditinü̧ttü̧'i̧nä̧ ä̧kuo̧mȩnä̧ i̧sa̧ ja̧'a̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Apocalipsis 22:13

Ttümä̧ ä'kanä̧'i̧nä̧ rüjinä̧'i̧nä̧ ru̧wa̧sä̧, ä̧kuo̧mȩnä̧'i̧nä̧ beipächomȩ'i̧nä̧ ru̧wa̧sä̧.»

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»

Apocalipsis 21:6

Ja̧'wa̧ta̧nü̧ päinä̧ku̧sä̧: «Täkü jo̧mȩnü̧ päia'a. Ttümä̧ ä̧kuo̧mȩnä̧'i̧nä̧, rüjinä̧'i̧nä̧ wa̧sä̧. Awa ä̧di̧ri̧jä̧ku̧ru̧mä̧, mippoünä̧ kkä̧kuä̧wä̧ ajiyattü awa pä'ü chi̧yä̧kua̧.

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 2:1

Éfeso-ra̧'a̧ igresia tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: u̧wo̧jua̧'a̧ku̧nä̧ u̧mü̧nä̧ kko̧ro̧mü̧ttü̧nü̧ ta̧ju̧ wotü si̧ri̧'kü̧rü̧ 'chu̧'ä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro jäwä 'kä̧tȩnä̧ kue'ächümä̧ pa̧'a̧nü̧ pä'ü:

Colosenses 4:16

Pi̧yȩ ttü chi̧wȩyu̧tä̧ji̧ ukutu ukuokui'ü'kotümä̧, Laodicea igresia wotürü'i̧nä̧ ttukuokunä̧ we'ätukui; pärokua'aku Laodicea ttü̧ja̧'i̧nä̧ ukuturu ttukuokunä̧ jȩpä̧tu̧kui̧.

Colosenses 2:1

Ja̧'wa̧ta̧nü̧ ku̧wo̧juä̧tu̧kua̧ pä'üsä, ukutu jäwänä̧ usurä chȩmä̧u̧'i̧nä̧, ja̧'wa̧ta̧nü̧ Laodicea-nä̧ kka̧kuä̧tü̧rü̧ usurä chȩmä̧u̧'i̧nä̧, ja̧'wa̧ta̧nü̧ kkorotü ttürü jerupätürü'i̧nä̧ o'katoi'ünä̧rü̧.

San Juan 1:3

Jua̧u̧nä̧tä̧tä̧, kka̧ku̧mä̧ o'kajuiyünä̧ aditinü̧, Jua̧u̧ toünä̧mä̧ aditokü ji̧nü̧.

San Juan 8:14

Jesú ädätinä̧u̧: —Ttü cha̧mü̧nä̧ pa̧ja̧tü̧ chüadiwä jidäkuäuttu'i̧nä̧, ttü jidäkuäumä̧ isopäi'ünä̧ jäwä ja̧'a̧. Jua'amä̧ chichinomȩ'i̧nä̧, chi̧'chä̧kuo̧mȩ'i̧nä̧ chu̧wo̧jua̧'a̧ttü̧; ja̧'wa̧nü̧ ja̧'a̧nä̧ ukutumä̧ chichinomȩ'i̧nä̧, chi̧'chä̧kuo̧mȩ'i̧nä̧ jerupätüjä̧.