Apocalipsis 3:1 - Nuevo Testamento Uwotjüja

¹ «Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

TÄ̧DO Ä̧CUÄ̧ I̧HUȨNȨ

¹ “Ja̧'hua̧ta̧nö̧ Sardis ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Dios jähuä ko̧ro̧mö̧ttö̧nö̧ ta̧ju̧ru̧ espíritus'inä, ko̧ro̧mö̧ttö̧nö̧ ta̧ju̧ru̧ si̧ri̧'cö̧rö̧'i̧nä̧ ku̧nä̧rö̧mä̧ pa̧'a̧nö̧ pä'ö: O'ca juiyönä jȩcu̧'u̧mä̧ huo̧jua̧sä̧. Iso päi'önä korotömä “a̧'cua̧rö̧” pätta'anä, yoröiso 'corupä'i'ätö jä̧'i̧nö̧'a̧nö̧ hua̧jä̧.

Apocalipsis 3:1 Referans Kwoze

1 Timoteo 5:6

Ja̧'wa̧nü̧ ja̧'a̧nä̧ rekua kkidepä kkü'kekunä̧ kkä̧ju̧mä̧, kka̧'kua̧rü̧mä̧ to'e'ächäju.

Santiago 2:26

Isopäi'ünä̧ Epíritu jä̧ttä̧pä̧ya̧nä̧ to̧'a̧mä̧ wa'ü iku jä̧'i̧nü̧'a̧nü̧ ja̧'a̧, ja̧'wa̧nü̧ jü̧ta̧'a̧nü̧ ta̧'kua̧ ttu̧wȩnä̧ra̧'a̧nä̧ ttaditokomȩnä̧ wa'ü ikua'a jä̧'i̧nü̧'a̧nü̧ ja̧'a̧.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Colosenses 2:13

Ukutumä̧, kko̧ro̧nü̧ pä̧nä̧mä̧, surojü jȩ'kuä̧tu̧ku̧ jäwänä̧ 'korujuo'ächinä̧tü̧ pinä̧tü̧jä̧ jua'amä̧ suronä̧ jȩ'kuä̧tu̧ku̧ 'kȩkui̧pä̧chä̧tu̧kuo̧ko̧mȩnä̧; ja̧'wa̧nü̧ ji̧na̧'a̧nä̧ Dio jitämä̧ Crito-ku ji̧nä̧ yo̧mȩtȩnä̧ kua̧'kua̧ru̧tu̧ku̧ iyinä̧u̧jä̧, jua̧u̧tä̧ ji̧na̧'a̧ o'kajuiyünä̧ suronä̧ jȩtü̧ jȩpo̧ko̧tü̧rü̧ 'kua̧rü̧nä̧ esekuinü̧mä̧.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.

Apocalipsis 2:19

O'kajuiyünä̧ kuaditäwämä̧, eseu jȩ'ku̧mä̧, kua̧'kua̧ ku̧wȩnä̧rü̧'i̧nä̧, 'kuäkuächi'oka'a kui̧'chü̧'i̧nä̧ ja̧'wa̧ta̧nü̧ ä̧kuo̧mȩnä̧ ji̧no̧mȩttü̧ abonä̧nü̧ jȩ'ku̧'i̧nä̧ wo̧jua̧sä̧.

San Lucas 15:24

Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

Apocalipsis 1:16

U̧mü̧ u̧wo̧jua̧'a̧ku̧ i̧sä̧mü̧nä̧mä̧ si̧ri̧'kü̧ kko̧ro̧mü̧ttü̧nü̧ ta̧ju̧ wotürü 'chu̧'ä̧ri̧nü̧ ja̧'wa̧ta̧nü̧ ättümä̧ kurodä päteku so̧dä tä̧o̧dä räopina̧'a̧. Ja̧'wa̧ta̧nü̧ ü'ämä̧ kkä̧wa̧ rü̧ȩnä̧ kkȩdȩpo̧mȩnä̧ kkä̧dȩpa̧'a̧ jä̧'i̧nü̧'a̧nü̧ kkä̧dȩpi̧na̧'a̧.

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 4:5

Juȩnȩ ruwo deäkä kko̧mȩttü̧ räopina̧'a̧, rä̧mi̧pü̧'i̧nä̧, ku'upä ürowü'inä̧, ku'upä kürüächü'i̧nä̧, jü̧nä̧; ja̧'wa̧ta̧nü̧ juȩnȩ, ruwo deäkä ä'ka jo̧mȩmä̧, kko̧ro̧mü̧ttü̧nü̧ todäre jo̧mȩnä̧ ra̧pa̧ra̧ o̧yu̧ kuoina̧'a̧, jua̧u̧mä̧ kko̧ro̧mü̧ttü̧nü̧ todäre jo̧mȩnä̧, Dio isotü epíritu-tu̧ ji̧na̧'a̧.

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

San Juan 1:16

Isopäi'ünä̧ Jua̧u̧ u̧ju̧nä̧rü̧ttü̧tä̧ o'katoi'ünä̧ ȩmi̧nä̧tü̧jä̧, rettü ppädina̧'a̧mä̧, jua'a yabo ppädinä̧u̧jä̧.

Apocalipsis 5:6

Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

San Juan 20:22

Ja̧'wa̧ta̧nü̧, a̧mi̧yuppa ppü'ü juätürü pä'inü̧: —Epíritu Sa̧tu̧rü̧ ȩmä̧tu̧kui̧, ja̧já̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

Apocalipsis 3:2

Porächi'ü topärä̧kuä̧wi̧, kkoro toe'ächü'anü̧ jü̧'i̧nä̧ äräbe'i; isopäi'ünä̧ kuaditäwämä̧ Dio ä'ka jo̧mȩttü̧mä̧ jo̧mȩnü̧mä̧ adikui'oka'a topüsä.

Apocalipsis 3:8

Kuaditümä̧ o'kajuiyünä̧ wo̧jua̧sä̧; topi, kuä'kajo̧mȩ äpate ba'epü kku̧nu̧sä̧, ya̧tȩ'i̧nä̧ mü̧'ȩpü̧ juiyünä̧ jate; ja̧'wa̧ta̧nü̧ kujurumä̧ a̧'u̧ku̧nä̧tä̧ ku̧ju̧nä̧ra̧'a̧nä̧, ttü chi̧wȩnȩnä̧ ukuotü, chi̧mi̧mä̧ ä̧ppü̧tä̧ro̧kü̧ pä'ijüjä̧.

Apocalipsis 3:15

Kuaditäwämä̧ o'kajuiyünä̧tä̧ wo̧jua̧sä̧: Ukumä̧ diyaunä'i̧nä̧, du'unä'i̧nä̧ woküjä̧. ¡Diyaunä̧tä̧'i̧nä̧, du'unä̧tä̧'i̧nä̧ ji̧yȩtȩnä̧ kuttütä adiwaja'a!