Apocalipsis 22:3 - Nuevo Testamento Uwotjüja

³ Ja̧'wa̧ta̧nü̧ juȩnȩmä̧ surojümä̧ juiyäkua'a. Ütawiyänä̧mä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧tä̧ kkä̧kua̧'a̧ ja̧'wa̧ta̧nü̧ umüwäyotütä 'kuäopünä̧ tteseäkuäwä̧kua̧.

TÄ̧DO Ä̧CUÄ̧ I̧HUȨNȨ

³ Ju̧huȩnȩ surojömä 'cuäopoca'a. Dios'inä, Cordero'inä tti̧dȩä̧cä̧ ju̧huȩnȩ ötahuiyänä kä̧cua̧'a̧. Umöhuäyotömä ja̧u̧ru̧ eseunu ttucuocuäcuotö.

Apocalipsis 22:3 Referans Kwoze

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Juan 12:26

Ya̧tȩ ttü wedü jȩpü̧mä̧, cho'ka'anä̧ ichi; jua̧u̧mä̧ ttü chi̧'cho̧mȩmä̧ i̧'chä̧kua̧. Ttü wedü jȩpü̧rü̧mä̧, Chä'o'i̧nä̧ esewä̧kua̧.

San Juan 14:3

Ja̧'wa̧nü̧ ku̧jä̧tu̧kuä̧kuo̧mȩ aditü kku̧nu̧ i̧u̧ i̧wi̧pü̧'ka̧, pä'äjita'anü̧, ttütä ukuturu ȩmü̧ chi̧chä̧kua̧sä̧, ukutu'i̧nä̧ ttü chü̧jo̧mȩ ku̧ja̧kuä̧tu̧kuä̧kua̧'a̧nü̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

Apocalipsis 7:10

Ja̧'wa̧nü̧ ja̧'a̧ pä̧i̧ku̧nä̧ wopinä̧tü̧: «¡Ra̧wä̧pi̧jü̧ttü̧ kki̧'i̧kuä̧mä̧ tu̧ru̧wa̧ Dio, ruwo deäkänä̧ pü̧ jäwätä ja̧'a̧, ja̧'wa̧ta̧nü̧ oweja mü̧ä̧ya̧ wa̧ jäwätä ja̧'a̧!»

San Juan 13:32

Ja̧'wa̧ta̧nü̧ Dio ukuo jäwä, jua̧u̧nä̧ i̧jȩpü̧ttü̧mä̧ ja̧'wa̧ta̧nü̧ Dio'i̧nä̧, jua̧u̧ i̧tti̧ ukuo jäwä i̧jȩpä̧kua̧; jua'amä̧ jitätä ja̧'a̧ku̧.