Apocalipsis 22:19 - Nuevo Testamento Uwotjüja

¹⁹ Ja̧'wa̧ta̧nü̧ ya̧tȩ pi'tänä̧ wȩyu̧kua̧'a̧ pȩjü̧ 'kuäopä̧kuȩ päü jittäwinü̧ ȩmü̧ ikuttümä̧, Dio-mä̧ jua̧u̧ üäre kkä̧kuä̧wä̧ dauttu'i̧nä̧, adiwäjuei ütawiyättü'i̧nä̧ ja̧'wa̧ta̧nü̧ pi'tä kuyäru'tänä̧ wȩyu̧kua̧'a̧ pȩjü̧mä̧ 'choipä̧kua̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ ya̧tȩ pi̧yȩ cuyäru'tänä huȩyu̧cuä̧mä̧, Dios i̧huȩnȩttö̧ si'epö icuttumä, chutä öäre kä̧cuä̧huä̧ i'co dau u̧huä̧ju̧ttu̧'i̧nä̧, adihuä ötahuiyänä ö̧ja̧ päjittö'inä, pi̧yȩ cuyäru'tänä huȩyu̧cu̧'a̧nö̧ 'cho'ö i̧cuä̧cua̧ Dios.

Apocalipsis 22:19 Referans Kwoze

San Lucas 11:52

«¡Isottü̧ ukutu weäwä wȩnȩ wo̧juȩkuä̧ isotüwe!, wo̧juä̧wä̧ wȩnȩ llawi kku̧nä̧rä̧tü̧ kuätukua'anä̧; ukututä'i̧nä̧ dode'kuätukuoka'anä̧ kkorotürü'i̧nä̧ dodettü juiyünä̧ jȩpä̧tü̧jä̧.»

Apocalipsis 22:2

Ütawiyättü mä̧nä̧ juȩi̧pä̧mä̧ kkä'konä̧ ajemä̧ ri̧na̧'a̧, aje jäyoto ji̧jä̧ku̧'i̧nä̧, pätekuadä̧'i̧nä̧ kkä̧kuä̧wä̧ dauwiyä u̧wä̧ju̧ kkä̧wa̧ jü̧'a̧kuä̧ wȩjü̧ oi buojuoina̧'a̧ ja̧'wa̧nü̧ pä'ümä̧ ttü̧jä̧pü̧ttü̧ todäre jo̧mȩnä̧ ya'ute año-nä̧mä̧ wȩji̧nü̧ oi pä'ü päwä; ja̧'wa̧ta̧nü̧ dauwiyä ojiyämä̧ ttü̧ja̧ ttumä̧richeittü ttü̧'i̧pü̧nä̧ ppädü ji̧na̧'a̧.

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

Apocalipsis 1:3

Pi̧yȩ 'kuäopä̧kuȩ wȩnȩ topü ukuokurumä̧ ja̧'wa̧ta̧nü̧ ä̧ju̧ku̧ ukuotätürümä̧, rü̧ȩnä̧ eseäkuäwä kka̧'a̧, täkü jua̧u̧ 'kuäopä̧kuȩ mo̧ro̧mä̧ tü'kü ja̧'a̧ttü̧.

Apocalipsis 22:12

«A̧, jitätä ja̧'a̧ku̧ ichüsä ja̧'wa̧ta̧nü̧ premio pättü'i̧nä̧ i'kächüsä ya̧ku̧nä̧rü̧ jȩtti̧nü̧ a̧kuä̧ chiyä'chä̧kuemä̧.

Apocalipsis 3:12

Isó juo'epü surojü abo 'kuä'o'ürümä̧ chu̧ru̧wa̧ Dio-rü ukuokuäkuäwode 'chu̧ä̧rä̧'ka jü̧nä̧ jȩchä̧kuä̧u̧, juorümä̧ yoriso rättopü juiyünä̧tä̧; ja̧'wa̧ta̧nü̧ juätürümä̧ chü̧ä̧nä̧wa̧ Dio i̧mi̧'i̧nä̧, jareü ütawiyä Jerusarȩ́ mo̧ro̧jä̧ra̧'a̧ Dio-ttü ichü i̧mi̧'i̧nä̧, jareünä̧ chi̧mi̧'i̧nä̧ wȩyu̧tu̧ chü̧tä̧kua̧sä̧.

Apocalipsis 14:13

Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 2:26

Ja̧'wa̧nü̧ ja̧'a̧ttü̧ surojü abo 'kuä'o'ü rüjí mo̧ro̧bü päi'ünä̧ ttü chaditäwä 'chu̧'ä̧rä̧kuä̧u̧ru̧mä̧, ttü̧ja̧ tti̧rȩji̧yä̧ o'kajuiyünä̧ wettünä̧ ttukuo chi̧yä̧kuä̧u̧,

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

Apocalipsis 11:2

Ja̧'wa̧nü̧ ja̧'a̧nä̧, u̧mi̧nä̧mä̧ ku̧'a̧to̧ka̧'a̧ kku̧ni̧pi̧, juȩnȩmä̧ judío pokotürü iyäwi'ino̧mȩ; juätütä wettäkuomȩ ütawiyä surojü juiyomȩmä̧, cuarenta y do-nü̧ kkä̧wa̧tü̧ jo̧mȩnä̧.

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Apocalipsis 22:7

«¡Jitätä ja̧'a̧ku̧ chichäkua̧sä̧! ¡Eseäkuäwä kka̧'a̧ pi'tä kuyäru'tänä̧ wȩyu̧tu̧ rütäwä 'kuäopä̧kuȩ pä'ü jittäwinü̧ esetürümä̧!»