Apocalipsis 21:27 - Nuevo Testamento Uwotjüja

²⁷ Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

TÄ̧DO Ä̧CUÄ̧ I̧HUȨNȨ

²⁷ Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.

Apocalipsis 21:27 Referans Kwoze

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

San Mateo 13:41

Ubó I̧tti̧mä̧ umüwäyotü á̧gȩrȩ-rü wȩä̧kua̧, chutä ru̧wa̧ jü̧nä̧ weomȩttü̧ kkorotürü ma̧ttä̧chü̧nä̧ jȩpi̧nä̧tü̧rü̧'i̧nä̧, suronä̧ jȩpä̧tü̧rü̧'i̧nä̧ o'katoi'ünä̧rü̧ ttü̧ka̧ka̧ta̧ pä'ü.

Efesios 5:5

Ja̧'wa̧ta̧nü̧ wo̧juä̧tü̧jä̧, ya̧tȩ ü'käwoka'a jȩpä̧'chü̧'i̧nä̧, surojünä̧ kkü̧'i̧nä̧, kkorojuei yaboku u̧ju̧nä̧ra̧ pä'ü'i̧nä̧, ttü̧ä̧nä̧wo̧tü̧rü̧ tätäwa'a esetü'i̧nä̧, Dio weomȩmä̧, Crito weomȩmä̧ do'ächokü jä̧kua̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

San Marcos 7:2

Ichi'opo'ü, pitümä̧, Jesú u̧wo̧juȩtä̧u̧ yotukunä̧ ttu̧mü̧ idikua'anä̧ ttu̧kui̧yä̧u̧, jua'amä̧ ttütükäwoka'a jä̧ji̧yä̧u̧ topü suronä̧ pättinä̧u̧.

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

1 Timoteo 1:10

Ja̧'wa̧ta̧nü̧ irekua wokojuku kkirekuo woküku jȩpä̧'chä̧tü̧rü̧'i̧nä̧, u̧mä̧tü̧ ttawaruwä u̧mä̧tu̧ku̧ jȩpä̧'chä̧tü̧rü̧'i̧nä̧, ttü̧ja̧rü̧ nä̧u̧kuä̧rä̧tü̧rü̧'i̧nä̧, yaparewätürü'i̧nä̧, ja̧'wa̧ta̧nü̧ kkorojueinä̧ i̧mi̧nä̧ wȩnȩtü̧ ttesetünä̧ jȩpä̧'chä̧tü̧rü̧'i̧nä̧ ja̧'wa̧ta̧nü̧ adiwäjuei wȩnȩ ttu̧wo̧juȩtü̧ to'ija̧'a̧ku̧ wo̧juȩtä̧tü̧rü̧'i̧nä̧.

2 Pedro 3:13

Ja̧'wa̧nü̧ ja̧'a̧nä̧ ujutumä̧ mo̧ro̧jä̧'i̧nä̧, rȩjȩ'i̧nä̧ ja̧rȩä̧jä̧ Dio iya päinä̧jä̧ tta̧'a̧rä̧tü̧, juȩnȩmä̧ o'kajuiyünä̧ adiwäkuomȩ.