Apocalipsis 21:12 - Nuevo Testamento Uwotjüja

¹² Jua̧u̧ ütawiyä jäyänä̧mä̧, isäbä ju'tojunü̧ ttoekuina̧'a̧, äpatiyämä̧ ttü̧jä̧pü̧ttü̧ taterenü̧ jo̧mȩnä̧ kka̧kui̧na̧'a̧, jua̧u̧ äpate yatetekunä̧mä̧ ya̧tȩ á̧gȩ pünä̧ kka̧kui̧nä̧tü̧; äpatiyänä̧mä̧ Irae ttü̧ja̧, ttü̧jä̧pü̧ttü̧ to̧mü̧rȩ ruwä tti̧mi̧pi̧yä̧ wȩyu̧kua̧'a̧ pȩji̧na̧'a̧.

TÄ̧DO Ä̧CUÄ̧ I̧HUȨNȨ

¹² Ja̧u̧ ötahuiyä u̧mi̧cu̧ i̧so̧ca̧ rö̧o̧ca̧ ji̧na̧'a̧. Ju̧huo̧ca̧ i̧so̧ca̧nä̧ ttö̧jä̧pö̧ttö̧nö̧ tatere äpatiyä ji̧na̧'a̧. Äpatiyä jö̧ ta'anö, ka̧cui̧nä̧tö̧ ángelesmä. Ja̧'hua̧ta̧nö̧ Israel ttö̧ja̧ tti̧mi̧mä̧ ttö̧jä̧pö̧ttö̧nö̧ tatere äpatiyä jö̧ ta'anö, huȩyu̧cua̧'a̧ ji̧na̧'a̧.

Apocalipsis 21:12 Referans Kwoze

Apocalipsis 21:25

Jua̧u̧ äpatiyämä̧ mo̧ro̧mä̧ mü̧'ȩpü̧ ikuäwokü jä̧kua̧'a̧ 'kuäopünä̧tä̧, jua'amä̧ yodomä̧ juiya'attü̧.

Hechos 26:7

Ujutu tü̧tä̧mü̧mi̧nä̧ttü̧ doce-nü̧ wotü judío-mä̧, juätürü iya päinü̧ tta̧'ä̧rü̧mä̧ Dio ü̧rü̧ä̧ eseäkuäwätü, mo̧ro̧'i̧nä̧, yodo'i̧nä̧, jü̧nä̧. Ja̧'wa̧nü̧ jȩcho̧mȩttü̧ judío-mä̧ kuä'ü ttikuattü pättäkusä, ru̧wa̧ rey Agripa.

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

San Lucas 16:22

Ja̧'wa̧nü̧ jä̧'i̧ja̧'a̧, usurä i̧sa̧ pä'ijümä̧ 'korupäi'äja'a, á̧gȩrȩ ttȩpi̧nä̧ku̧ Abraha̧ ippeyänä̧ pä̧mä̧dü̧ ukua pä'ü. Ja̧'wa̧ta̧nü̧ ru̧wa̧'i̧nä̧ 'korupäi'äja'a rȩjȩ 'turu ttikuinä̧ku̧.

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

Apocalipsis 21:13

Kkä̧wa̧ räopa'akumä̧ äpate wäbatekuä jo̧mȩnä̧ kka̧kui̧na̧'a̧, kkä̧wa̧ u̧wo̧jua̧'a̧ku̧'i̧nä̧ äpate wäbatekuä jo̧mȩnä̧ kka̧kui̧na̧'a̧, kkä̧wa̧ ma̧ä̧cha̧'a̧ku̧'i̧nä̧ äpate wäbatekuä jo̧mȩnä̧ kka̧kui̧na̧'a̧ ja̧'wa̧ta̧nü̧ kkä̧wa̧ ieruwa'akunä̧'i̧nä̧ äpate wäbatekuä jo̧mȩnä̧ kka̧kui̧na̧'a̧.

Apocalipsis 21:15

Ja̧'wa̧ta̧nü̧ á̧gȩ ttüku ukuokumä̧ nä̧yü̧na̧ oro isä̧na̧ 'chu̧'ä̧ri̧nü̧, ütawiyä'i̧nä̧, äpatiyä'i̧nä̧, tto'epü kku̧nä̧wäbä'i̧nä̧ pa̧ja̧ti̧nü̧ juä̧na̧nä̧.

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.