Apocalipsis 20:15 - Nuevo Testamento Uwotjüja

¹⁵ Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ o'ca toi'önärö, tti̧mi̧mä̧ kä̧cuä̧huä̧ i'co cuyäru'tänä huȩyu̧cuo̧co̧tö̧rö̧ juhuarä ocurä rö̧arära̧'a̧ do'opö icuinä̧u̧.

Apocalipsis 20:15 Referans Kwoze

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Mateo 13:50

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

San Mateo 13:42

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 20:14

Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.