Apocalipsis 20:14 - Nuevo Testamento Uwotjüja

¹⁴ Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.

TÄ̧DO Ä̧CUÄ̧ I̧HUȨNȨ

¹⁴ Ja̧u̧nu̧ o'ca'a, 'corupäi'äcuähuä'inä, 'corupätti'ome'inä ocurä rö̧arära̧'a̧ do'opö icuinä̧u̧. Ja̧u̧ ocurä rö̧arä todärenä 'corupäi'äcuähuä ja̧'a̧.

Apocalipsis 20:14 Referans Kwoze

1 Corintios 15:26

Jua̧u̧nü̧ o'ka'a a̧bo̧i̧ya̧ o'komȩnä̧ si'epü i̧kuä̧kua̧mä̧ wa'are jä̧kua̧'a̧.

Apocalipsis 20:6

¡Eseäkuäwä kka̧'a̧ ä̧kuo̧mȩnä̧ jäwänä̧ tto'ächinä̧tü̧rü̧, juätümä̧ surojüttü 'kȩ'ȩpü̧ ȩmi̧nü̧nä̧ todepätü ja̧'a̧!; yȩnȩta̧'a̧nü̧ wa'ü ttikumä̧, juätürümä̧ rü̧jä̧mo̧ko̧u̧ ttäkuotü; pärokua'aku Dio'i̧nä̧, Crito'i̧nä̧ umüwäyotü sacerdote jü̧nä̧tä̧ ttäkuotü ja̧'wa̧ta̧nü̧ jua̧u̧tä̧ku̧ mil años jo̧mȩnä̧ ruwo wettäkuotü.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Apocalipsis 21:4

Dio-mä̧, juätü tti̧'chȩrȩ'i̧nä̧, jȩpü̧ i̧kuä̧kua̧; täkü wa'are'i̧nä̧ juiyäkua'a, 'chȩrȩ'i̧nä̧, barawä̧u̧ wottü'i̧nä̧; täkü ä̧kuo̧mȩnä̧ kka̧kui̧nü̧mä̧ 'kuäopina̧'a̧tä̧ ji̧na̧'a̧.»

Apocalipsis 20:13

Ja̧'wa̧ta̧nü̧ rü̧ä̧ aje'i̧nä̧, juotottü to'e'ächinä̧tü̧rü̧ ppa̧wä̧di̧na̧'a̧; ja̧'wa̧ta̧nü̧ wa'are'i̧nä̧, wa'are rejuwiyä'i̧nä̧ jua̧u̧nä̧ wa'inä̧tü̧rü̧ ppa̧wä̧di̧na̧'a̧; ja̧'wa̧nü̧ ja̧'a̧mä̧ yotukunä̧ jȩtti̧nü̧'a̧kuä̧ päwi'inä̧u̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

1 Corintios 15:53

Isopäi'ünä̧ pi̧yȩ pparuwächü beipächümä̧ 'ka̧tä̧wi̧'a̧ pä'ü rekuä rü̧ja̧'a̧ pparuwächü beipächokünä̧ ja̧'wa̧ta̧nü̧ pi̧yȩ tidepä wa'ü ikumä̧, tidepä wa'ü ikuokü jäwänä̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.

Apocalipsis 6:8

Päku, tochomȩnä̧ ya̧tȩ cabayu amarillo wa̧ kki̧nü̧ ja̧'wa̧nü̧ ja̧'a̧ jua̧u̧nä̧ wuö̧mä̧, wa'are pä'ü mikuinü̧. Jua̧u̧ru̧mä̧ wa'are reju ru̧ä̧ri̧na̧'a̧: Jua̧u̧ru̧ ujuru iyäwi'inä̧ku̧ pi̧jä̧ rȩjȩttü̧ o'kajuiyünä̧ tü'küwächi'ünä̧nü̧ kuä'äu ikua pä'ü, kurodiyänä̧'i̧nä̧, ppäinä̧'i̧nä̧, märicheinä̧'i̧nä̧ ja̧'wa̧ta̧nü̧ isotünä̧'i̧nä̧, jü̧nä̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.