Apocalipsis 2:5 - Nuevo Testamento Uwotjüja

⁵ Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.

Apocalipsis 2:5 Referans Kwoze

Apocalipsis 3:19

Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.

Apocalipsis 2:16

Ja̧'wa̧nü̧ ja̧'a̧ttü̧, jua̧u̧ttü̧ kä'ädi'i; ja̧'wa̧nü̧ kä'ädi'ü ppa̧kuä̧chü̧ juiyüttümä̧, jitätä ja̧'a̧ chi̧chä̧kua̧sä̧, juätuku churowäwa pä'ü, chänä̧ kko̧dä kurodänä̧.

Apocalipsis 2:19

O'kajuiyünä̧ kuaditäwämä̧, eseu jȩ'ku̧mä̧, kua̧'kua̧ ku̧wȩnä̧rü̧'i̧nä̧, 'kuäkuächi'oka'a kui̧'chü̧'i̧nä̧ ja̧'wa̧ta̧nü̧ ä̧kuo̧mȩnä̧ ji̧no̧mȩttü̧ abonä̧nü̧ jȩ'ku̧'i̧nä̧ wo̧jua̧sä̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

San Lucas 1:17

Ja̧'wa̧ta̧nü̧ jua̧u̧ Ju̧a̧-mä̧, Tu̧ru̧wa̧ ä'kanä̧ i̧'chä̧kua̧, Elía i̧'chi̧nü̧ta'anü̧, epírituku, ujuruku, jü̧nä̧; ttä̧'o̧tü̧rü̧ tti̧tti̧mü̧ku̧ ttesekunä̧. Ja̧'wa̧ta̧nü̧ jarodätürü'i̧nä̧ adiwä jueiku ttukuotünä̧. Ja̧'wa̧nü̧ jȩpü̧, ttü̧ja̧rü̧ jo̧mȩnü̧ jȩpü̧ u̧ju̧nä̧kua̧, Ttu̧ru̧wa̧ ichome tteseäkuäwa pä'ü.

San Lucas 20:16

Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!

San Marcos 12:9

¿Pa̧'a̧nü̧ ja̧'a̧mä̧, kuamükuädätukuomenä̧mä̧ uwa pätta u̧ru̧wa̧mä̧, däjé jȩä̧kua̧'a̧jä̧ttü̧ juätürümä̧? Ja̧'wa̧nü̧ ji̧na̧'a̧mä̧, kku̧nä̧wä̧ isotürümä̧, ichi'ü kuä'ü iku, kkorotürütä i̧yä̧kua̧ pä'ü amükuädätüjä̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

Gálatas 5:4

Jitü, Dio ȩma̧tü̧ pä'ü weäwä wȩnȩ jȩpä̧tü̧mä̧, Crito rȩrü̧jü̧ topü ppädinü̧ kkü'kü jui'ü, jua̧u̧ttü̧mä̧ rä'ekuächätü.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.

Apocalipsis 16:9

Ja̧'wa̧nü̧ ja̧'a̧ttü̧, ttü̧ja̧mä̧ o'katoi'ünä̧ kuo'äu iku, Dio-rü suronä̧ wopinä̧tü̧, surojüttü kä'ädi'ü Dio-kumä̧ ppa̧ttä̧cha̧ pä'okotü pinä̧tü̧, jua̧u̧ surojü jȩpü̧ ikuäwä ujuru kku̧nä̧rü̧ku̧mä̧.

San Mateo 5:14

Ukutumä̧ pi̧jä̧nä̧ttü̧ tȩya̧u̧ wotüjä̧. Mü̧ä̧'ka wä̧mȩ wȩjü̧ ütawiyämä̧ dajäwomȩ juiyü.

San Mateo 5:15

Ra̧pa̧ra̧ rȩdȩti̧'ü̧'kotümä̧ i̧so̧ka̧ dȩa̧'a̧mä̧ kku̧nä̧wo̧kü̧; pärokua'aku ju'tojutä kku̧nä̧wä̧ isodenä̧ kka̧kuä̧tü̧ ttü̧ja̧ o'katoi'ünä̧rü̧ kkä̧dȩpa̧ pä'ü.

Filipenses 2:15

Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

2 Pedro 3:17

Ja̧'wa̧nü̧ ja̧'a̧ttü̧ chi̧jä̧wa̧tü̧, täkü pi̧yȩmä̧ ä'kanä̧ wo̧juä̧tü̧jä̧, ttu̧'ȩpä̧rä̧kuä̧u̧ kka̧kuä̧tu̧kui̧ suronä̧ jȩpä̧tü̧ ttüyapareünä̧ doo'ächätukuäku, 'kiyünä̧ ku̧jä̧'i̧jä̧tu̧kua̧'a̧'i̧nä̧ ma̧kuä̧chä̧tu̧ku̧ juiyäkua'anü̧.