Apocalipsis 19:9 - Nuevo Testamento Uwotjüja

⁹ Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

TÄ̧DO Ä̧CUÄ̧ I̧HUȨNȨ

⁹ Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.

Apocalipsis 19:9 Referans Kwoze

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Apocalipsis 1:19

Ja̧'wa̧nü̧ ja̧'a̧ttü̧, to'kuäjimä̧ wȩyu̧ti̧: Jitä 'kuäopü'i̧nä̧ ja̧'wa̧ta̧nü̧ yodoji 'kuäopä̧kuȩ'i̧nä̧, jü̧nä̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.

Apocalipsis 14:13

Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»

Apocalipsis 10:4

Ja̧'wa̧nü̧ kko̧ro̧mü̧ttü̧nü̧ rä̧mi̧po̧mȩnä̧, chi̧wȩyu̧ta̧ pä'inü̧sä̧; ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ rä̧mi̧pi̧na̧'a̧: «Kui̧wȩyu̧tä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pä̧ji̧mä̧, dajütä kku̧ni̧,» jü̧nä̧.

Apocalipsis 3:14

«Ja̧'wa̧ta̧nü̧ Laodicea-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü Amȩ́-mä̧, jueünä̧tä̧, isopäi'ünä̧tä̧ ukuokumä̧, ä̧kuo̧mȩnä̧ Dio uwäbe'inü̧'i̧nä̧ kki̧nü̧mä̧, pi̧yȩ pä'ü.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Apocalipsis 2:18

Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü:

Apocalipsis 2:12

Pégamo-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: kurodä päteku so̧dä tä̧o̧dä kku̧nä̧rü̧mä̧ pa̧'a̧nü̧ pä'ü:

Apocalipsis 2:8

Esmirna-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Ä̧kuo̧mȩnä̧tä̧ päi'ünä̧ kki̧nü̧mä̧, yodoji rüjí mo̧ro̧'i̧nä̧ ü̧jä̧kua̧mä̧, wa'ü'i̧nä̧ ikuina̧'a̧nä̧ tto'ächinü̧mä̧, pa̧'a̧nü̧ pä'ü:

Apocalipsis 2:1

Éfeso-ra̧'a̧ igresia tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: u̧wo̧jua̧'a̧ku̧nä̧ u̧mü̧nä̧ kko̧ro̧mü̧ttü̧nü̧ ta̧ju̧ wotü si̧ri̧'kü̧rü̧ 'chu̧'ä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro jäwä 'kä̧tȩnä̧ kue'ächümä̧ pa̧'a̧nü̧ pä'ü:

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

2 Timoteo 2:11

Pi̧yȩmä̧ isopäi'ünä̧tä̧ ja̧'a̧: Chutäku 'korupäti'inü̧ttü̧mä̧, ja̧'wa̧ta̧nü̧ chutäku tü̧ja̧kuä̧kuo̧tü̧jä̧;

1 Timoteo 4:9

Pi̧yȩmä̧ isopäi'ünä̧ wȩnȩ. O'katoi'ünä̧ ttesetü'a̧nü̧ ja̧'a̧.

1 Timoteo 1:15

Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.

San Lucas 22:16

Isopäi'ünä̧ jitä chukua'atä ja̧'a̧mä̧, pä'äjita'anü̧mä̧ Ru̧wa̧ Dio weomȩttü̧ jo̧mȩ päi'omȩnä̧tä̧ chu̧kuä̧kua̧sä̧.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 17:1

Kko̧ro̧mü̧ttü̧nü̧ ta̧ju̧ wotüttü ya̧tȩ á̧gȩ, kko̧ro̧mü̧ttü̧nü̧ to̧'ta̧rȩ copa o̧'ta̧ 'chu̧ä̧rä̧nü̧ ichi'ü päinä̧ku̧sä̧: «Ichiwä, chi̧jȩpa̧ku̧ u̧mä̧tu̧ku̧ jȩpä̧'chä̧kuä̧wä̧'i̧jä̧ju̧ büarü, ajewiyä wä̧mȩ pä̧ju̧ru̧ usurä kkȩmä̧u̧nä̧ ro̧ȩkuä̧kuȩ.

Apocalipsis 17:17

Jua'amä̧, Dio-mä̧ churutä pä̧wä̧rü̧jo̧mȩnä̧, juätü to̧mü̧rȩ ruwä ruwotü tta̧mi̧ iso'kinä̧ wea'attü̧ ja̧'wa̧nü̧ jȩttü̧nä̧ iyinä̧u̧: Ji̧nä̧ ji̧yȩtȩnä̧ amükuädü i̧sa̧ büorü uruwo ttiya pä'ü. Ja̧'wa̧nü̧ jo̧mȩnä̧, i̧sa̧ büorü ttukuotäkuotü, Dio amükuädinü̧ jo̧mȩnü̧ päi'ünä̧.