Apocalipsis 19:10 - Nuevo Testamento Uwotjüja

¹⁰ Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Apocalipsis 19:10 Referans Kwoze

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Apocalipsis 4:10

Veintikuatro-nü̧ wotü a̧ci̧a̧nu̧tu̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧ ttiwe'kiyunä̧ pȩjä̧mä̧kuä̧u̧ esewinä̧tü̧, ttünä̧ kka̧ku̧ püttäwä corona pättü'i̧nä̧, uruwo deäkä ä'ka jo̧mȩ iku pä'inä̧tü̧:

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

San Mateo 4:10

Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

Apocalipsis 14:7

Jua̧u̧mä̧, pä̧i̧ku̧nä̧ wopinü̧: «Dio-rü ukuotü eseäkuäwätukui, isopäi'ünä̧ pi̧jä̧ ttü̧ja̧rü̧ pojopü ro̧'ȩpü̧ hora-mä̧ rȩbȩä̧kuä̧wa̧'a̧. Ja̧'wa̧ta̧nü̧ kuiwe'kiyutukunä̧ pȩjä̧mü̧ eseäkuäwätukui mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧ ja̧'wa̧ta̧nü̧ ajewiyä kkada'ka'i̧nä̧ aditinü̧rü̧.»

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Lucas 1:19

Päomȩnä̧ á̧gȩ-mä̧ ädätinä̧ku̧: —Ttümä̧ Gabrie pä'ü mi̧kua̧sä̧, Dio ä'ka jo̧mȩ aditüsä; ja̧'wa̧nü̧ ja̧'a̧ttü̧ ukuru pi̧yȩ adiwäjuei jareü wȩnȩ jidäwa pä'ü weäwi'äjäkusä.

San Marcos 5:22

Ja̧'wa̧nü̧ ü̧ja̧'a̧, ya̧tȩ, sinagoga u̧ru̧wa̧, Jairo pä'ü mi̧kua̧ ichi'inü̧. Jua̧u̧mä̧ Jesú-ru topo'ü, ü̧jä̧pü̧ jo̧mȩ iwe'kiyunä̧ pä̧mä̧dü̧,

Hechos 13:27

Isopäi'ünä̧, Jerusarȩ́-nä̧ kka̧kuä̧tü̧mä̧ ja̧'wa̧ta̧nü̧ tturuwotü'i̧nä̧ Jesú ütü'kü wo̧jui̧'o̧ko̧tü̧ pinä̧tü̧ sawaru mo̧ro̧ jü̧ta̧'a̧nü̧ profeta-tü̧ tti̧wȩyu̧ti̧nü̧mä̧ ttukuokua'anä̧. Ja̧'wa̧nü̧ ttu̧wo̧jui̧po̧ka̧'a̧ttü̧, profeta-tü̧ ttukuokuinü̧'a̧kuä̧ kuä'ü ttikunä̧ wettinä̧ku̧.

1 Juan 5:21

Chi̧tti̧mü̧ wotü, yaparewätü ttü̧ä̧nä̧wo̧tü̧rü̧ kuesetätukuä.

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

Efesios 5:15

Ja̧'wa̧nü̧ ja̧'a̧ttü̧, tta̧'ä̧rä̧kuä̧u̧ kkä̧wi̧; tta̧mü̧kuädü jui'ätü ttü̧jü̧'a̧nü̧mä̧ kkü̧jä̧, pärokua'aku amükuädätü ttü̧jü̧'a̧nü̧tä̧ kkä̧wi̧.

2 Corintios 8:7

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ ku̧ju̧nä̧rä̧'i̧jä̧tu̧ku̧ta'anü̧, wo̧juä̧wä̧ wȩnȩ, ku̧wo̧jui̧'i̧nä̧tu̧ku̧, ppä'ädäkuäu jȩ'kuä̧'i̧jä̧tu̧ku̧ta'anü̧, pi̧yȩ ppädäkuäwä'i̧nä̧ jȩpä̧tu̧kui̧.

San Marcos 7:25

Jua̧u̧ ütü'kü yotäku ä̧ju̧kuo̧po̧'ü̧, epíritu su̧ro̧pa̧rü̧ kku̧nä̧rä̧ju̧ mü̧ä̧yaju Kka̧ju̧mä̧, Jesú ü̧jo̧mȩku̧ ichi'ü kkiwe'kiyunä̧ kkä̧mä̧di̧nä̧jü̧.

Efesios 5:33

Kkoromä̧ ja̧'a̧nä̧, yotukunä̧ repe'ätukui kuirekuamü̧tu̧ku̧ru̧, kua̧mü̧nä̧ pa̧ja̧tü̧ repekuäwätukuta'anü̧, ja̧'wa̧ta̧nü̧ nä̧tü̧mä̧ kuirekuorü ukuotätukui.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»