Apocalipsis 18:23 - Nuevo Testamento Uwotjüja

²³ Täkü, ukuttümä̧ ra̧pa̧ra̧ i̧tȩya̧u̧mä̧ tȩya̧wo̧ka̧'a̧ jä̧kua̧'a̧, ttü'käwa'a pä'käri tteseäkuäwuö'i̧nä̧ rä̧mi̧po̧ka̧'a̧ jä̧kua̧'a̧. Isopäi'ünä̧ ukú ku̧wo̧juȩtä̧u̧ järe iyäwä isotümä̧ pi̧jä̧nä̧ttü̧ ttujuru kku̧nä̧ri̧nä̧tü̧ Ja̧'wa̧nü̧ jȩpü̧ kumä̧ri'änä̧ pi̧jä̧ ttü̧ja̧ o'katoi'ünä̧rü̧ yaparewinü̧jä̧.»

TÄ̧DO Ä̧CUÄ̧ I̧HUȨNȨ

²³ Lámpara'inä tȩa̧huo̧co̧mȩ jä̧cuo̧mȩ. Ttirecuarö ȩmö̧ fiesta jȩtta̧'a̧ yoröiso ä̧ju̧cuä̧cuä̧huo̧co̧mȩ jä̧cuo̧mȩ. Pä'äjitä ucuttu rä'opö, järe ȩmä̧huä̧ ruhuotö pi̧jä̧nä̧ korotöttö'inä abonänö juruhuinätö. Ja̧'hua̧ta̧nö̧ cumäri'änä jȩpö̧, yapareu jȩpi̧nä̧ju̧jä̧ korotö ttö̧ja̧rö̧ o'ca toi'önärö.

Apocalipsis 18:23 Referans Kwoze

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 18:22

Täkü, ukuttümä̧, arpa pättü'i̧nä̧, flauta pättü'i̧nä̧, trompeta pättü'i̧nä̧, täkü ä̧ju̧kuä̧kuä̧wo̧ka̧'a̧ jä̧kua̧'a̧, täkü, adikuä aditätü'i̧nä̧ toäkuomȩ, trigo kkäräwä ido'ki ttüjära'a ukuokuä'ijü'i̧nä̧, ukuokuoka'a jä̧kuo̧mȩ.

Apocalipsis 18:9

Ja̧'wa̧ta̧nü̧ pi̧jä̧nä̧ttü̧ ruwotü juäjutäku surojü, ttidepä esewomȩnä̧ kka̧kui̧nä̧tü̧mä̧, juäju kuo'ü kkikua'a okurä isoppa 'chawäda'a topü, rü̧ȩnä̧ ttajuäkuäwäkuotü,

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

Apocalipsis 17:2

Juäjuku jȩpä̧kuä̧wä̧'chü̧ surojuo'ächinä̧tü̧ pi̧jä̧nä̧ttü̧ ruwotümä̧ ja̧'wa̧ta̧nü̧ pi̧jä̧ ttü̧ja̧mä̧, juäju kkawoya, vino isoya au ttidepä iyä'chäkuäu tä̧'ä̧mä̧kuäwi̧nä̧tü̧.»

Apocalipsis 22:5

Juȩnȩmä̧ yodo'i̧nä̧ juiyäkua'a ja̧'wa̧ta̧nü̧ juȩnȩ kka̧kuä̧tü̧mä̧ ra̧pa̧ra̧ i̧tȩya̧u̧'i̧nä̧ mo̧ro̧ kkä̧wa̧ i̧tȩya̧u̧'i̧nä̧ rekuämä̧ rü̧jo̧ko̧u̧ ttäkuotü, jua'amä̧ ttu̧ru̧wa̧ Dio-tä itejäda'attü ja̧'wa̧ta̧nü̧ jua̧u̧tä̧ 'kuäopünä̧tä̧ ruwomä̧ wȩä̧kua̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Hechos 8:11

Ja̧'wa̧nü̧ pä'ü, rü̧ȩnä̧ ttesetä'ijäku ji̧na̧'a̧, rekuo mo̧ro̧ magia jȩä̧'cha̧'a̧.

Apocalipsis 6:15

Ja̧'wa̧nü̧ päi'omȩnä̧ rȩjȩ we'ätü'i̧nä̧, ukuo isotü'i̧nä̧, su̧ro̧do̧u̧ tturuwotü'i̧nä̧, järe ruwotü'i̧nä̧, ttukuo kku̧nä̧rä̧tü̧'i̧nä̧ ja̧'wa̧ta̧nü̧ ttumüwäyotü'i̧nä̧, ttu̧wo̧juȩtä̧u̧ wokotü'i̧nä̧ o'katoi'ünä̧ müä'kiyu idoriyänä̧ dajawächinä̧tü̧;

Apocalipsis 9:21

Juätümä̧ kuättäu'i̧nä̧, mä̧ri̧mü̧ jäwä jü̧ttü̧'i̧nä̧ kättädi'oka'a jȩpü̧ kka̧kui̧nä̧tü̧; ja̧'wa̧ta̧nü̧ nä̧u̧kuä̧rü̧tä̧ kka̧kui̧nä̧tü̧, nä̧tü̧ku̧, u̧mä̧tu̧ku̧ jȩpä̧'chä̧kuä̧u̧tä̧ kka̧kui̧nä̧tü̧.