Apocalipsis 18:20 - Nuevo Testamento Uwotjüja

²⁰ Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

TÄ̧DO Ä̧CUÄ̧ I̧HUȨNȨ

²⁰ Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.

Apocalipsis 18:20 Referans Kwoze

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?

Apocalipsis 12:12

¡Ja̧'wa̧nü̧ ja̧'a̧ttü̧, eseäkuäwätukui mo̧ro̧jä̧ jäwä'i̧nä̧, ja̧'wa̧ta̧nü̧ mo̧ro̧jä̧nä̧ kka̧kuä̧tü̧'i̧nä̧! jü̧nä̧. Ja̧'wa̧nü̧ ja̧'a̧nä̧, ¡Isottü̧! ¡rȩjȩnä̧'i̧nä̧, rü̧ä̧ ajenä̧'i̧nä̧ kka̧kuä̧tü̧rü̧ juiyo ra̧wä̧pi̧ja̧'a̧, isopäi'ünä̧ äwettämä̧ a̧'u̧ku̧nä̧tä̧ mo̧ro̧ kki̧'ä̧ku̧, wo̧juä̧u̧ ukuturu, suronä̧ jȩa̧ pä'ü a̧mi̧ sura'a mȩyȩwi̧nü̧!

Judas 1:17

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧ ukutumä̧, Tu̧ru̧wa̧ Jesucrito weinä̧u̧ apótore ttukuokuinü̧ a̧mü̧kuä̧rü̧ kka̧kuä̧tu̧kui̧;

2 Pedro 3:2

Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Efesios 3:5

jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

Apocalipsis 18:6

Juäjurumä̧, kkorotürü kkiyinü̧ ta̧'a̧nü̧ iyätukuiju; suronä̧ jȩji̧nü̧ttü̧'i̧nä̧ todäre jo̧mȩnä̧ kki̧mi̧täunä̧ jȩpä̧tu̧kui̧ju̧; kkorotürü kkaja pä'ü wiwatü kkiyino̧mȩttü̧'i̧nä̧, todäre jo̧mȩ yabonä̧ reünä̧ wiwatü iyätukuiju;