Apocalipsis 18:19 - Nuevo Testamento Uwotjüja

¹⁹ Ja̧'wa̧nü̧ pä'ünü̧, ttünä̧ rȩjȩ i̧sa̧ppȩ wȩnä̧u̧, ajuäkuäu kkä̧nü̧ a̧'u̧ ttu'unü̧, wopinä̧tü̧: ¡isottü̧, isoó, ütawiyä rü̧ä̧'i̧jo̧mȩmä̧! Ukú kuiäre pärätänä̧ ruwotü juo'inä̧tü̧, o'katoi'ünä̧ aje rü̧o̧tottü ttuwe'kiyunä̧ aditä'ijätümä̧, ¡yoriso, ya'ute hora-nä̧tä̧, to'e'ächäjätü!

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ huopö kä̧nö̧, rȩjȩ i̧sa̧ppȩ ttamönä ttunä icuäcuäu, ajuäunu amöcuädö huopinätö: —Ötahuiyä rö̧ome tta̧'cua̧ tta̧ttȩcu̧ juäi 'cuäopäja'a jahuäjuru. Jahuäju rö̧ȩnä̧ micuäu ku̧ju̧nä̧rö̧ juäittö, o'ca toi'önä huoi'quiyu ku̧nä̧rä̧tö̧mä̧ järe ruhuotö päi'inä̧u̧. Ja̧'hua̧ ja̧'a̧ o'ca juiyönä ja̧u̧ juäi rö̧ȩnä̧ micuäu juäi, yoröiso o'ca päi'önätä beipächina'a.

Apocalipsis 18:19 Referans Kwoze

Apocalipsis 18:10

Juäju usurä kkȩmä̧u̧, ye'eku otonä̧ kkä̧nü̧, pättäkuotü: «¡Isottü̧, isoó, ukumä̧, ütawiyä rü̧ä̧'i̧jo̧mȩ Babironia-mä̧, kujuru rü̧ȩnä̧ kku̧ju̧nä̧rä̧'i̧jo̧mȩmä̧! Tta̧'a̧nü̧ pä'ü, ya'utekutä ukuru tä̧bo̧kuä̧mä̧ rȩbȩwä̧ku̧jä̧ttü̧.»

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Apocalipsis 18:8

Ja̧'wa̧nü̧ ja̧'a̧ttü̧, ya'ute mo̧ro̧tä̧ ma̧ä̧mä̧kua̧ju̧ usurä ȩmä̧kuä̧wä̧mä̧: Wa'are'i̧nä̧, ajuäkuäwä'i̧nä̧, ppäi'i̧nä̧, jü̧nä̧ ja̧'wa̧nü̧ jȩpü̧ okuränä̧ kkuwü ikuäwäkuaju; Isopäi'ünä̧ Tu̧ru̧wa̧ Dio juäjuru tä̧bo̧tü̧ ro̧'ȩpü̧mä̧, rü̧ȩnä̧ ujuru kku̧nä̧rü̧ ja̧'a̧ttü̧.»

Apocalipsis 17:16

Ja̧'wa̧ta̧nü̧ to̧mü̧rȩ jäwä u okä to'kuäji'i̧nä̧, i̧sa̧ büorü to'kuäji'i̧nä̧, kkidepä iyä'chäkuäwäjuru kkü'kü jui'ü, kkiäre o'kajuiyünä̧ 'chottipäkuaju. Kkü̧'ka̧tä̧wä̧ta̧ jȩpü̧ iku, kkidepä ttukui'äkuaju ja̧'wa̧nü̧ jȩpü̧ okurära̧'a̧ do'opü ttikuäkuaju.