Apocalipsis 18:15 - Nuevo Testamento Uwotjüja

¹⁵ Jua̧u̧ Babironia ütawiyättü ȩmü̧ iyä'chü, ruwotü juo'inä̧tü̧mä̧, otonä̧tä̧ kkä̧nü̧ to̧ttä̧rä̧kuo̧tü̧, usurä ȩmä̧wi̧yä̧u̧, rü̧ȩnä̧ a̧'u̧ttü̧ ttajuäkuäwäkuotü, jȩttü̧ juiyünä̧ jä̧u̧.

TÄ̧DO Ä̧CUÄ̧ I̧HUȨNȨ

¹⁵ Jahuätö ttö̧ja̧ ja̧u̧ ötahuiyänä ja̧u̧ juäi iyä'chömä, järe ruhuotö päi'önä juo'ächö, ujuturu'inä ro̧ȩcuä̧ 'cuäopäcua'acö̧ pä'ö ye'ecu ototä kä̧nö̧, ajuäu ttamöcuädäcuotö.

Apocalipsis 18:15 Referans Kwoze

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Hechos 16:19

Ja̧'wa̧nü̧ päi'omȩnä̧ kkuruwotümä̧, pärätä ttȩmä̧'i̧ja̧'a̧ juiyächipä̧u̧ Pauru-rü'i̧nä̧, Sira-rü'i̧nä̧, 'chu'ädo'ü dotto'inä̧u̧ ütawiyä kkä'ko ukuo isomȩku̧, ruwotü ttä'ka jo̧mȩku̧.

San Marcos 11:17

Ja̧'wa̧nü̧ ja̧'a̧, kkä̧mä̧dü̧ u̧wo̧juȩti̧nä̧u̧: —¿Wȩyu̧kuä̧ wȩnȩmä̧, päoka'a jä̧'i̧ja̧'a̧: Chojusodemä̧ o'katoi'ünä̧ Dio-rü ukuokuäkuäwode pättäkuode, jü̧nä̧mä̧?: Ja̧'wa̧nü̧ ja̧'a̧nä̧, ukutumä̧ nä̧u̧kuä̧rä̧tü̧ ttü̧'ȩjode jü̧nä̧tä̧ juo'epinä̧tü̧jä̧.

Apocalipsis 18:12

Oro-ttü'i̧nä̧, pärätättü'i̧nä̧, ido'kiyä rü̧ȩnä̧ mikuäuttü'i̧nä̧, ido'kiyä perlas pättü o'kittü'i̧nä̧, pü̧jä̧ti̧yu̧ adiwä juei lino pättüttü'i̧nä̧, púrpura pättüttü'i̧nä̧, seda pättüttü'i̧nä̧, tuwuöttü'i̧nä̧; o'kajuiyütä dauwiyä a̧mȩu̧ttü̧'i̧nä̧; marfil pättüttü'i̧nä̧, dauwiyä rü̧ȩnä̧ mikuäuttü'i̧nä̧, bronce pättüttü'i̧nä̧, kuoräuttü'i̧nä̧ ja̧'wa̧ta̧nü̧ mármol pättü ido'kiyättü'i̧nä̧;

Apocalipsis 18:13

ja̧'wa̧ta̧nü̧ canela pättüttü'i̧nä̧, rü̧ȩnä̧ a̧mȩu̧ttü̧'i̧nä̧; incienso pättüttü'i̧nä̧, a̧mȩu̧ttü̧'i̧nä̧ ja̧'wa̧ta̧nü̧ resina pättüttü'i̧nä̧; vino-ttü̧'i̧nä̧, a̧dȩ oyattü'i̧nä̧, pan adikuä a̧ppi̧yä̧ttü̧'i̧nä̧ ja̧'wa̧ta̧nü̧ trigo-ttü'i̧nä̧; äjikuäkuäwotüttü'i̧nä̧, oweja-tü̧ttü̧'i̧nä̧, cabayu-tü̧ttü̧'i̧nä̧, karukiyättü'i̧nä̧; usurä ttȩmä̧u̧nä̧ we'äwotüttü'i̧nä̧, juätümä̧ ttü̧ja̧ ja̧'a̧.

Apocalipsis 18:14

Ja̧'wa̧nü̧ ji̧yä̧u̧, ütawiyä topü pättäkuotü: ¡U̧wä̧ju̧ adiu rü̧ȩnä̧ kuju'kinü̧mä̧, täkü juiya'a; adiwä juei kku̧ju̧nä̧ri̧nü̧'i̧nä̧, rü̧ȩnä̧ pärätä ru̧wa̧ kuinü̧'i̧nä̧ yorisotä po̧kui̧po̧kü̧ kuä̧kua̧jä̧!

Apocalipsis 18:19

Ja̧'wa̧nü̧ pä'ünü̧, ttünä̧ rȩjȩ i̧sa̧ppȩ wȩnä̧u̧, ajuäkuäu kkä̧nü̧ a̧'u̧ ttu'unü̧, wopinä̧tü̧: ¡isottü̧, isoó, ütawiyä rü̧ä̧'i̧jo̧mȩmä̧! Ukú kuiäre pärätänä̧ ruwotü juo'inä̧tü̧, o'katoi'ünä̧ aje rü̧o̧tottü ttuwe'kiyunä̧ aditä'ijätümä̧, ¡yoriso, ya'ute hora-nä̧tä̧, to'e'ächäjätü!