Apocalipsis 18:14 - Nuevo Testamento Uwotjüja

¹⁴ Ja̧'wa̧nü̧ ji̧yä̧u̧, ütawiyä topü pättäkuotü: ¡U̧wä̧ju̧ adiu rü̧ȩnä̧ kuju'kinü̧mä̧, täkü juiya'a; adiwä juei kku̧ju̧nä̧ri̧nü̧'i̧nä̧, rü̧ȩnä̧ pärätä ru̧wa̧ kuinü̧'i̧nä̧ yorisotä po̧kui̧po̧kü̧ kuä̧kua̧jä̧!

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ ja̧'a̧ttö̧ ja̧u̧ ötahuiyä amöcuädö pättäcuotö: —Cuäcuähuä adihuä juäi pä'äji cuju'quinömä juiya'a jitämä. O'ca juiyönä rö̧ȩnä̧ micuäu juäi'inä, adihuä juäi'inä cu̧ju̧nä̧ri̧nö̧mä̧, yoröisotä juiyäcua'a jitämä.

Apocalipsis 18:14 Referans Kwoze

1 Corintios 10:6

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopinü̧mä̧, ujutu'i̧nä̧ tu̧wo̧jua̧ pä'ü 'kuäopinü̧; juätü surojü kkü'kekunä̧ amükuädü jȩtti̧nü̧'a̧kuä̧mä̧, ujutu'i̧nä̧ surojü jȩtü̧ juiya pä'ü.

Santiago 4:2

Ukutumä̧ kkorojuei ku̧ju̧nä̧ra̧ päkuätukukuomȩnä̧ jui'ü; kküjü'kü juiyünä̧ jä̧u̧ kuä'ü ikuätüjä̧, ja̧'wa̧nü̧ ku̧'o̧kui̧'ä̧tu̧ku̧ juiyünä̧ jä̧u̧mä̧ rowäwu kurätä kkä'äbe'ätüjä̧. Kuju'kätukumä̧ po̧kui̧po̧ko̧tü̧jä̧ jua'amä̧ Dio-rü jäkuepätukuokomȩttü̧.

San Lucas 16:25

Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

San Lucas 12:20

Ja̧'wa̧nü̧ ja̧'a̧nä̧, Dio-mä̧ pä̧kua̧: «Kuamükuädü jui̧'a̧jä̧, pi̧yȩtä̧ yodó 'korupäkui'ä'kua'anä̧, uku wa'adü ku̧ju̧nä̧'i̧jü̧mä̧ ¿dí iare jä̧kua̧'a̧jä̧ttü̧?

San Mateo 11:8

Ja̧'wa̧nü̧ jü̧ juiyüttü'i̧nä̧, ¿däjé topü kuichäjätukuättü̧? ¿Ttü̧ja̧sa̧ ü̧'ka̧tä̧wä̧ta̧ adiwäjuei i̧sä̧ta̧ 'ka̧tä̧wuö̧rü̧? ja̧'wa̧nü̧ ü̧'ka̧tä̧wä̧ta̧ adiwäjuei i̧sä̧ta̧ 'ka̧tä̧u̧mä̧ ruwotü ttojusodenä̧tä̧ kkü̧, ru̧wa̧ ja̧'a̧ttü̧.

Apocalipsis 18:13

ja̧'wa̧ta̧nü̧ canela pättüttü'i̧nä̧, rü̧ȩnä̧ a̧mȩu̧ttü̧'i̧nä̧; incienso pättüttü'i̧nä̧, a̧mȩu̧ttü̧'i̧nä̧ ja̧'wa̧ta̧nü̧ resina pättüttü'i̧nä̧; vino-ttü̧'i̧nä̧, a̧dȩ oyattü'i̧nä̧, pan adikuä a̧ppi̧yä̧ttü̧'i̧nä̧ ja̧'wa̧ta̧nü̧ trigo-ttü'i̧nä̧; äjikuäkuäwotüttü'i̧nä̧, oweja-tü̧ttü̧'i̧nä̧, cabayu-tü̧ttü̧'i̧nä̧, karukiyättü'i̧nä̧; usurä ttȩmä̧u̧nä̧ we'äwotüttü'i̧nä̧, juätümä̧ ttü̧ja̧ ja̧'a̧.

Apocalipsis 18:15

Jua̧u̧ Babironia ütawiyättü ȩmü̧ iyä'chü, ruwotü juo'inä̧tü̧mä̧, otonä̧tä̧ kkä̧nü̧ to̧ttä̧rä̧kuo̧tü̧, usurä ȩmä̧wi̧yä̧u̧, rü̧ȩnä̧ a̧'u̧ttü̧ ttajuäkuäwäkuotü, jȩttü̧ juiyünä̧ jä̧u̧.