Apocalipsis 18:12 - Nuevo Testamento Uwotjüja

¹² Oro-ttü'i̧nä̧, pärätättü'i̧nä̧, ido'kiyä rü̧ȩnä̧ mikuäuttü'i̧nä̧, ido'kiyä perlas pättü o'kittü'i̧nä̧, pü̧jä̧ti̧yu̧ adiwä juei lino pättüttü'i̧nä̧, púrpura pättüttü'i̧nä̧, seda pättüttü'i̧nä̧, tuwuöttü'i̧nä̧; o'kajuiyütä dauwiyä a̧mȩu̧ttü̧'i̧nä̧; marfil pättüttü'i̧nä̧, dauwiyä rü̧ȩnä̧ mikuäuttü'i̧nä̧, bronce pättüttü'i̧nä̧, kuoräuttü'i̧nä̧ ja̧'wa̧ta̧nü̧ mármol pättü ido'kiyättü'i̧nä̧;

TÄ̧DO Ä̧CUÄ̧ I̧HUȨNȨ

¹² Koro juäi oro'inä, pärätä'inä, ido'qui rö̧ȩnä̧ micuähuo'qui'inä, ajettö ȩmä̧huä̧ rö̧ȩnä̧ micuähuo'qui'inä, pö̧jä̧ta̧ linottö adicua'a adihuä̧ta̧'i̧nä̧, pö̧jä̧ta̧ sedattö adicuä̧ta̧'i̧nä̧, idicunänö jä̧ta̧'i̧nä̧, adiu tu̧huä̧ta̧'i̧nä̧ ttȩma̧ pä'ö toäcua'a. Ja̧'hua̧ta̧nö̧ dau ameu'inä, koro juäi marfilttö adicua'a'inä, adihuä juäi dauttu adicua'a'inä, broncettö adicua'a'inä, cuoräuttu adicua'a'inä, mármol ido'quittö adicua'a'inä tti'cächomenä, ȩmä̧tö̧ toäcua'a.

Apocalipsis 18:12 Referans Kwoze

Apocalipsis 17:4

Juäju isajumä̧, púrpura pättü i̧sä̧ta̧, tu̧wä̧ta̧ 'ka̧tä̧wi̧nä̧ju̧, oro o'kittü'i̧nä̧, kkoro rü̧ȩnä̧ mikuäu, perlas pättüttü'i̧nä̧ a̧'kua̧tä̧kuä̧winä̧ju̧. Ja̧'wa̧ta̧nü̧ kku̧mü̧nä̧mä̧, oro-ttü a̧di̧kuo̧'ta̧ copa i̧so̧'ta̧ 'chu̧'ä̧ri̧nä̧ju̧, juo̧'ta̧ jakuämä̧ ȩki̧na̧'a̧ ttu̧su̧ro̧tü̧'i̧nä̧ ja̧'wa̧ta̧nü̧ ttidepä weü jȩpä̧'chä̧kuä̧u̧ kkä̧kuä̧wä̧'i̧nä̧, jü̧nä̧;

Apocalipsis 17:3

Jua̧u̧nü̧ o'ka'a, Epíritumä̧ rȩbi̧yu̧ dȩ'a̧ra̧'a̧ ȩpi̧nä̧ku̧sä̧, jua'amä̧ visión pättünä̧. Juorü, yajute isaju i̧sa̧ büó tu̧'a̧ u̧wä̧mȩ kku̧wa̧'a̧ topinüsä̧, jua̧u̧mä̧ Dio-rü suronä̧ pä'ü ukuokuäkuäwä wȩyu̧kua̧'a̧ pȩji̧nä̧ku̧ jä̧ttä̧pä̧ya̧tä̧, u piyämä̧ kko̧ro̧mü̧ttü̧nü̧ toyure winü̧ ja̧'wa̧ta̧nü̧ u okämä̧ to̧mü̧rȩ jäwä jo̧mȩnä̧ kku̧nä̧ri̧nü̧.

Apocalipsis 18:15

Jua̧u̧ Babironia ütawiyättü ȩmü̧ iyä'chü, ruwotü juo'inä̧tü̧mä̧, otonä̧tä̧ kkä̧nü̧ to̧ttä̧rä̧kuo̧tü̧, usurä ȩmä̧wi̧yä̧u̧, rü̧ȩnä̧ a̧'u̧ttü̧ ttajuäkuäwäkuotü, jȩttü̧ juiyünä̧ jä̧u̧.