Apocalipsis 17:17 - Nuevo Testamento Uwotjüja

¹⁷ Jua'amä̧, Dio-mä̧ churutä pä̧wä̧rü̧jo̧mȩnä̧, juätü to̧mü̧rȩ ruwä ruwotü tta̧mi̧ iso'kinä̧ wea'attü̧ ja̧'wa̧nü̧ jȩttü̧nä̧ iyinä̧u̧: Ji̧nä̧ ji̧yȩtȩnä̧ amükuädü i̧sa̧ büorü uruwo ttiya pä'ü. Ja̧'wa̧nü̧ jo̧mȩnä̧, i̧sa̧ büorü ttukuotäkuotü, Dio amükuädinü̧ jo̧mȩnü̧ päi'ünä̧.

TÄ̧DO Ä̧CUÄ̧ I̧HUȨNȨ

¹⁷ Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

Apocalipsis 17:17 Referans Kwoze

Apocalipsis 10:7

Ja̧'wa̧nü̧ ja̧jü̧ jueimä̧, kko̧ro̧mü̧ttü̧nü̧ á̧gȩ i̧wȩnȩ rä̧mi̧po̧mȩnä̧mä̧, iäre trompeta ppüomȩnä̧mä̧, Dio jäwä uwäwokü ji̧nü̧mä̧ jo̧mȩnü̧ päi'äkua'a, umüwäyotü profeta wotünä̧ jareü wȩnȩ ukuokuinü̧mä̧.

2 Corintios 8:16

Dio-rümä̧ eseusä, Tito a̧mi̧so'kinä̧, ukuturu ppäda pä'ü weina̧'a̧ttü̧, ttü chamükuädüta'anü̧.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

Apocalipsis 17:13

Pitü to̧mü̧rȩ jo̧mȩnä̧ wotü ruwotümä̧ ji̧nä̧ ji̧yȩtȩnä̧ amükuädätü ja̧'wa̧nü̧ ja̧'a̧ttü̧ i̧sa̧ büó betia-rü uruwo ttiyäkuotü.

San Juan 13:18

Ukutu o'katoi'ünä̧ kutü'kütukumä̧ pädoka'anä̧; pojopü chȩmi̧nä̧u̧ru̧mä̧ wo̧jua̧sä̧. Ja̧'wa̧nü̧ ja̧'a̧nä̧ wȩyu̧kuä̧ wȩnȩ päümä̧ jo̧mȩnü̧ 'kuäopa pä'ü ja̧'a̧: Ttüku u̧kuȩ kumä̧, chaboi̧ya̧ jü̧nä̧ pä'i'äji.

San Lucas 22:22

Isopäi'ünä̧ Ttü ubo I̧tti̧rü̧mä̧, wȩyu̧kuä̧ wȩnȩ päüta'anü̧ 'kuäopä̧kua̧. Ja̧'wa̧nü̧ ja̧'a̧nä̧, ¡isottü̧, jua̧u̧ru̧ iyü ikurumä̧, juiyo ra̧wä̧pi̧ja̧'a̧, jua̧u̧we!

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

San Juan 19:28

Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

San Juan 19:24

Ja̧'wa̧nü̧ jȩpü̧ su̧ro̧do̧u̧mä̧ pä'äwinä̧tü̧: —Sȩro̧pü̧mä̧ tiku juiyä̧ta̧kua̧, jȩpü̧ totätukua dirü pätekuächaja pä'ü. Ja̧'wa̧nü̧ jȩtto̧mȩnä̧, pa̧'a̧nü̧ wȩyu̧tu̧ rütäwä ji̧nü̧tä̧ 'kuäopina̧'a̧: «Chi̧ä̧rȩta̧mä̧, jitütä iyä'chäkuäwinä̧tü̧, ja̧'wa̧ta̧nü̧ wä̧mȩnä̧ chü̧'ka̧tä̧wä̧ta̧'i̧nä̧, dirü pätekuächaja pä'ü jȩpi̧nä̧tü̧.»

San Juan 10:35

Dio i̧wȩnȩ rȩbȩwi̧nä̧u̧ru̧, ttü̧ä̧nä̧wa̧tü̧jä̧ päinü̧ttü̧mä̧ (wȩyu̧kuä̧ wȩnȩmä̧ jueünä̧ pä'akutä ja̧'a̧).

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

San Lucas 22:3

Satanás-mä̧ Juda-nä̧ do'ächi'inü̧. Icariote pättä'ijäkunä̧, jua̧u̧mä̧ ttü̧jä̧pü̧ttü̧ ta̧ju̧nü̧ wotüttü ya̧tȩ ji̧na̧'a̧.

Apocalipsis 6:11

Ja̧'wa̧nü̧ pättomȩnä̧, yotükupünä̧rü̧ iyäwi'ina̧'a̧ ttü̧'ka̧tä̧wä̧ti̧yu̧ teü ja̧'wa̧ta̧nü̧ jitütä jü̧ta̧'a̧nü̧ wa'ü ikuätü, ttawaruwä ttü̧jä̧wa̧tü̧ wotürü, número pa̧ja̧kuä̧cho̧mȩbü päi'ünä̧ yabonä̧nü̧ tta̧ttä̧ri̧pa̧ pä'ü päwi'ina̧'a̧.

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»