Apocalipsis 17:14 - Nuevo Testamento Uwotjüja

¹⁴ Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

TÄ̧DO Ä̧CUÄ̧ I̧HUȨNȨ

¹⁴ Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 17:14 Referans Kwoze

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

1 Timoteo 6:15

Icha päü mo̧ro̧ ichomȩnä̧mä̧, eseu kkä̧kuä̧wä̧ Dio-mä̧ i̧jȩpä̧kua̧, jua'amä̧ chu̧'ä̧kua̧ ja̧'a̧ttü̧, kkorotüttü'i̧nä̧ abonä̧nü̧ ju̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ jo̧mȩttü̧, jua'atäku pi̧jä̧nä̧ kka̧kuä̧tü̧ o'katoi'ünä̧ ttu̧ru̧wa̧ ja̧'a̧ttü̧.

San Mateo 22:14

Isopäi'ünä̧ wopü ä̧tȩpä̧u̧mä̧ rekuätü ja̧'a̧nä̧, ü'ojo̧'ä̧u̧mä̧ a̧'u̧ku̧nä̧tä̧ ja̧'a̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Apocalipsis 16:14

Juätü epíritu-tu̧mä̧, suropätü demonio pä̧ttä̧u̧ tta̧'kua̧rü̧ isotü ji̧na̧'a̧, jȩtto̧kü̧ juei jȩpi̧nä̧tü̧, pi̧jä̧nä̧ttü̧ ruwotü kka̧kuä̧tü̧rü̧ ka̧ka̧tü̧ 'chi̧nä̧tü̧, ji̧yȩ ukuo mo̧ro̧ o'kajuiyünä̧ ju̧ru̧wa̧ Dio-ku kurä ttürowäwa pä'ü.

1 Corintios 15:24

Jua̧u̧nü̧ o'ka'a täkü pi̧jä̧mä̧ beipächäkua'a, o'katoi'ünä̧ ukuo ruwotürü'i̧nä̧, juruwätürü'i̧nä̧ kkȩdü̧ iku uruwo weä'ijü jä'o Dio-rü iyomȩnä̧.

Romanos 8:37

Ja̧'wa̧nü̧ ja̧'a̧nä̧, pi̧yȩmä̧ o'kajuiyünä̧ 'kuäopa'anä̧, abo 'kuä'o'ätüjä̧ chu, Jesucrito ujuturu repe'inü̧nä̧tä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

2 Timoteo 2:4

Su̧ro̧do̧u̧ ttu̧ru̧wa̧ esewätü pä'ätümä̧, yoriso kkoro su̧ro̧do̧u̧ jäwä jo̧kü̧mä̧ tta̧'kua̧ ro'ekuokotü.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

Romanos 1:6

Ukutu Roma-nä̧ kka̧kuä̧tü̧'i̧nä̧ ja̧'wa̧nü̧tä̧ wotüjä̧, Jesucrito ȩmi̧nä̧u̧ kuätükua'attü.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.