Apocalipsis 14:15 - Nuevo Testamento Uwotjüja

¹⁵ Ja̧'wa̧ta̧nü̧ kka̧ra̧ á̧gȩ, Dio-rü ukuokuäkuäwodettü rä'o'ü pä̧i̧ku̧nä̧ wopinü̧, ajiya isoppa wä̧mȩ pü̧rü̧: «Kuiärekä hoz pättäkänä̧ 'kui'ü, u̧wä̧ju̧ ka̧ka̧ti̧; u̧wä̧ju̧ 'kui'ü ka̧ka̧tä̧kuä̧wä̧ hora-mä̧ täkü rȩbȩä̧kuä̧wa̧'a̧, u̧wä̧ju̧mä̧ jo̧mȩnü̧tä̧ ja̧'a̧ rȩjȩnä̧ttü̧mä̧.»

TÄ̧DO Ä̧CUÄ̧ I̧HUȨNȨ

¹⁵ Ka̧ra̧ ángel'inä Diosrö ucuocuäcuähuodettö rä'opö, ajiya isoppanä pö̧rö̧ pä̧i̧cu̧nä̧ huopinö: —Cucurodänä 'cui̧'o̧pä̧rö̧, se'i. Täcö jo̧mȩ päi'a'a pi̧jä̧ttö̧ setta pä'ö.

Apocalipsis 14:15 Referans Kwoze

San Marcos 4:29

Täkü u̧wä̧ju̧ jo̧mȩnü̧ 'kiyächipomȩnä̧, ka̧ka̧tü̧ bo'epü kku̧nä̧wä̧ i̧sa̧mä̧.

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

Apocalipsis 14:18

Ja̧'wa̧ta̧nü̧ kka̧ra̧ á̧gȩ, altar pättomȩttü̧ rä'o'inü̧, okurä jäwänä̧ ujuru kku̧nä̧rü̧, jua̧u̧mä̧ hoz pättäkä so̧ä̧kä 'chu̧'ä̧rü̧rü̧ pä̧i̧ku̧nä̧ pä'inü̧: «Kuiärekä hoz pättäkä soäkänä̧ 'kui'opi, pi̧jä̧nä̧ttü̧ uwa a̧mȩmä̧ täkü jo̧mȩnü̧ ja̧'a̧, jua̧u̧ kku̧nä̧wä̧ pättiyuttümä̧.»

San Mateo 13:30

Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

San Mateo 23:32

¡Ja̧'wa̧nü̧ ja̧'a̧ttü̧ ku̧tä̧mü̧mi̧nä̧tu̧ku̧ kkä̧mä̧dü̧ jȩtti̧nü̧mä̧ kä'ädü kku̧nä̧tu̧kui̧!

Apocalipsis 15:6

Juode Dio ü̧jo̧dettü, jitü sietenü̧ wotü á̧gȩrȩ rä'ekuinä̧tü̧, sietenü̧ jü̧ usurä ȩmä̧kuä̧wä̧ 'chu̧'ä̧rä̧nü̧. Lino o̧ta̧ teü, kkä̧dȩpü̧nä̧ jü̧ 'ka̧tä̧wi̧nä̧tü̧ ja̧'wa̧ta̧nü̧ tta̧mü̧kanä̧mä̧ isäya oro-ttü adikuäya rü̧nä̧ri̧nä̧tü̧.

Apocalipsis 14:14

Ja̧'wa̧ta̧nü̧ ajiya isoppa teoppa topinü̧sä̧, juoppa wä̧mȩ ya̧tȩ ubó I̧tti̧ 'kua̧ra̧ ü̧'a̧'a̧. Unä̧mä̧ wi̧nä̧ku̧ corona pättü, oro-ttü adikuä u'uttäwä ja̧'wa̧ta̧nü̧ u̧mü̧nä̧mä̧ 'chu̧'ä̧ri̧nü̧ hoz pättäkä so̧ä̧kä.

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.

Apocalipsis 13:12

Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 14:16

Ja̧'wa̧nü̧ päku, ajiya isoppa wä̧mȩ pä̧ji̧mä̧ üärekä hoz pättäkä pi̧jä̧nä̧ 'kuiopomȩnä̧, pi̧jä̧nä̧ttü̧ u̧wä̧ju̧mä̧ ka̧ka̧kui̧'i̧na̧'a̧.

Apocalipsis 14:17

Jua̧u̧nü̧ o'ka'a kka̧ra̧ á̧gȩ, mo̧ro̧jä̧nä̧ Dio-rü ukuokuäkuäwodettü rä'o'inü̧, hoz pättäkä soäkä, u̧wä̧ju̧ ka̧ka̧kuäkä 'chu̧'ä̧rä̧nü̧.