Apocalipsis 14:12 - Nuevo Testamento Uwotjüja

¹² ¡Pȩnȩ́ jä̧kua̧'a̧ surojüttü 'kȩ'ȩpü̧ ikuinä̧u̧, Dio-rü ukuotätü ja̧'wa̧ta̧nü̧ Jesú-ru tta̧'kua̧ wȩnä̧rä̧tü̧ tta̧mi̧ 'kittächi'a'a i̧jȩkuä̧chä̧kuo̧mȩmä̧!

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ttö̧ Dios i̧tti̧mö̧, chutä Dios hueö jȩpä̧tö̧'i̧nä̧, Jesúscu adiu cue'ächätö'inä ttami 'quittächi'ö'a̧nö̧ ja̧'a̧.

Apocalipsis 14:12 Referans Kwoze

Apocalipsis 13:10

«Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

Apocalipsis 3:8

Kuaditümä̧ o'kajuiyünä̧ wo̧jua̧sä̧; topi, kuä'kajo̧mȩ äpate ba'epü kku̧nu̧sä̧, ya̧tȩ'i̧nä̧ mü̧'ȩpü̧ juiyünä̧ jate; ja̧'wa̧ta̧nü̧ kujurumä̧ a̧'u̧ku̧nä̧tä̧ ku̧ju̧nä̧ra̧'a̧nä̧, ttü chi̧wȩnȩnä̧ ukuotü, chi̧mi̧mä̧ ä̧ppü̧tä̧ro̧kü̧ pä'ijüjä̧.

2 Timoteo 4:7

Surojükumä̧ adiwäjuei kuränä̧ rowäwinü̧sä̧, ja̧'wa̧nü̧ rowäu jo̧mȩnü̧ rȩbȩwi̧nü̧sä̧, Dio-rü'i̧nä̧ kädädi'oka'a cha̧'kua̧ wȩnä̧ri̧nü̧sä̧.

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.