Apocalipsis 13:5 - Nuevo Testamento Uwotjüja

⁵ Ja̧'wa̧nü̧ ja̧'a̧ jua̧u̧ i̧sa̧ büó betia-rümä̧ abekuächinä̧ku̧ ukuo te'äkuäu, Dio-rü suronä̧ pä'cha pä'ü; ja̧'wa̧ta̧nü̧ uruwo iyäwi'inä̧ku̧ kkä̧wa̧tü̧mä̧ cuarenta y do-nü̧ jo̧mȩnä̧ wea pä'ü.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ja̧u̧ pä̧i̧cua̧ i̧sa̧mä̧ koro huȩnȩ ja̧'a̧tä̧ ucuocuäcuähuä'inä, Diosrö suronä ucuocuäcuähuä'inä huettinäcu. Ja̧'hua̧ta̧nö̧ cuarenta y dos kä̧hua̧tö̧ huea pä'ö huettinäcu.

Apocalipsis 13:5 Referans Kwoze

Apocalipsis 12:6

Ja̧'wa̧nü̧ ja̧'a̧nä̧, juäju isajumä̧ rȩbi̧yu̧ dȩ'a̧ra̧'a̧ku̧ tü'ipächinä̧ju̧, Dio aditü u̧ju̧ni̧no̧mȩku̧ kku̧kuȩ iyü tta̧ttä̧ra̧ju̧, wäbodäkuä año ja̧'a̧nä̧ kkoro año ju'to jo̧mȩnä̧.

Apocalipsis 12:14

Ja̧'wa̧nü̧ ja̧'a̧nä̧, juäjuru iyäwi'ina̧'a̧ tobäre kkujuabiyä bäreu pare ujuabiyä, jua̧u̧ dragó̧ pättäku ä'kattü otó kojächa pä'ü, rȩbi̧yu̧ dȩ'a̧ra̧'a̧ku̧, juäjurutä ja̧'a̧tȩ'ü̧ jȩpü̧ kku̧nä̧wo̧mȩku̧, juorü ttukuäje'aju pä'ü, wäbodäkuä año ja̧'a̧nä̧, kkoro ju'to jo̧mȩnä̧.

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

Apocalipsis 13:7

Ja̧'wa̧ta̧nü̧ Dio i̧tti̧mü̧rü̧ kurä rowäwuö kkȩdü̧ ikua'anä̧'i̧nä̧ ja̧'a̧tä̧ toinä̧ku̧. Ja̧'wa̧ta̧nü̧ ukuo iyäwi'inä̧ku̧ ttü̧ja̧ tti̧wȩnȩ pünä̧, ttidepiyu pünä̧, tti̧rȩjä̧ pünä̧ wea pä'ü'i̧nä̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

2 Tesalonicenses 2:3

Ya̧tȩ'i̧nä̧ üyaparewa'anä̧mä̧ kuiyäwätukuä; ji̧yȩnü̧ mo̧ro̧ jä̧kua̧'a̧ ä'kanä̧mä̧ Dio aboiyotümä̧ chutä Dio-ku ttürowäwäkuotü ja̧'wa̧ta̧nü̧ ttü̧ja̧sa̧ suronä̧ jȩpä̧'i̧jü̧mä̧ jua̧u̧nü̧ i̧jȩkuä̧chä̧kua̧, toe'ächa pä'ü pätetü kku̧nä̧wa̧mä̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;