Apocalipsis 13:18 - Nuevo Testamento Uwotjüja

¹⁸ Pȩnȩmä̧ wo̧juȩku̧nä̧ ttamükuäda pä'ü ja̧'a̧: Wo̧jua̧mä̧, i̧sa̧ büó betia iäre número usú po̧kui̧pi̧, jua̧u̧mä̧ pi̧jä̧ ttü̧ja̧sa̧ iäre número ja̧'a̧. Jua̧u̧ número-mä̧ 666 ja̧'a̧.

TÄ̧DO Ä̧CUÄ̧ I̧HUȨNȨ

¹⁸ Pi̧yȩmä̧ amöcuädö huo̧ju̧nä̧ ttu̧huo̧juä̧cua̧'a̧nö̧. Iso päi'önä huo̧jua̧mä̧, ja̧u̧ pä̧i̧cua̧ i̧sa̧ öäre número amöcuädö'a̧nö̧. Ja̧u̧ pä̧i̧cua̧ i̧sa̧ öäre número ka̧ra̧ ttö̧ja̧ i̧sa̧ öäre número yorätehua'a. Ja̧u̧ juäi número seiscientos sesenta y seis jo̧mȩnä̧ ja̧'a̧.

Apocalipsis 13:18 Referans Kwoze

Apocalipsis 15:2

Ja̧'wa̧ta̧nü̧ topinü̧sä̧, rü̧ä̧ dubora i̧sä̧yu̧ jäwä jä̧'i̧nü̧'a̧nü̧ säruwora, okuräku wiwakua'a jä̧'i̧nü̧'a̧nü̧ jora; juora jäyoranä̧ kka̧kui̧nä̧tü̧, i̧sa̧ büó betia-rü abó 'kuä'o'inä̧tü̧, jua̧u̧ i̧mi̧ número ttütatü pä'ü we'äkuäwokotü pinä̧tü̧, ja̧'wa̧ta̧nü̧ a̧'kua̧juä̧ jü̧nä̧ tätäwä'karü'i̧nä̧ ttiwe'kiyunä̧ pȩjä̧mü̧ esewokotü pinä̧tü̧, juätürü Dio-mä̧ arpa pättü iyinä̧u̧ ji̧na̧'a̧.

Apocalipsis 17:9

Pi̧yȩ tu̧wo̧jui̧pa̧ pä'ümä̧, wo̧juä̧wä̧ ttu̧ju̧nä̧ra̧ pä'ü ja̧'a̧: «Kko̧ro̧mü̧ttü̧nü̧ toyure u piyä jä̧ji̧mä̧, juäju isaju kkü̧'ä̧ji̧ kko̧ro̧mü̧ttü̧nü̧ todäre jü̧ müä'kiyu ja̧'a̧ ja̧'wa̧ta̧nü̧ wȩnȩkuä̧cha̧'a̧ kko̧ro̧mü̧ttü̧nü̧ todäre wotü ruwotürü.

Apocalipsis 21:17

Jua̧u̧nü̧ o'ka'a ttoekuäbä pa̧ja̧ti̧nü̧: ü̧'a̧to̧mȩnä̧mä̧ sesenta y cinco metros jo̧mȩnä̧ ji̧na̧'a̧, ttü̧ja̧ ttü̧'a̧tä̧'i̧jü̧ a̧kuä̧, á̧gȩ ü̧'a̧to̧mȩnä̧mä̧.

Apocalipsis 1:3

Pi̧yȩ 'kuäopä̧kuȩ wȩnȩ topü ukuokurumä̧ ja̧'wa̧ta̧nü̧ ä̧ju̧ku̧ ukuotätürümä̧, rü̧ȩnä̧ eseäkuäwä kka̧'a̧, täkü jua̧u̧ 'kuäopä̧kuȩ mo̧ro̧mä̧ tü'kü ja̧'a̧ttü̧.

San Marcos 13:14

Ja̧'wa̧nü̧ ja̧'a̧nä̧, ofrenda jȩä̧kuä̧wo̧mȩttü̧ jua̧u̧ jȩä̧kuä̧wo̧ka̧'a̧ku̧ surojü jȩttü̧ mo̧ro̧ päi'omȩnä̧, (profeta Daniel, päinü̧ta'anü̧ ukuokumä̧ wo̧jui̧'i̧;) —Ja̧'wa̧nü̧ ja̧'a̧ topümä̧ yotäku dükuekuätukuajä̧, Judea rȩjȩnä̧ kka̧kuä̧tü̧mä̧ mü̧ä̧'kiyura̧'a̧ku̧.

Romanos 3:5

(Ttü̧ja̧sa̧ jü̧nä̧tä̧ pädäu̧jä̧) Dio adiwomȩnä̧ jȩü̧mä̧ ujutu suronä̧ jȩti̧yä̧ku̧, a̧mi̧ surächi'äku ro̧ȩpo̧mȩnä̧ i̧jȩkuä̧cha̧'a̧. ¿Ja̧'wa̧nü̧ ro̧ȩpo̧mȩnä̧, Dio-mä̧ suronä̧ jȩpü̧ pätäkua'a tä̧jí̧?