Apocalipsis 13:12 - Nuevo Testamento Uwotjüja

¹² Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

TÄ̧DO Ä̧CUÄ̧ I̧HUȨNȨ

¹² Chutä äcuomenä pä̧i̧cua̧ i̧sa̧ ä'ca jo̧mȩttö̧ hueinö ta'anö hue'inö o'ca juiyönä. Ja̧u̧mä̧ pi̧jä̧'i̧nä̧, pi̧jä̧nä̧ ka̧cuä̧tö̧rö̧'i̧nä̧ äcuomenä pä̧i̧cua̧ i̧sa̧rö̧ cuä'ö tticuina'anä ki̧'i̧nö̧rö̧, ttamöcuädarö pä'ö hue'inö ja̧u̧ röji pä̧i̧cua̧ i̧sa̧mä̧.

Apocalipsis 13:12 Referans Kwoze

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 14:11

Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»

Apocalipsis 14:9

Juȩnȩ o'komȩnä̧ kka̧ra̧, wäbodäkuä á̧gȩ, pä̧i̧ku̧nä̧ wopinü̧: «Ya̧tȩ, i̧sa̧ büó betia pättäkuru ja̧'wa̧ta̧nü̧ jua̧u̧ a̧'u̧kuä̧ adikuä'karü iwe'kiyunä̧ pä̧mä̧dü̧ eseuttümä̧ ja̧'wa̧ta̧nü̧ u̧mü̧nä̧'i̧nä̧, unä̧'i̧nä̧ ttütünä̧ iyäkuäuttumä̧,

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

Apocalipsis 13:2

Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 16:2

Ä̧kuo̧mȩnä̧ i̧sa̧ á̧gȩ 'chä̧wi̧'ü̧ üäre copa i̧so̧'ta̧ pi̧jä̧ra̧'a̧ to'inü̧; ja̧'wa̧nü̧ toomȩnä̧ o'katoi'ünä̧ i̧sa̧ büó betia i̧mi̧ rütäwotürümä̧ ja̧'wa̧ta̧nü̧ jua̧u̧tä̧ a̧'kua̧juä̧ tätäwä'ka ttiwe'kiyunä̧ kkä̧mä̧dü̧ esewä'ijätürümä̧, ttüttawiyä surojü, rü̧ȩnä̧ barau räreäkuäwinä̧u̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.