Apocalipsis 13:1 - Nuevo Testamento Uwotjüja

¹ Rü̧ä̧ aje rȩba̧ jäyoto kkä̧mä̧dü̧ tochomȩnä̧, ya̧tȩ i̧sa̧ büorü topinü̧sä̧, kko̧ro̧mü̧ttü̧nü̧ todäre jo̧mȩnä̧ u piyä kku̧nä̧rü̧rü̧ ja̧'wa̧ta̧nü̧ ä̧ja̧wi̧yä̧ okämä̧ to̧mü̧rȩ jäwä okä jo̧mȩnä̧ kku̧nä̧rü̧rü̧.

TÄ̧DO Ä̧CUÄ̧ I̧HUȨNȨ

¹ Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

Apocalipsis 13:1 Referans Kwoze

Apocalipsis 12:3

Juȩnȩ o'komȩnä̧ mo̧ro̧jä̧ra̧'a̧ttü̧ kkoro i̧jȩkuä̧chi̧na̧'a̧: Ya̧tȩ dragó̧ pättäku büó, tu̧'a̧, kko̧ro̧mü̧ttü̧nü̧ todäre jo̧mȩnä̧ kku̧nä̧rü̧ upiyämä̧, ä̧ja̧wi̧yä̧ okämä̧ to̧mü̧rȩ jäwä okä kku̧nä̧rü̧ ja̧'wa̧ta̧nü̧ jiyute u piyänä̧mä̧ ji̧yȩtȩ corona pättü u'uttäwä wȩnä̧ri̧nü̧.

Apocalipsis 17:3

Jua̧u̧nü̧ o'ka'a, Epíritumä̧ rȩbi̧yu̧ dȩ'a̧ra̧'a̧ ȩpi̧nä̧ku̧sä̧, jua'amä̧ visión pättünä̧. Juorü, yajute isaju i̧sa̧ büó tu̧'a̧ u̧wä̧mȩ kku̧wa̧'a̧ topinüsä̧, jua̧u̧mä̧ Dio-rü suronä̧ pä'ü ukuokuäkuäwä wȩyu̧kua̧'a̧ pȩji̧nä̧ku̧ jä̧ttä̧pä̧ya̧tä̧, u piyämä̧ kko̧ro̧mü̧ttü̧nü̧ toyure winü̧ ja̧'wa̧ta̧nü̧ u okämä̧ to̧mü̧rȩ jäwä jo̧mȩnä̧ kku̧nä̧ri̧nü̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

Apocalipsis 17:16

Ja̧'wa̧ta̧nü̧ to̧mü̧rȩ jäwä u okä to'kuäji'i̧nä̧, i̧sa̧ büorü to'kuäji'i̧nä̧, kkidepä iyä'chäkuäwäjuru kkü'kü jui'ü, kkiäre o'kajuiyünä̧ 'chottipäkuaju. Kkü̧'ka̧tä̧wä̧ta̧ jȩpü̧ iku, kkidepä ttukui'äkuaju ja̧'wa̧nü̧ jȩpü̧ okurära̧'a̧ do'opü ttikuäkuaju.

Apocalipsis 15:2

Ja̧'wa̧ta̧nü̧ topinü̧sä̧, rü̧ä̧ dubora i̧sä̧yu̧ jäwä jä̧'i̧nü̧'a̧nü̧ säruwora, okuräku wiwakua'a jä̧'i̧nü̧'a̧nü̧ jora; juora jäyoranä̧ kka̧kui̧nä̧tü̧, i̧sa̧ büó betia-rü abó 'kuä'o'inä̧tü̧, jua̧u̧ i̧mi̧ número ttütatü pä'ü we'äkuäwokotü pinä̧tü̧, ja̧'wa̧ta̧nü̧ a̧'kua̧juä̧ jü̧nä̧ tätäwä'karü'i̧nä̧ ttiwe'kiyunä̧ pȩjä̧mü̧ esewokotü pinä̧tü̧, juätürü Dio-mä̧ arpa pättü iyinä̧u̧ ji̧na̧'a̧.

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

Apocalipsis 13:11

Jua̧u̧nü̧ o'ka'a topinü̧sä̧, kka̧ra̧ i̧sa̧ büó betia rȩjȩttü̧ rä'opürü. Ä̧ja̧ okä tokäre kku̧nä̧rü̧rü̧, oweja mü̧ä̧ya̧ 'kua̧rü̧nä̧ wa̧ ja̧'a̧nä̧ dragó̧ pättäku 'kua̧rü̧nä̧ ukuokuinü̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 13:15

Dio-mä̧ ja̧'a̧tä̧ topinü̧ ä̧kuo̧mȩnä̧ i̧sa̧ büó betia pinü̧rü̧, juȩnȩ o'komȩnä̧ i̧sa̧mä̧ a̧'kua̧rü̧ iya pä'ü jȩa̧'a̧nä̧, i̧wȩnȩ ukuokuiyarü pä'ü. Jua̧u̧ ä̧kuo̧mȩnä̧ i̧sa̧, a̧'kua̧juä̧ isä'ka pä̧mä̧dü̧ esewokotürümä̧ kuä'äu ttikunä̧ we'inü̧.

Apocalipsis 16:13

Ja̧'wa̧ta̧nü̧ dragó̧ pä'ü'i̧nä̧ pättäku, i̧sa̧ büó betia pä'ü'i̧nä̧ pättäku ja̧'wa̧ta̧nü̧ yapareäkuäwä i̧sa̧ profeta pä'ü'i̧nä̧ pättäku ättü rätta'a topinü̧sä̧, wä̧mȩtukuä epíritu-tu̧ suropätü wa̧jü̧ 'kua̧rü̧nä̧ wotü.

Apocalipsis 19:19

Ja̧'wa̧ta̧nü̧ i̧sa̧ büó betia pättäkurü'i̧nä̧, pi̧jä̧nä̧ttü̧ ruwotü ttu̧wo̧juȩtä̧u̧ su̧ro̧do̧u̧ku̧ ürowäwa pä'ü ü̧ka̧ka̧kuä̧ja̧'a̧ topinü̧sä̧; cabayu-nä̧ wuö̧rü̧, umüwäyotü su̧ro̧do̧u̧ wa̧rü̧ rowäu ttikua pä'ü.