Apocalipsis 12:4 - Nuevo Testamento Uwotjüja

⁴ Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

TÄ̧DO Ä̧CUÄ̧ I̧HUȨNȨ

⁴ I̧hui̧ri̧pa̧nä̧ mo̧ro̧jä̧ttö̧ si̧ri̧'cö̧rö̧ ju'tomecutä do'opö ȩmi̧pö̧ pi̧jä̧ra̧'a̧cu̧ icuinö. Ja̧u̧ i̧sa̧mä̧ yajujua isaju ku̧bo̧du̧ma̧ ni̧yä̧cua̧ kä'ca jo̧mȩ kä̧mä̧di̧nö̧, ji̧'qui̧cha̧hua̧ uhuäpächomenä ucui'a pä'ö.

Apocalipsis 12:4 Referans Kwoze

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Apocalipsis 9:19

Cabayu̧-tü̧ tti̧wi̧ri̧'pi̧yu̧nä̧mä̧ ä̧ka̧tü̧ 'kua̧ri̧nä̧tü̧ ja̧'wa̧ta̧nü̧ ttünä̧ kuä'äu ikuinä̧tü̧ ttü̧ja̧rü̧mä̧. Jua'amä̧ cabayu-tü̧ ttujurumä̧ ttänä̧'i̧nä̧ ja̧'wa̧ta̧nü̧ tti̧wi̧ri̧'pi̧yu̧nä̧'i̧nä̧ kku̧nä̧ri̧nä̧tü̧.

Apocalipsis 9:10

Ttiwiribiyunä̧mä̧ i̧sa̧ri̧ kku̧nä̧ri̧nä̧tü̧, idiyu jä̧'i̧nü̧'a̧nü̧, ttü̧ja̧rü̧ rarapü surojuottȩpä̧kuȩmä̧ ji̧mü̧tȩ jäwä kkä̧wa̧ jo̧mȩnä̧.

Apocalipsis 8:7

Ä̧kuo̧mȩnä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ajiya jamara ttawäwina̧'a̧, okurä'i̧nä̧, ttukuojaku wiwaunä̧. Pi̧jä̧ o'kajuiyünä̧ dauwiyä'i̧nä̧, isä'kua'i̧nä̧ jo̧mȩnü̧ kuo'ü ikua pä'ümä̧ a̧'u̧ku̧nä̧tä̧ juiyächi'ünä̧ päi'ünä̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Apocalipsis 17:18

Isaju to'kuäjäkuamä̧, ukuo ütawiyärü ja̧'a̧, pi̧jä̧nä̧ttü̧ ruwotü ttu̧wä̧mȩnä̧ weü ütawiyä.

Apocalipsis 8:8

Ja̧'wa̧ta̧nü̧ juȩnȩ o'komȩnä̧ á̧gȩ trompeta ppüomȩnä̧, rü̧ä̧ duborara̧'a̧ku̧ mü̧ä̧'ka 'kua̧rü̧nä̧ okurä rü̧a̧rä kuoa'a juiächina̧'a̧; rü̧ä̧ dubora jättäjora päi'a pä'ümä̧ a̧'u̧ku̧nä̧tä̧ juiyina̧'a̧ ttukuojamä̧.

Apocalipsis 8:9

Ja̧'wa̧nü̧ päi'omȩnä̧ rü̧ä̧ duboranä̧ kka̧kuä̧tü̧ a̧'kua̧rä̧tü̧'i̧nä̧, woi'kiyuttü'i̧nä̧ o'kajuiyünä̧ toe'ächa pä'ümä̧, a̧'u̧ku̧nä̧tä̧ kki̧'i̧na̧'a̧.

Apocalipsis 8:10

Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.

Apocalipsis 8:11

Jua̧u̧ siri'komä̧ «Rȩ'a̧» pä'ü mikuinü̧; ja̧'wa̧nü̧ päi'omȩnä̧ ajiyamä̧ a̧'u̧ku̧nä̧tä̧ kki̧'ü̧nä̧ adiwoyamä̧ reina̧'a̧, juoya reoya awätü ttü̧ja̧mä̧, rekuätü wa'äu ikuinä̧tü̧.

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

Apocalipsis 12:7

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ kurä kki̧na̧'a̧: Miguel pä'ü mi̧kua̧ umüwäyotü á̧gȩrȩ-ku̧ rowäwinä̧tü̧ dragó̧ pä'ü mi̧kua̧rü̧; jua̧u̧'i̧nä̧ umüwäyotü á̧gȩrȩ-ku̧ ppä'ädäkuäu rowäwinü̧.

Apocalipsis 13:2

Pide i̧sa̧ büó tochinä̧ku̧mä̧ Büó Yäwi 'kua̧ri̧nü̧; ü̧jä̧pi̧yä̧mä̧ aje yäwi ü̧jä̧pü̧ jä̧'i̧nü̧'a̧nü̧ winü̧ ja̧'wa̧ta̧nü̧ ämä̧ Jojochäyu ä 'kua̧ri̧nü̧. Dragó̧ pättäkumä̧ rü̧ȩnä̧ ujuru'i̧nä̧, uruwo'i̧nä̧, ukuo'i̧nä̧ iyinü̧ jua̧u̧ru̧.

Apocalipsis 13:4

Ja̧'wa̧nü̧ ja̧'a̧ i̧sa̧ büó betia pättäkuru, uruwo'i̧nä̧, dragó̧ pättäku uruwo iyini̧yä̧u̧ betia pättäkuru eseäkuäwinä̧tü̧: «¿Ditäjä̧ttü̧ pide betia pättäku jü̧'a̧nü̧ wa̧mä̧, dítä jä̧ttü̧ jua̧u̧ku̧ ürowäwuö'anü̧ wa̧mä̧?», pä'ü.

Apocalipsis 16:13

Ja̧'wa̧ta̧nü̧ dragó̧ pä'ü'i̧nä̧ pättäku, i̧sa̧ büó betia pä'ü'i̧nä̧ pättäku ja̧'wa̧ta̧nü̧ yapareäkuäwä i̧sa̧ profeta pä'ü'i̧nä̧ pättäku ättü rätta'a topinü̧sä̧, wä̧mȩtukuä epíritu-tu̧ suropätü wa̧jü̧ 'kua̧rü̧nä̧ wotü.

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.