Apocalipsis 12:1 - Nuevo Testamento Uwotjüja

¹ Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧ ja̧'a̧ mo̧ro̧jä̧nä̧ koro juäi rö̧ȩnä̧ i̧jȩcuä̧ i̧jȩcui̧na̧'a̧. Yajute isaju, kö̧'ca̧tä̧huä̧ta̧ mo̧ro̧ kä̧hua̧ttö̧ 'ca̧tä̧huä̧ju̧ru̧ topinösä. Ja̧'hua̧ta̧nö̧ yodo kä̧hua̧rö̧ kö̧jä̧pö̧ dȩa̧'a̧ ku̧nä̧ri̧nä̧ju̧. Kunä'inä ppöttähuä ttö̧jä̧pö̧ttö̧nö̧ ta̧ju̧ si̧ri̧'cö̧ttö̧ adicua'a huȩnä̧ri̧nä̧ju̧.

Apocalipsis 12:1 Referans Kwoze

San Lucas 21:25

Ja̧'wa̧ta̧nü̧ mo̧ro̧ kkä̧wa̧nä̧'i̧nä̧, yodó kkä̧wa̧nä̧'i̧nä̧, si̧ri̧'kü̧nä̧'i̧nä̧, ttu̧wo̧juö̧nä̧ i̧jȩkuä̧kua̧'a̧; ja̧'wa̧ta̧nü̧ pi̧jä̧ rȩjȩnä̧ttü̧ ttü̧ja̧mä̧ ttajuäkuäwäkuotü, rü̧ä̧ aje ppawa'a ä̧ju̧ku̧ yettekue'äkuotü.

Efesios 5:32

Pi̧yȩmä̧ rü̧ȩnä̧ jeruwuö wȩnȩ ja̧'a̧nä̧, Crito ütü'kütä, igresia ütü'kütä ukuokusä.

San Marcos 13:25

Ja̧'wa̧ta̧nü̧ si̧ri̧'kü̧mä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ kka̧ku̧ ujuru'i̧nä̧ tti̧ȩpä̧kua̧'a̧.

San Lucas 21:11

Rȩjȩ'i̧nä̧ ttü̧ȩpä̧kua̧'a̧ ja̧'wa̧ta̧nü̧ ppäi'i̧nä̧, märichei'i̧nä̧ kkoromȩ jü̧'a̧kuä̧ kkä̧kua̧'a̧ ja̧'wa̧ta̧nü̧ mo̧ro̧jä̧ jäwä i̧jȩkuä̧kua̧'a̧ yettekue'ünä̧.

Apocalipsis 21:23

Ütawiyämä̧ mo̧ro̧ kkä̧wa̧'i̧nä̧, yodó kkä̧wa̧'i̧nä̧, itejäda pä'ümä̧ rekuä rü̧jo̧ka̧'a̧ ji̧na̧'a̧, jua'amä̧ Dio i̧tȩya̧u̧tä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧ i̧tȩya̧u̧tä̧ ja̧'a̧ttü̧.

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

Apocalipsis 12:3

Juȩnȩ o'komȩnä̧ mo̧ro̧jä̧ra̧'a̧ttü̧ kkoro i̧jȩkuä̧chi̧na̧'a̧: Ya̧tȩ dragó̧ pättäku büó, tu̧'a̧, kko̧ro̧mü̧ttü̧nü̧ todäre jo̧mȩnä̧ kku̧nä̧rü̧ upiyämä̧, ä̧ja̧wi̧yä̧ okämä̧ to̧mü̧rȩ jäwä okä kku̧nä̧rü̧ ja̧'wa̧ta̧nü̧ jiyute u piyänä̧mä̧ ji̧yȩtȩ corona pättü u'uttäwä wȩnä̧ri̧nü̧.

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Hechos 2:19

Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧; pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.

San Mateo 24:30

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ ubo I̧tti̧ icha'a ä'kanä̧ jäwä i̧jȩkuä̧chä̧kua̧'a̧ ja̧'wa̧nü̧ päia'a topü rü̧ȩnä̧ ye'ekue'i'ü pi̧jä̧ ttü̧ja̧ o'katoi'ünä̧ ttajäkuäwäkuotü ja̧'wa̧nü̧ päi'omȩnä̧ ubo I̧tti̧ mo̧ro̧jä̧ra̧'a̧ttü̧ ajiya isoppanä̧ uruwoku, ujuruku icha'a tottäkuotü.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

San Mateo 12:38

Ja̧'wa̧nü̧ ja̧'a̧ fariseo wotümä̧, weäwä wȩnȩ wo̧juȩtä̧tü̧ttü̧'i̧nä̧ yotüte Jesú-ru pä'inä̧tü̧: —Wo̧juȩkuä̧ i̧sa̧, ukuttü tota pä'ätüjä̧ ji̧yȩtȩ ttü̧ja̧ jȩtto̧kü̧ ja̧jü̧ juei jȩ'kua̧'a̧.

Apocalipsis 21:14

Ja̧'wa̧ta̧nü̧ ütawiyä tto̧ȩpäräbä 'chu̧ä̧ro̧mȩ kkada'kamä̧ ttü̧jä̧pü̧ttü̧ todäre jäwä jo̧mȩnä̧ i̧nä̧wiyä jȩpü̧ kku̧nä̧wi̧na̧'a̧, jua̧u̧ owänä̧mä̧ oweja mü̧ä̧ya̧ jü̧nä̧ wa̧ umüwäyotü apótore, ttü̧jä̧pü̧ttü̧ todäre jo̧mȩnä̧ wotü tti̧mi̧pi̧yä̧ wȩyu̧kua̧'a̧ pȩji̧na̧'a̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Gálatas 3:27

Ja̧'wa̧nü̧ jo̧mȩttü̧, o'katoi'ünä̧ Crito-nä̧ bautizo jȩpä̧kuä̧wi̧nä̧tü̧mä̧, Crito-tä pä'äjita'anü̧ ü̧'ka̧ti̧nä̧u̧jä̧.

2 Corintios 11:2

Isopäi'ünä̧ ukuturu, rü̧ȩnä̧ repedünä̧ jȩi̧nä̧ku̧sä̧ Dio-mä̧. Jua'amä̧ Crito-rü jueünä̧tä̧ kukuotätukua pä'üsä; yajute kkirekuorü kkȩmä̧kua̧'a̧ ä'kanä̧, churutä a̧mü̧kuä̧rü̧ kukuota'a jä̧'i̧nü̧ta̧'a̧nü̧.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

Romanos 13:14

Pärokuänä̧ Tu̧ru̧wa̧ Jesucrito jäwänä̧ 'ka̧tä̧dä̧kuäwi̧'ä̧tu̧kui̧, kuidepä kkü'kekunä̧mä̧ kuiyäwätukuoka'a.

Gálatas 4:26

Ja̧'wa̧nü̧ ja̧'a̧nä̧, Sara-rümä̧ wȩnȩkuä̧cha̧'a̧ jareünä̧ esekuäkuäwä wȩnȩ, ja̧'wa̧nü̧ jo̧mȩttü̧ mo̧ro̧jä̧ra̧'a̧ Jerusarȩ́ ütawiyä isotüjä̧, ttu̧wo̧juȩtä̧u̧ wokotü ttidepiyu jo̧mȩ,