Apocalipsis 11:15 - Nuevo Testamento Uwotjüja

¹⁵ Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

TÄ̧DO Ä̧CUÄ̧ I̧HUȨNȨ

¹⁵ Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.

Apocalipsis 11:15 Referans Kwoze

Apocalipsis 12:10

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.

Apocalipsis 10:7

Ja̧'wa̧nü̧ ja̧jü̧ jueimä̧, kko̧ro̧mü̧ttü̧nü̧ á̧gȩ i̧wȩnȩ rä̧mi̧po̧mȩnä̧mä̧, iäre trompeta ppüomȩnä̧mä̧, Dio jäwä uwäwokü ji̧nü̧mä̧ jo̧mȩnü̧ päi'äkua'a, umüwäyotü profeta wotünä̧ jareü wȩnȩ ukuokuinü̧mä̧.

Apocalipsis 19:1

Jua̧u̧ 'kuäopäji o'ka'a, mo̧ro̧jä̧ra̧'a̧ttü̧ ttü̧ja̧ rekuätü pä̧i̧ku̧nä̧ wotta'a ä̧ju̧kui̧nü̧sä̧: «¡Aleluya! ra̧wä̧pi̧jü̧ttü̧ kki̧'i̧kuä̧'i̧nä̧, uruwo'i̧nä̧ ja̧'wa̧ta̧nü̧ ujuru'i̧nä̧ tü̧ä̧nä̧wa̧ Dio jäwätä ja̧'a̧,

San Lucas 1:33

Ja̧'wa̧nü̧ ja̧'a̧ttü̧ Jaco i̧tti̧mü̧ o'kotürü 'kuäopünä̧tä̧ ru̧wa̧ jü̧nä̧ wȩä̧kua̧. Jua̧u̧ Ru̧wa̧ jü̧nä̧ weümä̧ beipokü jä̧kuȩ.

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

Hebreos 1:8

Ja̧'wa̧nü̧ ja̧'a̧nä̧ I̧tti̧ ütü'kümä̧ pä'inü̧: «Uku kuruwomä̧ beipokü jä̧kuȩ, ja̧'wa̧ta̧nü̧ kujurumä̧ adiwomȩnä̧tä̧ wȩkuä̧kua̧jä̧.»

Apocalipsis 19:6

Ja̧'wa̧ta̧nü̧ ttü̧ja̧ rekuätü tti̧wȩnȩ rä̧mi̧pa̧'a̧, däyä tawipa'a, ku'upä kürüächa'a jä̧'i̧nü̧'a̧nü̧ ä̧ju̧kui̧nü̧sä̧. Juätümä̧ pä'inä̧tü̧: «¡Aleluya! Isopäi'ünä̧ Tu̧ru̧wa̧, o'kajuiyünä̧ ju̧ru̧wa̧ Dio ja̧'a̧ täkü kkä̧mä̧dü̧ ruwo we'ümä̧.

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 9:13

Kko̧ro̧mü̧ttü̧nü̧ i̧sa̧ á̧gȩ iäre trompeta ppüomȩnä̧. Dio ä'ka jo̧mȩ, Altar pättomȩ oro jü̧ttü̧, i̧sa̧ u o̧na̧ pa̧ja̧kuä̧nü̧ jü̧ttü̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧.

Apocalipsis 9:1

Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

San Lucas 15:6

ojusodera̧'a̧ 'chä̧wi̧'ü̧mä̧, awaruwärü'i̧nä̧, ojusode ppeyänä̧ kka̧kuä̧tü̧rü̧'i̧nä̧ ka̧ka̧to̧'ü̧ pä'ü: Ttütäku eseäkuäwätukui, täkü chäjirümä̧ po̧kui̧pä̧ji̧sä̧, jü̧nä̧.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

Hechos 4:26

Pi̧jä̧ttü̧ ruwotümä̧ ja̧'wa̧ta̧nü̧ ttippeyänä̧ we'ätü'i̧nä̧ Ttu̧ru̧wa̧rü̧, Crito-rü ka̧ka̧ku̧ suronä̧ jȩtta̧ pä'ü amükuädinä̧tü̧.