Apocalipsis 10:5 - Nuevo Testamento Uwotjüja

⁵ Ja̧'wa̧nü̧ päi'omȩnä̧, rü̧ä̧ aje wä̧mȩnä̧'i̧nä̧, pi̧jä̧ rȩjȩnä̧'i̧nä̧ ü̧ja̧'a̧ tochäjäku á̧gȩ päjimä̧, u̧wo̧jua̧'a̧ku̧nä̧ u̧mü̧ kä'epinü̧ mo̧ro̧jä̧ra̧'a̧ku̧.

TÄ̧DO Ä̧CUÄ̧ I̧HUȨNȨ

⁵ Ja̧u̧nu̧ o'ca'a, ja̧u̧ ángel dubora rö̧oranä'inä, pi̧jä̧nä̧'i̧nä̧ kä̧mä̧dö̧ tochäjäcumä, u̧mö̧ u̧huo̧jua̧'a̧ i̧sä̧mö̧ mo̧ro̧jä̧ra̧'a̧cu̧ cä'epinö.

Apocalipsis 10:5 Referans Kwoze

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»

Apocalipsis 14:7

Jua̧u̧mä̧, pä̧i̧ku̧nä̧ wopinü̧: «Dio-rü ukuotü eseäkuäwätukui, isopäi'ünä̧ pi̧jä̧ ttü̧ja̧rü̧ pojopü ro̧'ȩpü̧ hora-mä̧ rȩbȩä̧kuä̧wa̧'a̧. Ja̧'wa̧ta̧nü̧ kuiwe'kiyutukunä̧ pȩjä̧mü̧ eseäkuäwätukui mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧ ja̧'wa̧ta̧nü̧ ajewiyä kkada'ka'i̧nä̧ aditinü̧rü̧.»

Apocalipsis 10:2

Jua̧u̧mä̧ u̧mü̧nä̧ ȩpi̧nü̧ ji'täte kuyäru'tä bawekua'a. Ja̧'wa̧nü̧ ja̧'a̧ ü̧jä̧mä̧do̧mȩnä̧, u̧wo̧jua̧'a̧ku̧ i̧jä̧pü̧mä̧ kkä̧mä̧di̧nü̧, rü̧ä̧ ajenä̧ ja̧'wa̧ta̧nü̧ ieruwa'akunä̧ i̧jä̧pü̧mä̧ kkä̧mä̧di̧nü̧ pi̧jä̧ rȩjȩnä̧.

Apocalipsis 4:11

«Chu̧ru̧wa̧, ukumä̧ teseäkuäu'i̧nä̧, kuruwo'i̧nä̧, kuȩma̧ pä'ütä wa̧jä̧, o'kajuiyünä̧ kuaditäwätä ja̧'a̧ttü̧, kuwäbe'inü̧tä̧ ja̧'a̧ttü̧; ukú kuju'komȩnä̧tä̧ kka̧ku̧ ja̧'a̧ttü̧.»

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

Apocalipsis 4:9

Pitü a̧'kua̧rä̧tü̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧, uruwo'i̧nä̧, ukuo'i̧nä̧ kku̧nä̧rü̧rü̧ esewinä̧tü̧ 'kuäopünä̧,

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Hebreos 6:13

Isopäi'ünä̧ Dio Abraha̧-rü̧ chi̧yä̧kua̧jä̧ päinü̧mä̧, kka̧ra̧ i̧mi̧nä̧ pättajü jueimä̧, Chutä i̧mi̧nä̧tä̧ pä'äwinü̧; Chutä u̧wä̧mȩnä̧ wa̧ kka̧ra̧mä̧ toa'attü̧;

Romanos 1:20

Isopäi'ünä̧ Dio jäwä tottü juiyünä̧ ji̧nü̧mä̧, mo̧ro̧ kki̧ä̧mü̧nä̧ ujuru'i̧nä̧ ja̧'wa̧ta̧nü̧ chutä jäwä Tü̧ä̧nä̧wa̧ jü̧nä̧ jü̧'i̧nä̧ ttu̧wo̧jui̧pü̧nä̧ i̧jȩkuä̧cha̧'a̧ pi̧jä̧ aditino̧mȩttü̧ kkä̧mä̧dü̧, jerupätüjä̧ pätta pä'ümä̧ juiya'a.

Hechos 17:23

ku̧ä̧nä̧wo̧tü̧rü̧ kukuokuä'ijomȩku̧ 'kuädopomȩnä̧ topäjisä, yo̧mȩtȩ wȩyu̧kua̧'a̧ pa̧'a̧: «dio jȩru̧päkuä̧wa̧rü̧,» jü̧nä̧. Jua̧u̧ kuieruwätukua'anä̧ esetü kukuotätukuäku ja̧'a̧, ttü jidäwäkumä̧.