Apocalipsis 10:2 - Nuevo Testamento Uwotjüja

² Jua̧u̧mä̧ u̧mü̧nä̧ ȩpi̧nü̧ ji'täte kuyäru'tä bawekua'a. Ja̧'wa̧nü̧ ja̧'a̧ ü̧jä̧mä̧do̧mȩnä̧, u̧wo̧jua̧'a̧ku̧ i̧jä̧pü̧mä̧ kkä̧mä̧di̧nü̧, rü̧ä̧ ajenä̧ ja̧'wa̧ta̧nü̧ ieruwa'akunä̧ i̧jä̧pü̧mä̧ kkä̧mä̧di̧nü̧ pi̧jä̧ rȩjȩnä̧.

TÄ̧DO Ä̧CUÄ̧ I̧HUȨNȨ

² U̧mö̧nä̧ cuyäru'tä ji̧'qui̧cha̧jä'tä bahuecua'a 'chu̧'ä̧ri̧nö̧. Ö̧jä̧pö̧ u̧huo̧jua̧'a̧nä̧ dubora rö̧oranä kä̧mä̧dö̧, ö̧jä̧pö̧ ieruhua'anä pi̧jä̧nä̧ kä̧mä̧di̧nö̧.

Apocalipsis 10:2 Referans Kwoze

Apocalipsis 10:5

Ja̧'wa̧nü̧ päi'omȩnä̧, rü̧ä̧ aje wä̧mȩnä̧'i̧nä̧, pi̧jä̧ rȩjȩnä̧'i̧nä̧ ü̧ja̧'a̧ tochäjäku á̧gȩ päjimä̧, u̧wo̧jua̧'a̧ku̧nä̧ u̧mü̧ kä'epinü̧ mo̧ro̧jä̧ra̧'a̧ku̧.

Apocalipsis 6:3

Ja̧'wa̧ta̧nü̧ oweja mü̧ä̧ya̧ jü̧nä̧ wa̧ yȩnȩta̧'a̧nü̧ sello bawepomȩnä̧, a̧'kua̧rä̧tü̧ttü̧ yȩnȩta̧'a̧nü̧ i̧sa̧ pä'a ä̧ju̧kui̧nü̧sä̧: «¡ichi'ü, topi!»

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

Apocalipsis 6:1

Jua̧u̧nü̧ o'ka'a topinü̧sä̧, oweja mü̧ä̧ya̧ jü̧nä̧ wa̧mä̧ kko̧ro̧mü̧ttü̧nü̧ todäre sello jü̧ttü̧, ä̧kuo̧mȩnä̧ sello bawepomȩnä̧, pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ i̧wȩnȩ rä̧mi̧pi̧na̧'a̧, ku'upä kürüächa'a 'kua̧rü̧nä̧: ¡poku ichi'i!, jü̧nä̧.