Apocalipsis 1:9 - Nuevo Testamento Uwotjüja

⁹ Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

TÄ̧DO Ä̧CUÄ̧ I̧HUȨNȨ

⁹ Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Apocalipsis 1:9 Referans Kwoze

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Apocalipsis 1:2

Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Apocalipsis 13:10

«Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Filipenses 4:14

Ja̧'wa̧nü̧ ja̧'a̧nä̧, adiu jȩ'kui̧nä̧tu̧kuä̧ku̧sä̧, ttü usurä chȩmä̧u̧ mo̧ro̧ ppäkuädätukuomȩnä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.

Apocalipsis 14:12

¡Pȩnȩ́ jä̧kua̧'a̧ surojüttü 'kȩ'ȩpü̧ ikuinä̧u̧, Dio-rü ukuotätü ja̧'wa̧ta̧nü̧ Jesú-ru tta̧'kua̧ wȩnä̧rä̧tü̧ tta̧mi̧ 'kittächi'a'a i̧jȩkuä̧chä̧kuo̧mȩmä̧!

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 6:9

Ja̧'wa̧ta̧nü̧ oweja mü̧ä̧ya̧ jü̧nä̧ wa̧ ji̧mü̧tȩ jäwä sello bawepomȩnä̧, Altar pättomȩ dȩa̧'a̧ku̧ kka̧kuä̧tü̧rü̧ topinü̧sä̧, Dio i̧wȩnȩ jittäwiyä̧u̧, weinü̧nä̧ ttü̧ja̧kui̧yä̧u̧ kuä'äu ttikuinä̧u̧ru̧.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

2 Tesalonicenses 3:5

Tu̧ru̧wa̧tä̧ ppä̧dä̧kuä̧u̧jä̧ Dio eseuta'anü̧ kuesewätukunä̧ usurä kuȩmä̧wä̧tu̧kuo̧mȩnä̧ Crito ujuru ku̧ju̧nä̧rä̧kuo̧tü̧jä̧.

San Mateo 20:23

Jesú-mä̧ ädätinä̧u̧: —Isopäi'ünä̧ pädäu̧jä̧, ttütä jü̧ta̧'a̧nü̧ rü̧ȩnä̧ usurä kuȩmä̧wä̧tu̧kua̧'a̧nä̧; ttü wedomȩttü̧ chu̧wo̧jua̧'a̧ku̧nä̧, chü'oweja̧'a̧ku̧nä̧, rütüwämä̧ ttü jäwämä̧kü̧, Chä'o ü'ätetinä̧u̧ru̧ iyü jäwä ja̧'a̧.

San Marcos 10:39

Jäepomȩnä̧, ttädätinä̧ku̧: —A̧'a̧, jȩtü̧'a̧nü̧ ja̧'a̧. Pättäku, Jesú-mä̧ päinä̧u̧: —Reoya a̧kuo̧'ta̧ chawomȩttü̧ kuawäkuotüjä̧ ja̧'wa̧ta̧nü̧ bautizo jȩchä̧kuä̧u̧ttü̧'i̧nä̧ je'kuä̧kuä̧wä̧kuo̧tü̧jä̧;

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

2 Corintios 1:7

Ja̧'wa̧nü̧ ja̧'a̧ttü̧, ukuturumä̧ jueünä̧tä̧ tesetünä̧ jä̧u̧jä̧, jua'amä̧ ujututäku yo̧mȩtȩnä̧ usurä kuȩmä̧wä̧tu̧ku̧ta̧'a̧nü̧, jua̧u̧ a̧'u̧ ttukuätuku'i̧nä̧ jȩpü̧ i̧kuä̧kuä̧u̧jä̧ pä'ü.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 1:6

Ja̧'wa̧nü̧ jȩpü̧ kku̧nu̧ rȩjȩ ruwotü jü̧nä̧, sacerdote-tü̧ jü̧nä̧ Jä'o Dio iyinä̧u̧jä̧; ja̧'wa̧nü̧ ja̧'a̧ttü̧ ¡Jua̧u̧ru̧ esewätüjä̧ mo̧ro̧ kki̧ä̧mü̧nä̧, uruwo we'ürü! Amȩ́.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.