3 Juan 1:9 - Nuevo Testamento Uwotjüja

⁹ Igresia-rü wȩyu̧tu̧ we'inü̧sä̧ ja̧'wa̧nü̧ ja̧'a̧nä̧ Diótrefe-mä̧ ukuotoka'a, juiyo weäwätä kkü̧'ka̧.

TÄ̧DO Ä̧CUÄ̧ I̧HUȨNȨ

⁹ Iglesia ruhuärö, cuidepiyura̧'a̧ ka̧cuä̧tö̧rö̧, chi̧huȩnȩ huedinö, Diótrefesmä ä̧ju̧cu̧ esetocö pi̧nö̧. Chutätä cu̧ru̧hua̧tu̧cu̧ ö̧ja̧ pä̧huä̧ rö̧jä̧cu̧.

3 Juan 1:9 Referans Kwoze

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Marcos 9:34

Pä̧u̧mä̧, 'koruchi'inä̧tü̧, ujututtümä̧ dí jä̧kua̧'a̧jä̧ttü̧, ji̧nä̧so ukuo i̧sa̧ jä̧kua̧mä̧ pä'ü ttukuokuäja'a jä̧u̧.

3 Juan 1:8

Ja̧'wa̧nü̧ ja̧'a̧ttü̧ ujutumä̧, juätü ttaditäwämä̧ ppätädü'anü̧ ja̧'a̧, juätümä̧ ujututä ppätädäu̧ jü̧nä̧tä̧.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

San Marcos 9:37

Ya̧tȩ ttü chi̧mi̧nä̧ ji̧'ki̧cha̧wa̧rü̧ ȩmü̧mä̧, ttürü ȩmü̧; ja̧'wa̧ta̧nü̧ ttürü ȩmü̧mä̧, ttürütämä̧ ȩmo̧kü̧, ji̧nä̧somä̧ ttürü we'inü̧rü̧ ȩmü̧.

San Mateo 7:8

Isopäi'ünä̧ jä'epümä̧ ȩmü̧; ja̧'wa̧ta̧nü̧ usumä̧, po̧kui̧pü̧; ja̧'wa̧ta̧nü̧ äpatenä̧ wopürümä̧, bawekuäkua'a.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.