2 Timoteo 4:2 - Nuevo Testamento Uwotjüja

² Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

TÄ̧DO Ä̧CUÄ̧ I̧HUȨNȨ

² 'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

2 Timoteo 4:2 Referans Kwoze

1 Tesalonicenses 5:14

Ja̧'wa̧ta̧nü̧ jä̧tȩpä̧u̧jä̧, chawaruwä chi̧jä̧wa̧tü̧, ütäwätürü jikuäwätukua pä'ü'i̧nä̧, 'kuä'ächi'inä̧tü̧rü̧ ttujuru ichi'ünä̧ jikuäwätukua pä'ü'i̧nä̧, juiyupätürü ppäkuädätukua pä'ü'i̧nä̧, o'katoi'ünä̧rü̧ kua̧mi̧ 'kikuächi'ätukua pä'ü'i̧nä̧, jü̧nä̧.

Tito 2:15

Pi̧yȩ ja̧'a̧ o'kajuiyünä̧ ukuo kkü̧nä̧ ku̧wo̧juȩtü̧mä̧, ttesewächi'ünä̧ ja̧'wa̧ta̧nü̧, tä̧bo̧tü̧nü̧ ya̧tȩ'i̧nä̧ üjü'kü juiyünä̧mä̧ toü juiyäkua'anü̧.

1 Timoteo 4:13

Do'ächü Chichäkua'a ä'kanä̧mä̧, wȩyu̧kuä̧ wȩnȩ o'katoi'ünä̧ ttä̧ju̧ku̧nä̧ ukuokui, kuawaruwä ku̧jä̧wo̧tü̧ eseu kättädi'ü juiyünä̧ wo̧juȩti̧.

Apocalipsis 3:19

Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.

Tito 1:13

Pi̧yȩ jiäwinü̧mä̧ isopäi'ünä̧tä̧ ji̧na̧'a̧; ja̧'wa̧nü̧ ja̧'a̧ttü̧ ja̧'wa̧nü̧ wotürümä̧ pä̧i̧ku̧nä̧ ra̧wä̧ri̧pü̧nä̧nü̧ ji'äwätukuitü, Jesucrito-rü pä'äjita'anü̧ adiu tta̧'kua̧ ttu̧wȩnä̧rä̧kua̧'a̧nü̧.

2 Timoteo 2:21

Ujutunä̧'i̧nä̧, ja̧'wa̧nü̧ jä̧'i̧nü̧ta̧'a̧nü̧ wȩnȩkuä̧cha̧'a̧; suronä̧ jȩtä̧'i̧jü̧ kä'ädi'ü, isopäi'ünä̧ jo̧kü̧ wo̧juȩkuä̧ tunu̧chi̧'ü̧ttü̧mä̧, ja̧u̧ o̧'ta̧wi̧yä̧ ukuo jäwä jä̧'i̧nü̧'a̧nü̧ täkuotüjä̧. Dio-tä ta̧'kua̧rü̧nä̧ aditäkua̧ ta̧'kua̧rü̧ 'chü̧ä̧rä̧kuä̧wä̧ i̧sa̧ ja̧'a̧ttü̧, kkorojuei o'kajuiyünä̧ adiwäjuei jȩta̧ pä'ü jo̧mȩnü̧ tü̧ja̧kuä̧kuo̧tü̧jä̧.

Gálatas 6:6

Ya̧tȩ wo̧jui̧kuä̧ i̧sa̧ Dio i̧wȩnȩ wo̧jui̧pü̧mä̧, wo̧juȩtü̧rü̧ o'kajuiyünä̧ adiumä̧ iya pä'ü ja̧'a̧.

Romanos 12:12

Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

2 Timoteo 3:10

Ja̧'wa̧nü̧ ja̧'a̧nä̧ ukumä̧ chu̧wo̧juȩti̧nü̧nä̧'i̧nä̧ jȩpü̧ chü̧jä̧'i̧jü̧nä̧'i̧nä̧, chamükuädä'ijü̧nä̧'i̧nä̧, Dio-rü cha̧'kua̧ chu̧wȩnä̧rä̧'i̧jü̧nä̧'i̧nä̧, cha̧mi̧ 'kidächi'ünä̧'i̧nä̧, cheseunä̧'i̧nä̧ ja̧'wa̧ta̧nü̧ cha̧mi̧ 'kidächi'a pä'ü chujuruwä'ijü adiu 'chä̧'i̧jü̧jä̧.

1 Timoteo 5:20

Yabokutä surojü jȩpä̧tü̧rü̧mä̧ o'katoi'ünä̧ ttä'ka jo̧mȩttü̧ ra̧wä̧ri̧pü̧nü̧ ji'äwätukuitü, kkorotü'i̧nä̧ yettekuächäkua'anü̧.

Colosenses 1:25

Jua̧u̧ igresia-nä̧ adikuä i̧sa̧ u̧ju̧ni̧nä̧ku̧sä̧ Dio-mä̧. Chutä i̧wȩnȩ chaditiyarü pä'ü.

Romanos 10:15

¿Ja̧'wa̧ta̧nü̧ toku jittäwäkua'a̧jä̧ttü̧, we'ätü toa'anä̧mä̧? wȩyu̧kuä̧ wȩnȩ pä'a: ¡Juiyo adiwa'a adiwä juei jareü wȩnȩ i'kächätürümä̧!

Hechos 20:7

Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

Hechos 16:13

Ya'utenä̧, Sawaru mo̧ro̧, ütäwiyättü rä'opächü, aje jäyoto Dio-rü ttukuokuä'ijome pȩjä̧mü̧, juȩnȩ ka̧ka̧kuä̧jä̧tü̧ nä̧tü̧rü̧ ukuokuinä̧tü̧jä̧.

San Lucas 9:60

Päku, Jesú-mä̧ päinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi. Ja̧'wa̧nü̧ ja̧'a̧nä̧ ukumä̧ ru̧wa̧ Dio weü wȩnȩtä̧ ji'äwäji.

San Lucas 7:4

Wȩä̧jä̧u̧mä̧ Jesú-ru rü̧ȩnä̧ ajuäkuäunü̧ ukuokuinä̧tü̧: —Jua̧u̧ su̧ro̧do̧u̧ ttu̧ru̧wa̧rü̧ ppäkuädarü pä'ü rekuä rü̧ja̧'a̧ pä'ü.

1 Tesalonicenses 5:20

Dio i̧wȩnȩ (jä̧kuȩ wȩnȩ) jittäwomȩnä̧ esetätukui.

San Lucas 7:23

Ja̧'wa̧ta̧nü̧ ¡rü̧ȩnä̧ eseäkuäwä kka̧'a̧, Ttü jäwänä̧ ma̧'ä̧cho̧kü̧rü̧mä̧!

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Hebreos 13:22

Chawaruwä chü̧jä̧wa̧tü̧, pi̧yȩ a̧'u̧ku̧nä̧ ro̧'ȩpü̧nü̧ ukuoku chi̧wȩyu̧tä̧ji̧, kua̧mi̧ 'ki'ächi'ünü̧ kuä̧ju̧kuä̧tu̧kua̧ pä'üsä.

Hechos 28:16

Roma ütawiyänä̧ ti̧rȩbȩwi̧'ä̧ja̧'a̧mä̧, su̧ro̧do̧u̧ ttu̧ru̧wa̧mä̧ Pauru-rü we'inü̧, i̧mi̧ku̧nä̧ ü̧jü̧nä̧ ya̧tȩ su̧ro̧do̧u̧ i̧sa̧tä̧ tta̧wä̧ra̧'a̧nä̧.

Hechos 13:5

Salamina ütawiyä ttawaränä̧ rȩbȩä̧kuä̧wi̧'ü̧, judío ttiäre sinagogas odewiyättü Dio i̧wȩnȩ ji'äwinä̧tü̧. Ja̧'wa̧ta̧nü̧ Ju̧a̧-rü̧mä̧ ppä̧dä̧ra̧ pä'ütä ottipinä̧ku̧.

Colosenses 4:3

Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.