2 Timoteo 4:1 - Nuevo Testamento Uwotjüja

¹ Jesucrito Ru̧wa̧ Rey jü̧nä̧ ichomȩnä̧mä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'äkua̧. Ja̧'wa̧nü̧ jo̧mȩttü̧ Dio'i̧nä̧, Jesucrito'i̧nä̧ ttä'ka jo̧mȩttü̧ iyü kku̧nu̧ wedäkujä̧.

TÄ̧DO Ä̧CUÄ̧ I̧HUȨNȨ

¹ Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

2 Timoteo 4:1 Referans Kwoze

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

1 Timoteo 5:21

Dio'i̧nä̧, Jesucrito'i̧nä̧ á̧gȩrȩ pojopü ȩmä̧wo̧tü̧'i̧nä̧ ttä'ka jo̧mȩttü̧ pi̧yȩ jȩ'kua̧ pä'ü wedinü̧mä̧ o'kajuiyünä̧ ukuoti ja̧'wa̧ta̧nü̧ o'katoi'ünä̧tu̧ku̧tä̧ adiu jȩpü̧ jü̧nä̧tä̧, ya̧tȩrü̧tä̧mä̧ kuesekuoka'a.

2 Timoteo 2:14

Kkorotürü amükuädi, ja̧'wa̧ta̧nü̧ Dio ä'ka jo̧mȩttü̧ pä'ä'chäkuäu ttürowäu juiyükua'anü̧ ji'äwitü. Jua̧u̧ pä'chäkuäwämä̧ ya̧tȩrü̧'i̧nä̧ ppädokü, ja̧'wa̧ta̧nü̧ ä̧ju̧kuä̧tu̧rü̧tä̧ surojuoepü.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

1 Pedro 4:5

Ja̧'wa̧nü̧ ja̧'a̧nä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'a pä'ü jo̧mȩnü̧ jȩpü̧ kku̧nä̧wo̧mȩttü̧ jȩtti̧nü̧mä̧ tti̧jȩpä̧kuo̧tü̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Hechos 17:31

Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.

San Lucas 23:42

Pä'ü kä'ädü Jesú-ru pä'inü̧: —Ukú ru̧wa̧ päkui'omȩnä̧mä̧, kuamükuädattüjä̧.

San Lucas 19:15

Ja̧'wa̧nü̧ ja̧'a̧nä̧, ru̧wa̧ rey päi'ünä̧ ttu̧ju̧ni̧nä̧ku̧; ttu̧ju̧nä̧jä̧ku̧ o̧'ka̧ pä'äjita'anü̧ i̧rȩjä̧ra̧'a̧ku̧ ppa̧'ä̧chi̧nü̧. Ja̧'wa̧nü̧ ichi'äji o̧'ka̧mä̧ u̧mü̧wä̧yotürü ottäjiyarü pä'ü we'inü̧, pärätä tta̧'a̧nü̧ rü̧ȩnä̧ jo̧mȩnä̧ aditü ttȩmi̧na̧já̧ pä'ü.

San Lucas 19:12

Pi̧yȩ päinä̧u̧: ya̧tȩ ruwotü i̧sa̧, kko̧ro̧jä̧ra̧'a̧ otó 'chi̧nü̧ uruwo ȩmü̧, jua̧u̧nü̧ o'ka'a ppa̧wä̧chi̧'a̧ pä'ü.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.

Colosenses 3:4

Kua̧'kua̧rä̧tu̧kuä̧ku̧, Crito ichomȩnä̧mä̧. Jua̧u̧tä̧ku̧ ukutu'i̧nä̧ kui̧jȩkuä̧chä̧kuo̧tü̧jä̧, uruwo jäwänä̧.

2 Timoteo 1:10

Ja̧'wa̧nü̧ ja̧'a̧nä̧ jitämä̧ tu̧ru̧wa̧ surojüttü ttü̧ji̧pü̧nä̧ ppädäkuäwä i̧sa̧ Jesucrito i̧jȩkuä̧cho̧mȩnä̧ repeümä̧ i̧jȩkuä̧chi̧na̧'a̧. Isopäi'ünä̧ jua̧u̧tä̧ ja̧'a̧ wa'arerü si'epü ikuinü̧'i̧nä̧, ja̧'wa̧nü̧ jȩpü̧ jareü wȩnȩnä̧mä̧ kkä̧kuä̧wä̧ i'kotä iyinä̧u̧jä̧.

2 Timoteo 4:18

Ja̧'wa̧ta̧nü̧ Chu̧ru̧wa̧mä̧ surojü aditäwättümä̧ rä'epü ikuinä̧ku̧sä̧ Dio Ru̧wa̧ weomȩ ȩpo̧mȩbü päi'ünä̧. ¡Jua̧u̧mä̧ 'kuäopünä̧tä̧ tesewarü pä̧wä̧rü̧jä̧ku̧!