2 Timoteo 3:16 - Nuevo Testamento Uwotjüja

¹⁶ Wȩyu̧kuä̧mä̧ o'kajuiyünä̧tä̧ Dio ättü ichü ja̧'a̧, ja̧'wa̧nü̧ ja̧'a̧ttü̧ ttü̧ja̧rü̧ ttu̧wo̧juȩta̧ pä'ü'i̧nä̧, ttütäbo̧ta̧ pä'ü'i̧nä̧, surojü kattädi'ächünä̧ jittäwa pä'ü'i̧nä̧ ja̧'wa̧ta̧nü̧ kkä̧kuä̧wä̧ tü'kü ttu̧wo̧juȩta̧ pä'ü'i̧nä̧ ppäda'a,

TÄ̧DO Ä̧CUÄ̧ I̧HUȨNȨ

¹⁶ O'ca juiyönä adihuä Huȩyu̧cuä̧ Huȩnȩ Dios iyinö. Adihua'a huo̧juȩcuä̧nä̧. Ja̧'hua̧ta̧nö̧ adihua'a tä̧bo̧cuä̧nä̧'i̧nä̧. Korotö i̧mi̧cu̧nä̧ huȩnȩ jittähua'anä, pi̧yȩ huȩnȩ adihuä jiäcuähuänä. O'ca toi'önä huo̧jui̧cuä̧nä̧ adihua'a, adiu jȩpö̧ ttö̧ja̧cua̧ pä'ö.

2 Timoteo 3:16 Referans Kwoze

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Hebreos 4:12

Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

San Marcos 12:24

Jesú-mä̧ ädätinä̧u̧: —Ukutumä̧, jäyä pä'ätüjä̧, wȩyu̧kuä̧ wȩnȩ'i̧nä̧, Dio ujuru'i̧nä̧ kuieruwätukua'attü̧.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Hechos 20:20

Ja̧'wa̧nü̧ ja̧'a̧nä̧, ukutu ku̧jä̧tu̧kua̧ pä'ü ppädümä̧ chü'koruchi'oka'a wo̧juȩtä̧'i̧jü̧sä̧, ttü̧ja̧ ttä'kattü'i̧nä̧ ja̧'wa̧ta̧nü̧ ttojusodettü'i̧nä̧, jü̧nä̧.

San Juan 3:20

Isopäi'ünä̧, o'katoi'ünä̧ surojü jȩpä̧tü̧mä̧ tȩya̧u̧ kkü'kokotü; tȩya̧u̧ra̧'a̧mä̧ ichokotü, suronä̧ jȩttä̧'i̧jü̧ i̧jȩkuä̧chü̧ juiyatü pä'ü.

San Mateo 13:52

Jesú-mä̧ päinä̧u̧: —Ja̧'wa̧nü̧ jü̧ta̧'a̧nü̧, weäwä wȩnȩ wo̧juȩkuä̧ isotü o'katoi'ünä̧ mo̧ro̧jä̧ ru̧wa̧ weü wo̧jui̧pi̧nä̧tü̧mä̧, ya̧tȩ isode u̧ru̧wa̧ iäre pärätättü, täbo jäwä'i̧nä̧, jareü'i̧nä̧ pojopü ȩmü̧ jä̧'i̧nü̧'a̧nü̧ wa̧.

Hechos 18:25

Jua̧u̧mä̧, Tu̧ru̧wa̧ i̧wȩnȩ wo̧jui̧pi̧nü̧ ji̧na̧'a̧ ja̧'wa̧nü̧ ja̧'a̧ttü̧ ujuruku wo̧juȩku̧nä̧ wo̧juȩti̧nü̧ Tu̧ru̧wa̧ ütü'kümä̧, suro Ju̧a̧ bautizo jȩi̧nü̧tä̧ u̧wo̧jua̧'a̧nä̧.

Romanos 2:20

Jerupätürü'i̧nä̧ wo̧juȩkuä̧ i̧sa̧sä̧ pä'ü kkä̧nü̧, ppo̧'ä̧tü̧rü̧'i̧nä̧ wo̧juȩkuä̧ i̧sa̧sä̧ pä'äkuäujä̧, jua'amä̧ weäwä wȩnȩnä̧, ji̧yȩnä̧tä̧ wo̧juä̧wä̧'i̧nä̧, jueü wȩnȩ'i̧nä̧ kka̧'a̧ päkua'attü̧.

Gálatas 3:8

Mo̧ täbokütä päi'ünä̧, ä'kanä̧ ukuokuina̧'a̧ Wȩyu̧kuä̧ wȩnȩmä̧, judío pokotü tta̧'kua̧ ttu̧wȩnä̧ro̧mȩnä̧ Dio ȩmä̧kuȩ wȩnȩmä̧. Ja̧'wa̧nü̧ jo̧mȩttü̧ Dio-mä̧, pa̧'a̧nü̧ jareü wȩnȩ ji'äwinü̧ Abraha̧-rü̧: «Ukunä̧tä̧ pi̧jä̧ ttü̧ja̧rü̧mä̧ o'katoi'ünä̧rü̧ ppä̧dä̧dä̧kua̧sä̧» jü̧nä̧.

Hebreos 3:7

Ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧ Epíritu Sa̧tu̧ pä'inü̧: «Jitä pi̧yȩ mo̧ro̧ Dio ukuokua'a kuä̧ju̧kuä̧tu̧ku̧ttü̧mä̧,

1 Corintios 12:7

Ja̧'wa̧nü̧ ja̧'a̧nä̧ yotukunä̧rü̧ iyäwi'ina̧'a̧ Epíritu Sa̧tu̧ ujuru i̧jȩkuä̧chü̧nä̧, o'katoi'ünä̧rü̧ rekuä rü̧ji̧yä̧ku̧.

Hechos 20:27

Isopäi'ünä̧ Dio amükuädinü̧mä̧, yedekuoka'a o'kajuiyünä̧ ji'äwinü̧sä̧.

San Juan 10:35

Dio i̧wȩnȩ rȩbȩwi̧nä̧u̧ru̧, ttü̧ä̧nä̧wa̧tü̧jä̧ päinü̧ttü̧mä̧ (wȩyu̧kuä̧ wȩnȩmä̧ jueünä̧ pä'akutä ja̧'a̧).

San Mateo 26:56

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

Hechos 1:16

Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

San Mateo 21:42

Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?

Romanos 4:23

Ȩmi̧nä̧ku̧ pä'ü wȩyu̧kuä̧ päümä̧, suro Abraha̧-rü̧tä̧mä̧ jo̧ka̧'a̧,

Hebreos 11:1

Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.

Romanos 3:2

O'kajuiyünä̧tä̧ pa̧ja̧kuä̧chü̧nä̧. Ä̧kuo̧mȩnä̧mä̧, isopäi'ünä̧ Dio i̧wȩnȩmä̧, judío-rü iyäwi'ina̧'a̧.

Hechos 28:25

Ja̧'wa̧nü̧ yoräteunä̧ ttesetoka'a rättekuächiyäku, rättekuächäkua'a ä'kanä̧ Pauru-mä̧ päinä̧u̧: —Pa̧'a̧nü̧ ji̧yä̧ku̧ Epíritu Sa̧tu̧mä̧, tä̧do̧tü̧ mi̧nä̧rü̧mä̧ profeta Isaía-nä̧ ukuokuinü̧:

San Marcos 12:36

Ja̧'wa̧nü̧ ja̧'a̧nä̧, Chutä Dawi'i̧nä̧ Epíritu Sa̧tu̧ juȩpä̧ra̧'a̧nä̧, pä'inü̧: «Chu̧ru̧wa̧ Dio-mä̧, Chu̧ru̧wa̧ Jesucrito-rü pä'inü̧: Chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ chutomebü päi'ünä̧.»

San Mateo 26:54

Ja̧'wa̧nü̧ ja̧'a̧nä̧, ja̧'wa̧nü̧ jȩchü̧ttü̧mä̧ ¿wȩyu̧kuä̧ wȩnȩnä̧ ja̧'wa̧nü̧ jä̧kua̧'a̧ pä'ijümä̧ toku 'kuäopäkua'ajä̧ttü̧?

San Mateo 22:43

Ttädätäku Jesú-mä̧ päinä̧u̧: —Ja̧'wa̧nü̧ jü̧ttü̧mä̧ ¿Toku pä'ü, Dawi-mä̧, Epíritu jiäwäkumä̧ Chu̧ru̧wa̧ pä'ü päinä̧ku̧jä̧ttü̧? pa̧'a̧nü̧ ukuokuina̧'a̧mä̧: