2 Timoteo 2:1 - Nuevo Testamento Uwotjüja

¹ Ja̧'wa̧ta̧nü̧ chi̧tti̧ ukumä̧, Dio rü̧ä̧nä̧ repeäkujä̧, jua'amä̧ Jesucrito-rü kuesetina̧'a̧ttü̧. Kkorojuei'i̧nä̧ kua̧mi̧ 'kikuächi'äkua'anü̧ kujurutä jä'epirü.

TÄ̧DO Ä̧CUÄ̧ I̧HUȨNȨ

¹ Ucu ttö chi̧tti̧, Cristo Jesús ppädomenä, juruhui.

2 Timoteo 2:1 Referans Kwoze

Efesios 6:10

Ja̧'wa̧ta̧nü̧ chawaruwä chi̧jä̧wa̧tü̧, kujurutukumä̧ Tu̧ru̧wa̧nä̧ ȩmä̧tu̧kui̧, jua̧u̧tä̧ ujuruttü.

2 Timoteo 1:7

Ja̧'wa̧ta̧nü̧ Dio-mä̧ epíritu yȩ'ȩkua̧rü̧mä̧ i̧yo̧ko̧u̧ pinä̧tü̧jä̧, ja̧'wa̧nü̧ ja̧jü̧ jueimä̧ ju̧ru̧wa̧rü̧tä̧, eseäkuäwä kku̧nä̧rü̧rü̧tä̧ ja̧'wa̧ta̧nü̧ a̧mü̧nä̧ pa̧ja̧tü̧ we'äurutä iyinä̧u̧jä̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

1 Timoteo 1:18

Chi̧tti̧, Timoteo, pi̧yȩ wedäkujä̧ kurä adiwäjuei kurowäwa pä'ü kua̧'kua̧ wȩnä̧rü̧ kkä̧nü̧, adiwomȩnä̧ amükuädü, 'kuäopä̧kuȩ wȩnȩ uku kutü'kü jittäwinü̧'a̧kuä̧.

1 Timoteo 1:2

Isopäi'ünä̧ tta̧'kua̧ wȩnä̧rä̧kuä̧wä̧ i̧tti̧ Timoteo-rü te'äu. Tä'o Dio-tä ja̧'wa̧ta̧nü̧ Tu̧ru̧wa̧ Jesucrito-tä, mippoünä̧ iyäwämä̧, re kkä̧kuä̧wä̧mä̧, wȩnȩ juiyünä̧ kkä̧kuä̧wä̧nä̧ iyätukuakujä̧.

2 Timoteo 1:2

Chi̧tti̧ chu̧'ä̧kua̧ rȩni̧'a̧ Timoteo-rü te'äusä. Chä'o Dio, Tu̧ru̧wa̧ Jesucrito-tä eseäkuäwä'i̧nä̧ re kkä̧kuä̧wä̧'i̧nä̧, unichä̧rü̧ kkä̧kuä̧wä̧'i̧nä̧ iyäkujä̧.

2 Timoteo 1:1

Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.