2 Timoteo 1:9 - Nuevo Testamento Uwotjüja

⁹ Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

TÄ̧DO Ä̧CUÄ̧ I̧HUȨNȨ

⁹ Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

2 Timoteo 1:9 Referans Kwoze

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

Romanos 9:11

(Jua'amä̧ ji̧nä̧ uwäpächü juiyäi ji̧na̧'a̧, ji̧nä̧ adiu'i̧nä̧, surojü'i̧nä̧ jȩü̧ juiyäi, jua'amä̧ Dio amükuädü ȩmi̧nü̧'a̧kuä̧ ja̧ pä'ü ji̧na̧'a̧, jȩpü̧ ttü̧jü̧ttü̧mä̧ jo̧ka̧'a̧ Dio amükuädü woü'akuä ja̧ pä'ü ja̧'a̧).

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

San Juan 17:9

Juätü jäwätä jä'epüsä; pi̧jä̧ ttü̧ja̧ jäwämä̧ jä'epoküsä; ttürü kui̧yi̧nä̧u̧ jäwätä jä'epüsä, ukú kuȩmi̧nä̧u̧ ja̧'a̧ttü̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

1 Tesalonicenses 4:7

Isopäi'ünä̧ Dio-mä̧ surojü jȩpü̧ tü̧ja̧kua̧ pä'ümä̧ wooko̧u̧ pinä̧tü̧jä̧, surojü kätädächa pä'ü woinä̧u̧jä̧.

1 Corintios 1:18

Isopäi'ünä̧, Crito ü̧jo̧kä̧ jäinä̧ 'korujuoächinü̧mä̧, suräjuä wȩnȩ ja̧'a̧ to'e'ächätürümä̧; ja̧'wa̧nü̧ ja̧'a̧nä̧, ra̧wä̧pi̧jü̧ttü̧ kka̧kui̧pä̧tü̧, ujuturumä̧ Dio ujurutä ja̧'a̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Efesios 3:11

Pi̧yȩtä̧ ja̧'a̧, ä̧kuo̧mȩnä̧ttü̧tä̧ päi'ünä̧ Dio amükuädü u̧ju̧ni̧nü̧mä̧, ja̧'wa̧ta̧nü̧ jua̧u̧mä̧ Tu̧ru̧wa̧ Jesucrito-nä̧tä̧ iso juo'epinü̧.

Romanos 3:20

Ja̧'wa̧nü̧ ja̧'a̧ttü̧ Dio ä'kattümä̧, ya̧tȩ'i̧nä̧ weäwä wȩnȩ ukuotü jȩa̧'a̧tä̧mä̧, adiwä jueikumä̧ juo'ächokü jä̧kua̧; jua̧u̧, weäwä wȩnȩmä̧ surojü jȩtü̧tä̧ ttu̧wo̧jui̧pü̧nä̧ ji̧na̧'a̧ttü̧.

1 Timoteo 1:1

Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Romanos 9:24

Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

Romanos 11:14

Ja̧'wa̧nü̧ ja̧'a̧nä̧ jua'amä̧ chawaruwä ttä'kuoyäwächi'a pä'ü pä'üsä, ja̧'wa̧nü̧ jo̧mȩnä̧ Dio-mä̧ juätürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppädäkua'anü̧.

Romanos 11:29

Isopäi'ünä̧ Dio rettü ppädinü̧'i̧nä̧ ja̧'wa̧ta̧nü̧ woinü̧'i̧nä̧ yorisotä siäwokü.

Filipenses 3:14

Chi̧rȩbȩwa̧ pä'ü jȩpü̧ kku̧nä̧wo̧mȩ chi̧rȩbȩwa̧ pä'ü ususä, mo̧ro̧jä̧ jäwä Dio woinü̧nä̧ Chu̧ru̧wa̧ Jesucrito-nä̧ chȩma̧ pä'ü.

2 Timoteo 1:1

Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,