2 Timoteo 1:5 - Nuevo Testamento Uwotjüja

⁵ Ä̧kuo̧mȩnä̧mä̧ kuä̧da̧ Roida'i̧nä̧ kua̧ju̧ Eunice'i̧nä̧ Dio-rü tta̧'kua̧ wȩnä̧ri̧nä̧tü̧; ja̧'wa̧nü̧ ja̧'a̧ttü̧ ukuru chamükuädomȩnä̧mä̧, juätü ji̧nü̧ta'anü̧ uku'i̧nä̧ kua̧'kua̧ ku̧wȩnä̧rü̧mä̧ isopäi'ünä̧tä̧ kku̧nä̧rü̧jä̧ pädünä̧ jä̧ku̧sä̧.

TÄ̧DO Ä̧CUÄ̧ I̧HUȨNȨ

⁵ Ttö 'cuäopönä amöcuädösä Diosrö adiu cueseta'a. Ucu cuä̧da̧ Loida pä'ö micuaju'inä, ucu cua̧ju̧ Eunice'inä ucu cuesetäcua'a ä'canä esetinätödo. Ttö huo̧jua̧sä̧, iso päi'önä ucu'inä esetöjä.

2 Timoteo 1:5 Referans Kwoze

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

Hechos 16:1

Ja̧'wa̧nü̧ ja̧'a̧ Pauru-mä̧ Derbe-ra̧'a̧'i̧nä̧, Ritra-ra̧'a̧'i̧nä̧ i̧rȩbȩwi̧'o̧mȩnä̧ ya̧tȩ Jesú-ru esetürü, Timoteo pä'ü mi̧kua̧rü̧ po̧kui̧pi̧nü̧, ja̧ju̧ttu̧mä̧ Judío i̧sa̧ ja̧'a̧nä̧, jä'ottümä̧ Grecia ttü̧ja̧sa̧rü̧.

1 Timoteo 4:6

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

2 Timoteo 3:15

Amükuädi kua̧'u̧kuä̧'i̧ttü̧ kkä̧mä̧dü̧ wȩyu̧kuä̧ wȩnȩmä̧ wo̧jui̧pi̧nü̧jä̧, ukuru u̧wo̧juȩtü̧'a̧nü̧ jü̧mä̧ ja̧'wa̧ta̧nü̧ Jesucrito-nä̧ kua̧'kua̧ ku̧wȩnä̧ro̧mȩnä̧ surojüttü kki̧'i̧kuä̧ra̧'a̧ ukuru ȩpa̧'a̧nü̧ jü̧mä̧.

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

Hebreos 6:9

Ja̧'wa̧nü̧ ukuturumä̧ tukuokua'anä̧ chawaruwä chü̧jä̧wa̧tü̧; ukutumä̧ Dio-rü esetätü pä'ü wo̧juä̧tü̧jä̧, surojüttü kki̧'ä̧kuä̧wä̧ ttȩmä̧kuo̧tü̧ pä'ü wo̧juä̧tü̧jä̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

2 Corintios 6:6

ja̧'wa̧ta̧nü̧ surojü juiyünä̧ tü̧jo̧mȩnä̧'i̧nä̧, tu̧wo̧juo̧mȩnä̧'i̧nä̧, ta̧mi̧'kitächi'omȩnä̧'i̧nä̧, re tü̧jo̧mȩnä̧'i̧nä̧, Epíritu Sa̧tu̧nä̧ tü̧jo̧mȩnä̧'i̧nä̧, jueünä̧ eseu repetomȩnä̧'i̧nä̧;

Romanos 8:38

Ja̧'wa̧nü̧ ja̧'a̧ttü̧ wo̧jua̧sä̧, Dio repeüttümä̧, wa'are'i̧nä̧, a̧'kua̧rä̧kuä̧wä̧'i̧nä̧, á̧gȩrȩ'i̧nä̧, pi̧jä̧ttü̧ ttukuo'i̧nä̧, ukuo jäwä'i̧nä̧, jitä kka̧ku̧'i̧nä̧ ja̧'wa̧ta̧nü̧ rȩbȩä̧kuä̧wä̧kuȩ'i̧nä̧,

Romanos 4:21

Jo̧mȩnü̧tä̧ Abraha̧-mä̧ wo̧jui̧nü̧, Dio iya päinü̧mä̧ o'kajuiyünä̧ ujuru u̧ju̧nä̧ra̧'a̧ttü̧ i̧yä̧kua̧sä̧ pä'ü.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

Romanos 14:14

Ja̧'wa̧ta̧nü̧ wo̧jua̧sä̧ Chu̧ru̧wa̧ Jesucrito-nä̧tä̧ tu̧kuȩ ji̧yȩnä̧tä̧mä̧ surojümä̧ juiya'a pä'ü. Ja̧'wa̧nü̧ ja̧'a̧nä̧, ya̧tȩ pi̧yȩmä̧ surojü pä'ü amükuädüttümä̧, iweye churutämä̧ surojü ja̧'a̧.

Romanos 14:5

Kkorotümä̧ mo̧ro̧'i̧nä̧ ukuo kka̧'a̧ pä'ü amükuädätü; ja̧'wa̧nü̧ ja̧'a̧nä̧ kkorotümä̧ mo̧ro̧mä̧ o'kajuiyünä̧tä̧ yoräteu pä'ü amükuädätü; ¡Ja̧'wa̧nü̧ ja̧'a̧nä̧ adiwomȩnä̧ ku̧wo̧juä̧tu̧ku̧'a̧kuä̧ jȩpä̧tu̧kui̧!

Hechos 26:26

Pi̧yȩ chukuokumä̧ wo̧jua̧ ru̧wa̧ rey Agripa-mä̧ ja̧'wa̧nü̧ ja̧'a̧ttü̧ wäjuönä̧ ukuokusä; pi̧yȩ tü'kü yä̧u̧nä̧ jü̧mä̧ juiya'a, o'kajuiyünä̧ u̧wo̧juö̧tä̧ ja̧'a̧.

San Juan 1:47

Ja̧'wa̧nü̧ ja̧'a̧, Jesú-mä̧, Natanael-rü tü'künä̧nü̧ ichi'a'a topü pä'inü̧: —Isopäi'ünä̧ Irae ttü̧ja̧sa̧ ichü, jua̧u̧nä̧ yapareäkuäwä jui̧'a̧ ja̧'a̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.