2 Timoteo 1:3 - Nuevo Testamento Uwotjüja

³ Mo̧ro̧'i̧nä̧, yodo'i̧nä̧ Dio-rü chukuokuomȩnä̧ ukuru amükuädü, Dio-rümä̧ eseusä, chä̧do̧tü̧ mi̧nä̧'i̧nä̧ aditäwänä̧ ppättädinä̧ku̧ru̧ ttü'i̧nä̧ aditäwänä̧ suronä̧ chamükuädoka'a ppä̧dä̧dä̧rä̧ku̧ru̧mä̧.

TÄ̧DO Ä̧CUÄ̧ I̧HUȨNȨ

³ Mo̧ro̧'i̧nä̧, yodo'inä Diosrö chucuocuomenä, ucuru eseunu amöcuädösä. Chä̧do̧tö̧ mi̧nä̧ ttesetinäcuru, ttö'inä adiu amöcuädö esetösä.

2 Timoteo 1:3 Referans Kwoze

Hebreos 13:8

Jesucrito-mä̧ pärowächokü: ni̧po̧'i̧nä̧, jitä mo̧ro̧'i̧nä̧, yodoji'i̧nä̧ 'kuäopünä̧tä̧ wa̧.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

Hechos 24:14

Ja̧'wa̧nü̧ ja̧'a̧nä̧ isopäi'ünä̧ pä'üsä, surojü esetü pätta'amä̧, tü̧tä̧mü̧ mi̧nä̧ ji̧nü̧ta'anü̧ Chä'o Dio-rümä̧ esetüsä, weäwä wȩnȩ päü'a̧kuä̧ ja̧'wa̧ta̧nü̧ profetas tti̧wȩyu̧ti̧nü̧ o'kajuiyünä̧ päü'a̧kuä̧, jü̧nä̧.

1 Timoteo 1:19

Yotukunä̧mä̧ tta̧mü̧kuädü pä̧wä̧rü̧ja̧'a̧ku̧ jȩpü̧ tta̧'kua̧ wȩnä̧rä̧kuä̧wä̧mä̧ to'e'ächinä̧tü̧.

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

Hechos 22:3

Ttümä̧ isopäi'ünä̧ judío i̧sa̧sä̧, Ciricia rȩjȩnä̧ttü̧, Taso ütawiyättü uwäpächinü̧sä̧ ja̧'wa̧nü̧ ja̧'a̧nä̧ pi̧yȩtä̧ ütawiyättü büó juo'inü̧sä̧, Gamalie u̧wo̧juȩti̧nä̧ku̧sä̧, tü̧tä̧mü̧ mi̧nä̧ ttü̧ji̧nü̧nä̧ kkä̧kuä̧wä̧ i̧sa̧sä̧, tü̧ä̧nä̧wa̧ Dio-rü esetü Ä'kuoyäunü̧ kkü̧sä̧, jitä pi̧yȩ pä̧nä̧ ukutu o'katoi'ünä̧ ku̧jä̧tu̧ku̧ta'anü̧.

2 Timoteo 3:15

Amükuädi kua̧'u̧kuä̧'i̧ttü̧ kkä̧mä̧dü̧ wȩyu̧kuä̧ wȩnȩmä̧ wo̧jui̧pi̧nü̧jä̧, ukuru u̧wo̧juȩtü̧'a̧nü̧ jü̧mä̧ ja̧'wa̧ta̧nü̧ Jesucrito-nä̧ kua̧'kua̧ ku̧wȩnä̧ro̧mȩnä̧ surojüttü kki̧'i̧kuä̧ra̧'a̧ ukuru ȩpa̧'a̧nü̧ jü̧mä̧.

2 Timoteo 1:5

Ä̧kuo̧mȩnä̧mä̧ kuä̧da̧ Roida'i̧nä̧ kua̧ju̧ Eunice'i̧nä̧ Dio-rü tta̧'kua̧ wȩnä̧ri̧nä̧tü̧; ja̧'wa̧nü̧ ja̧'a̧ttü̧ ukuru chamükuädomȩnä̧mä̧, juätü ji̧nü̧ta'anü̧ uku'i̧nä̧ kua̧'kua̧ ku̧wȩnä̧rü̧mä̧ isopäi'ünä̧tä̧ kku̧nä̧rü̧jä̧ pädünä̧ jä̧ku̧sä̧.

1 Tesalonicenses 3:10

Mo̧ro̧ ji̧nü̧'a̧kuä̧, yodoji̧nü̧a̧'a̧kuä̧ jä'epätüjä̧ Dio-rümä̧, ukuturu tota pä'ümä̧, jua'a yaboku Jua̧u̧ru̧ jo̧mȩnü̧ kua̧'kua̧ ku̧wȩnä̧rä̧tu̧ku̧nä̧ tu̧wo̧juȩti̧'ä̧tu̧kua̧ku̧ pä'ü.

Efesios 1:16

kädädi'oka'a, Dio-rütä eseusä ukuturu amükuädü, Dio-rü chokuokuomȩnä̧mä̧.

Gálatas 1:14

Ja̧'wa̧ta̧nü̧ wo̧juä̧tü̧jä̧, chi̧rȩjä̧ttü̧ judío jäwänä̧ kkä̧nü̧, chawaruwä ttü ta̧'a̧nü̧ wotü ttu̧wä̧mȩnä̧ chinü̧mä̧, chä̧do̧tü̧ mi̧nä̧ jäwä ä'kuoyäunü̧ jȩcho̧mȩnä̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

Romanos 9:1

Chuyaparewoka'a, Crito-nä̧ isopäi'ünä̧ pä'üsä. Ja̧'wa̧ta̧nü̧ Chamükuädümä̧ Epíritu Sa̧tu̧ juȩpä̧ra̧'a̧ttü̧ pä'üsä:

Hechos 27:23

Mo̧ro̧ji̧ yodomä̧, Dio i̧sa̧ á̧gȩ i̧wä̧chä̧ji̧. Jua̧u̧ Dio-rü esetü ukuotü cha'attü ttümä̧,

Hechos 26:4

Ttü mü̧ä̧ya̧ttü̧ päi'ünä̧ chidepiyu Jerusarȩ́-ttü̧ chü̧ji̧nü̧mä̧, o'kajuiyünä̧ wo̧juä̧tü̧ judío-mä̧;

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

1 Timoteo 5:5

Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.