2 Timoteo 1:12 - Nuevo Testamento Uwotjüja

¹² Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Timoteo 1:12 Referans Kwoze

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

1 Pedro 4:19

Ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧ usurä ȩmä̧wä̧tü̧mä̧, yabonü̧tä̧ adiu jȩtta̧ pä'ü ja̧'a̧, tta̧'kua̧rü̧mä̧ uwäbe'inü̧ Dio u̧mü̧nä̧tä̧ iyü kku̧nu̧, jua̧u̧mä̧ adiwomȩnä̧tä̧ jȩä̧kua̧'a̧nü̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

San Mateo 24:36

Ja̧'wa̧nü̧ ja̧'a̧nä̧, ji̧nä̧so chi̧chä̧kuȩ mo̧ro̧mä̧, hora-mä̧, mo̧ro̧jä̧ á̧gȩrȩ'i̧nä̧, chutä I̧tti̧'i̧nä̧ yorisotä ya̧tȩ'i̧nä̧ jerupätüjä̧, suro jä'o ya̧tȩtä̧ ja̧'a̧ jua̧u̧ wo̧jua̧mä̧.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

2 Timoteo 1:18

Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

Filipenses 3:21

Jua̧u̧tä̧tä̧ jä̧kua̧'a̧ tidepä wa'are jäwä jä̧'i̧jü̧mä̧, Chutä ü̧jü̧ beipokü jäwänä̧ pärotü i̧kuä̧kua̧mä̧. Chutä ujurunä̧ pi̧jä̧ o'kajuiyünä̧ wea pä'ü iyäwi'inä̧ku̧ ja̧'a̧ttü̧.

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

Filipenses 3:10

Ja̧'wa̧ta̧nü̧ Jua̧u̧ru̧ chu̧wo̧jua̧ pä'ü'i̧nä̧, wa'arettü ttoächäkuäwä ujuru chu̧wo̧jua̧ pä'ü'i̧nä̧, Ja̧'wa̧ta̧nü̧ Ubara ttuinü̧ta̧'a̧nü̧ ubara ttuda pä'ü'i̧nä̧ pä'üsä; Ja̧'wa̧ta̧nü̧ Chutä 'korupäi'inü̧ta̧'a̧nü̧'i̧nä̧ 'korujuodächa pä'üsä,

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

1 Corintios 3:13

Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

San Juan 17:15

Pi̧jä̧ttü̧ ȩmü̧ kuikuatü pä'ümä̧, jä'epoküsä, surojüttü tta̧kuä̧ri̧ya̧ttü̧ pä'ü jä'epüsä.

San Mateo 12:21

O'katoi'ünä̧ pi̧jä̧ ttü̧ja̧mä̧ Jua̧u̧ru̧tä̧ tta̧'kua̧ ttu̧wȩnä̧rä̧kuo̧tü̧.

Romanos 9:33

Ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧ pä'a: Jerusarȩ́-nä̧ ido'ki kku̧nu̧sä̧ Juo'kinä̧ ppe'okuächü, rekuätü ma̧ttä̧chä̧'chä̧kuo̧tü̧. Ja̧'wa̧nü̧ ja̧'a̧nä̧ Dio-mä̧ churutä tta̧'kua̧ wȩnä̧rä̧tü̧rü̧mä̧, jaropi'okü jä̧kua̧.

1 Pedro 4:16

Crito-rü esetinomȩttü̧ usurä ȩmä̧u̧mä̧, udäpeku juiyü'anü̧ ja̧'a̧, ttudäpekuajueimä̧ Dio i̧mi̧ ȩpü̧tä̧ eseu.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 2:18

Ja̧'wa̧nü̧ Chutä'i̧nä̧ kka̧kuä̧mü̧ toäkuäwänä̧ usurä ȩmä̧wi̧nü̧ ja̧'a̧ttü̧; ujuru kku̧nä̧rü̧ ma̧ttä̧cha̧ pä'ü kka̧kuä̧mü̧ to̧ä̧ü̧ru̧ ppäda pä'ümä̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.

Filipenses 1:20

Ja̧'wa̧ta̧nü̧ rü̧ȩnä̧ tta̧'ä̧rü̧sä̧, Dio-mä̧ suronä̧ chü̧ji̧pü̧nä̧mä̧ ja̧'a̧tä̧ tookä̧kua̧sä̧ pä'ü; pärokua'akutä jua̧u̧ ja̧jü̧ jueimä̧ Crito-mä̧ ji̧yȩnä̧tä̧ uruwo i̧jȩpä̧kua̧ chidepänä̧mä̧, cha̧'kua̧ra̧ja̧ pä'ü'i̧nä̧, 'korujuodächaja pä'ü'i̧nä̧, jü̧nä̧.

Hechos 21:13

Pauru-mä̧ adätinä̧u̧jä̧: —¿Tta̧'a̧nü̧ pä'ü ajuäkuäwätüjä̧ttü̧, ttü'i̧nä̧ cha̧'kua̧ tta̧dȩku̧nä̧? Ttümä̧ Jerusarȩ́-ra̧'a̧ttü̧mä̧, suro ttü̧nü̧'kattütämä̧ pä'oküsä, Tu̧ru̧wa̧ Jesú i̧mi̧nä̧mä̧ wa'ü'i̧nä̧ chikua pä'üsä.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Hechos 7:59

Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»

San Juan 6:44

Ya̧tȩ'i̧nä̧ ttukumä̧ ichokü, Chä'o Dio ttüku weokoku jü̧ttü̧mä̧; ja̧'wa̧nü̧ wa̧mä̧, rüjí mo̧ro̧ päi'omȩnä̧mä̧ wa'arettü tto̧dä̧dä̧kua̧.

San Lucas 23:46

Ja̧'wa̧nü̧ päi'omȩnä̧ Jesú-mä̧ pä̧i̧ku̧nä̧ wopi'inü̧: —¡Chä'o, ku̧mü̧nä̧ iyüsä, cha̧'kua̧ru̧wa̧rü̧! pi̧yȩ pä'ü kä'ädü, Jesú-mä̧ 'koru päi'inü̧.

1 Tesalonicenses 5:4

Ja̧'wa̧nü̧ ja̧'a̧nä̧ chawaruwä chi̧jä̧wa̧tü̧ ukutumä̧, yo̧ü̧nä̧mä̧ kka̧kuo̧ko̧tü̧jä̧, ja̧'wa̧nü̧ jü̧ttü̧tä̧ yodó nä̧u̧kuä̧rä̧kuä̧wä̧ i̧sa̧ jä'i̧nü̧'a̧nü̧ ku̧ni̧chä̧rä̧tu̧kua̧'a̧nä̧ i̧cha̧ja̧u̧jä̧.

San Lucas 10:12

Ja̧'wa̧nü̧ ja̧'a̧ttü̧ pädäu̧jä̧, ji̧yȩnü̧ mo̧ro̧, suronä̧ jȩtti̧na̧'a̧ ro̧ȩkuä̧ mo̧ro̧ päi'omȩnä̧mä̧, jua̧u̧ ütawiyä ttü̧ja̧rü̧mä̧ Sodoma ütawiyä ttü̧ja̧rü̧ ro̧ȩpi̧no̧mȩttü̧'i̧nä̧ abonä̧nü̧ ro̧ȩkuä̧kua̧'a̧.

San Mateo 7:22

Ji̧yȩnü̧ mo̧ro̧ rekuätü ttürü pättäkuotü: Chu̧ru̧wa̧, chu̧ru̧wa̧ kui̧mi̧nä̧ profeta 'kua̧rü̧nä̧ ji'äwinä̧tü̧jä̧ kui̧wȩnȩmä̧ ja̧'wa̧ta̧nü̧ kui̧mi̧nä̧mä̧ epíritu-tu̧ suropätürü'i̧nä̧ rä'epü iku kkä̧nü̧ jȩtto̧kü̧ juei'i̧nä̧ rü̧ȩnä̧ jȩpi̧nä̧tü̧jä̧.

1 Corintios 1:8

Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

2 Timoteo 1:14

Epíritu Sa̧tu̧ ujutunä̧ kkü̧ ppä̧dä̧ra̧'a̧nä̧ adiwomȩnä̧ wo̧juȩkuä̧ ukuru weäwi'inü̧mä̧ tta̧'a̧ri̧.

2 Timoteo 1:16

Tü̧ä̧nä̧wa̧tä̧ Onesíforo awaruwärümä̧ rȩrü̧jü̧ to̧ä̧kua̧, jua'amä̧ kko̧ro̧nü̧ jü̧ta̧'a̧nü̧ cha̧'kua̧ chȩmu̧nä̧ ppä'ädinü̧ kärenä̧ chü̧'a̧'a̧'i̧nä̧ dä'ättuwoka'a ji̧no̧mȩttü̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.