2 Timoteo 1:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ jitämä̧ tu̧ru̧wa̧ surojüttü ttü̧ji̧pü̧nä̧ ppädäkuäwä i̧sa̧ Jesucrito i̧jȩkuä̧cho̧mȩnä̧ repeümä̧ i̧jȩkuä̧chi̧na̧'a̧. Isopäi'ünä̧ jua̧u̧tä̧ ja̧'a̧ wa'arerü si'epü ikuinü̧'i̧nä̧, ja̧'wa̧nü̧ jȩpü̧ jareü wȩnȩnä̧mä̧ kkä̧kuä̧wä̧ i'kotä iyinä̧u̧jä̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧nä̧ Tu̧ru̧hua̧ Jesucristo ichomenä, Dios ucuturu repeömä i̧jȩpi̧nö̧. Chutä Jesucristo hua'are ujuru be'epö icuinö. Ttö̧ja̧ suronä jȩttö̧ jȩpö̧ icu huȩnȩ i'cächö, kä̧cuä̧huä̧ i'co beipocömä i̧jȩpi̧nö̧.

2 Timoteo 1:10 Referans Kwoze

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.

Romanos 16:26

Ja̧'wa̧nü̧ ji̧na̧'a̧nä̧, jitämä̧ i̧jȩkuä̧chi̧na̧'a̧ profeta winä̧tü̧ tti̧wȩyu̧ti̧nü̧nä̧'i̧nä̧, Dio 'kuäopünä̧tä̧ kkü̧ weinüta'anü̧, i̧jȩkuä̧chi̧nü̧ pi̧jä̧ ttü̧ja̧ o'katoi'ünä̧rü̧, tta̧'kua̧ wȩnä̧rä̧kuä̧wä̧ ttukuota pä'ü.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Tito 2:11

Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.

1 Corintios 15:26

Jua̧u̧nü̧ o'ka'a a̧bo̧i̧ya̧ o'komȩnä̧ si'epü i̧kuä̧kua̧mä̧ wa'are jä̧kua̧'a̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

2 Timoteo 1:1

Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.

Apocalipsis 18:1

Jua̧u̧ 'kuäopäji o'ka'a, kka̧ra̧ á̧gȩ mo̧ro̧jä̧ra̧'a̧ttü̧ i̧mȩyȩwi̧'a̧'a̧ topinü̧sä̧; jua̧u̧mä̧ rü̧ȩnä̧ ukuo kku̧nä̧ri̧nü̧, i̧tȩya̧u̧ttü̧ pi̧jä̧nä̧mä̧ tȩya̧wi̧na̧'a̧.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

2 Pedro 3:2

Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.

2 Pedro 1:3

Dio-mä̧, ujurunä̧ o'kajuiyünä̧ ta̧'kua̧rü̧nä̧ rekuä rü̧jü̧'i̧nä̧, rȩrü̧jü̧ toäkuäwä'i̧nä̧ iyinä̧u̧jä̧, chutä ü̧rü̧ä̧nä̧ adiwäjuei aditäwänä̧ ujuturu wopinü̧rü̧ tu̧wo̧jua̧ pä'ümä̧.

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.

Tito 3:4

Ja̧'wa̧nü̧ ja̧'a̧nä̧ tü̧ä̧nä̧wa̧ Dio surojüttü tü̧ji̧pü̧nä̧ ppädäkuäwä i̧sa̧mä̧, ttü̧ja̧rü̧ rȩrü̧jü̧nü̧ toäkuäwä'i̧nä̧, eseäkuäwä'i̧nä̧ i̧jȩpi̧nü̧,

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;

Efesios 1:18

Ja̧'wa̧ta̧nü̧ jädepomȩnä̧mä̧, kua̧mi̧so'kituku'i̧nä̧ bawekuächünä̧ i̧tȩya̧u̧ kkä̧dȩpa̧ pä'ü jä'epüsä, tta̧tä̧rä̧'i̧jü̧mä̧ ji̧yȩja̧ ja̧'a̧ tä̧jí̧ pä'ü kkä̧nü̧ churutä esetätürü iäre i̧yä̧kuȩ ukuou'i̧nä̧ ku̧wo̧juä̧tu̧kua̧ pä'ü.

Gálatas 5:4

Jitü, Dio ȩma̧tü̧ pä'ü weäwä wȩnȩ jȩpä̧tü̧mä̧, Crito rȩrü̧jü̧ topü ppädinü̧ kkü'kü jui'ü, jua̧u̧ttü̧mä̧ rä'ekuächätü.

2 Corintios 5:4

Ja̧'wa̧nü̧ jo̧mȩttü̧, pode tabenákuro isodenä̧ kka̧kuä̧tü̧mä̧ ajuäkuäwätüjä̧, tü̧'ka̧tä̧wä̧ta̧ jui'ätü tü̧ja̧kui̧'a̧jü̧ jueimä̧, pärokuä tü̧'ka̧tä̧wi̧'a̧ pä'ü; wa'arerü kkä̧kuä̧wä̧ kkȩdü̧ ikuomȩbü päi'ünä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

Romanos 3:31

Ja̧'wa̧nü̧ pätomȩnä̧mä̧ ¿weäwä wȩnȩmä̧ mikuäwokü pä'ü päta'a tä̧jí̧? ja̧'wa̧nü̧mä̧kü̧, yabokutä weäwä wȩnȩ kkiokuächunä̧ pä'ätüjä̧, Crito-rü ta̧'kua̧ tu̧wȩnä̧ro̧mȩnä̧mä̧.

Hechos 13:23

Täkü, jua̧u̧ Dawi i̧tti̧mü̧ päjuriyättütä, Dio-mä̧ ukuokuinü̧ta'anü̧ rä'epinü̧ Jesú-ru, Irae ttü̧ja̧rü̧ surojüttü rä'epü i̧kuä̧kua̧rü̧mä̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 5:40

Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.

San Juan 4:42

Ja̧'wa̧nü̧ esetü juäjuru pä'inä̧tü̧: —Jitämä̧, suro ukú jikuäwäja'atämä̧ esetokotüjä̧, jua'a yabo ujututä ta̧mü̧nä̧ ä̧ju̧kuä̧jä̧'kotü esetätüjä̧, isopäi'ünä̧ Jua̧u̧tä̧ ja̧'a̧ pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä̧dä̧kua̧mä̧ pä'ü.

San Juan 1:9

Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.

San Lucas 13:7

Ja̧'wa̧nü̧ ji̧yä̧ku̧ uwa pätta tta̧wä̧rä̧kuä̧wä̧ i̧sa̧rü̧ pä'inü̧: Topittü̧, wäbodäkuä año jo̧mȩnä̧, pi higuera dau u̧wä̧ju̧ wa̧ja̧ pä'ü topü ichä'ijüsä ja̧'wa̧nü̧ ja̧'a̧nä̧ yorisotä wȩjo̧koi jä̧'i̧jäi. Ja̧'wa̧nü̧ ja̧'a̧ttü̧ kku̧'u̧ ikuäikui; ¿tta̧'a̧nü̧ pä'ü, ji̧ya̧'a̧kuä̧ra̧'a̧ rȩjȩ toe'ächünä̧ ku̧ju̧nä̧rä̧ttü̧?

San Lucas 11:36

Ja̧'wa̧nü̧ ja̧'a̧ttü̧ jä̧ttä̧pä̧ya̧nä̧ yo̧mȩ juiyünä̧, tȩya̧u̧tä̧ kkü̧ttü̧mä̧, o'kajuiyütä tȩya̧u̧ jä̧kua̧jä̧, tejäwore ukuru kkȩdȩpa̧'a̧ jä̧'i̧jü̧'a̧nü̧.

San Lucas 2:11

Jitä mo̧ro̧mä̧ Dawi idepiyuttü üwäpächäjiyä̧u̧jä̧, ya̧tȩ ppädäkuäwä i̧sa̧, jua̧u̧mä̧ Tu̧ru̧wa̧ Crito ja̧'a̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Apocalipsis 20:14

Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

2 Timoteo 4:1

Jesucrito Ru̧wa̧ Rey jü̧nä̧ ichomȩnä̧mä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'äkua̧. Ja̧'wa̧nü̧ jo̧mȩttü̧ Dio'i̧nä̧, Jesucrito'i̧nä̧ ttä'ka jo̧mȩttü̧ iyü kku̧nu̧ wedäkujä̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.