2 Pedro 2:12 - Nuevo Testamento Uwotjüja

¹² Pitü ttü̧ja̧mä̧ de'iyü isotü jä̧'i̧nü̧'a̧nü̧ wotü: tta̧mü̧kuädü'i̧nä̧ jui'ätü, ja̧'wa̧ta̧nü̧ uwäpächätü 'chu'ädü kuä'ü ttikuatü pä'ütä. Ttu̧wo̧jui̧pü̧ juiyünä̧ jä̧u̧ suronä̧ ukuokuätü; ja̧'wa̧nü̧ ja̧'a̧nä̧ de'iyü isotü 'korujuottächa'a jä̧'i̧nü̧ta̧'a̧nü̧ 'korujuottächäkuotü,

TÄ̧DO Ä̧CUÄ̧ I̧HUȨNȨ

¹² Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.

2 Pedro 2:12 Referans Kwoze

Judas 1:10

Ja̧'wa̧nü̧ ja̧'a̧nä̧, juätü ttü̧ja̧mä̧ ttieruwü'i̧nä̧ ja̧'a̧tä̧ suronä̧ ukuokuätü; ja̧'a̧tä̧ de'a isotü 'kua̧rü̧nä̧, wo̧juö̧mä̧ ttu̧wo̧jua̧'a̧nä̧, wo̧juo̧ko̧tü̧, tta̧mü̧nä̧ ttä̧tȩkuä̧tä̧ suronä̧ jȩpä̧kuä̧wä̧tü̧.

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.

Gálatas 6:8

Idepänä̧ jäwänä̧ kku̧nu̧mä̧, idepättümä̧ surojütä ȩmä̧kua̧, Epíritu jäwänä̧ kku̧nu̧mä̧, Epíritu-ttü kkä̧kuä̧wä̧ i'ko ȩmä̧kua̧.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

San Juan 8:21

Jesú-mä̧ pä'äjita'anü̧ päinä̧u̧: —Ttümä̧ i̧u̧sä̧, chi̧u̧ o'ka'a kusätukuä̧kua̧sä̧, kusätukua'anä̧, surojünä̧tä̧ wa'ü kuikuäkuotüjä̧. Ttü chi̧'cha̧'a̧mä̧, kuichätuku juiyünä̧ ja̧'a̧.

San Marcos 7:22

o'kajuiyünä̧ ttu̧ju̧nä̧ra̧ pä'ü kkü'käwämä̧, yapareäkuäwämä̧, tta̧mü̧nä̧ ukuo teäkuäwämä̧ ja̧'wa̧ta̧nü̧ wo̧juȩku̧nä̧ amükuädäkuäwokümä̧.

Colosenses 2:22

Ja̧'wa̧nü̧ jȩtta̧ pä'ü weäwämä̧ o'kajuiyünä̧ pi̧jä̧ ttü̧ja̧ jäwätä ja̧'a̧. Jua̧u̧mä̧ yoyoja̧'a̧ beipächü jäwä ja̧'a̧.