2 Pedro 2:10 - Nuevo Testamento Uwotjüja

¹⁰ Tu̧ru̧wa̧mä̧ ro̧ȩpä̧kua̧ ji̧nä̧somä̧ surojünä̧ kkü'kekunä̧ 'chä̧tü̧rü̧, ja̧'wa̧ta̧nü̧ ukuo kkü'kokotürü. Tta̧mi̧ po'ekuätürü'i̧nä̧, tukuo te'äkuäwätürü'i̧nä̧, ja̧'wa̧ta̧nü̧ ukuo ruwotürü suronä̧ pätta'anä̧ ye'ekuokorü'i̧nä̧;

TÄ̧DO Ä̧CUÄ̧ I̧HUȨNȨ

¹⁰ Ttu̧ru̧hua̧rö̧ jarode'ö jitötä ttamönä suronä ttamöcuädäu jȩpä̧tö̧rö̧, ji̧nä̧ isocu ö̧tä̧bo̧tä̧cua̧ Dios. Jahuätö yettecuoca'anä jarode'ätödo. Mo̧ro̧jä̧ ruhuärö yecuäcuähuä juiyönä suronä huopätödo.

2 Pedro 2:10 Referans Kwoze

Judas 1:16

Juätü ttü̧ja̧mä̧ o'kajuiyünä̧tä̧ ttüjü'kü juiyünä̧ jä̧u̧ ukuokuätü. Jitürütä pä̧wä̧rü̧jü̧tä̧ iso juoatü pä'ätü. Ukuo te'äkuäutä ukuokuätü, kkorotü jäwä ttukuokuomȩnä̧mä̧ kkoro ja̧'a̧tȩ'ü̧ ttȩma̧ pä'ütä ukuokuätü.

Judas 1:10

Ja̧'wa̧nü̧ ja̧'a̧nä̧, juätü ttü̧ja̧mä̧ ttieruwü'i̧nä̧ ja̧'a̧tä̧ suronä̧ ukuokuätü; ja̧'a̧tä̧ de'a isotü 'kua̧rü̧nä̧, wo̧juö̧mä̧ ttu̧wo̧jua̧'a̧nä̧, wo̧juo̧ko̧tü̧, tta̧mü̧nä̧ ttä̧tȩkuä̧tä̧ suronä̧ jȩpä̧kuä̧wä̧tü̧.

Judas 1:18

juätümä̧ ji'äwinä̧tü̧: «Rüjí mo̧ro̧mä̧ jitürütä pä̧wä̧rü̧jo̧mȩnä̧ ya̧'a̧wä̧'chä̧tü̧'i̧nä̧, ttidepä wea'aku kka̧kuä̧tü̧'i̧nä̧ ttü̧ja̧kuä̧kuo̧tü̧,» jü̧nä̧.

2 Pedro 3:3

Ä̧kuo̧mȩnä̧mä̧ pi̧yȩ wo̧juä̧tü̧kui̧: rüjí mo̧ro̧mä̧ tta̧mü̧nä̧ jäwä surojü kkü'kekunä̧ o̧ipä̧u̧ ttichäkuotü, ja̧'wa̧ta̧nü̧ juätümä̧ ya̧'a̧wä̧'chü̧

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

Efesios 5:5

Ja̧'wa̧ta̧nü̧ wo̧juä̧tü̧jä̧, ya̧tȩ ü'käwoka'a jȩpä̧'chü̧'i̧nä̧, surojünä̧ kkü̧'i̧nä̧, kkorojuei yaboku u̧ju̧nä̧ra̧ pä'ü'i̧nä̧, ttü̧ä̧nä̧wo̧tü̧rü̧ tätäwa'a esetü'i̧nä̧, Dio weomȩmä̧, Crito weomȩmä̧ do'ächokü jä̧kua̧.

San Lucas 19:14

Ja̧'wa̧nü̧ ja̧'a̧nä̧ i̧rȩjä̧ ttü̧ja̧mä̧ kkü'kü jui'ü, o'ka'anä̧ wettiniyä̧ku̧ jittäwiyarü pä'ü: Jua̧u̧ru̧mä̧ tu̧ru̧wa̧ rey jü̧nä̧ ü̧ja̧mä̧ pä'okotüjä̧ pä'ü.

Hebreos 13:4

O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

1 Corintios 6:9

¿Ukutumä̧ juiyo jerupätüjä̧ tä̧jí̧, suronä̧ jȩpä̧tü̧mä̧, ru̧wa̧ Dio weomȩmä̧ dodettokäkuotü pä'ümä̧? Kua̧mü̧nä̧mä̧ kuyapareäkuäwätukuä: nä̧tü̧rü̧ jȩpä̧'chä̧tü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧'i̧nä̧, tti̧rȩkua̧mü̧ pokotüku jȩpä̧'chä̧tü̧'i̧nä̧, u̧mä̧tü̧ nä̧tü̧ jü̧nä̧ jȩ'pä̧chä̧kuä̧wä̧tü̧'i̧nä̧, kkawaruwajuku a̧wa̧ru̧wa̧ku̧ jȩpä̧'chä̧kuä̧wä̧tü̧'i̧nä̧,

Hechos 23:5

Pättiyäku, Pauru-mä̧ pä'inü̧: Chawaruwä chü̧jä̧wa̧tü̧, sacerdote-tü̧ ttu̧ru̧wa̧mä̧kü̧kü̧ pä'äjisä; wȩyu̧kuä̧ wȩnȩmä̧ pä'a: «Kuawaruwä ttu̧ru̧wa̧rü̧mä̧ suronä̧mä̧ päkuä'chä,» jü̧nä̧.

1 Tesalonicenses 4:7

Isopäi'ünä̧ Dio-mä̧ surojü jȩpü̧ tü̧ja̧kua̧ pä'ümä̧ wooko̧u̧ pinä̧tü̧jä̧, surojü kätädächa pä'ü woinä̧u̧jä̧.

2 Corintios 10:3

Isopäi'ünä̧ ujutumä̧ pi̧jä̧ ttü̧ja̧ ta'anä̧, pi̧jä̧ ttü̧ja̧ jü̧'a̧nü̧mä̧ tidepä weünä̧ kko̧ko̧tü̧jä̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Efesios 4:19

Juätümä̧, dä'ärü̧jü̧'i̧nä̧ toepächinä̧u̧, ttidepä kkü'kekunä̧tä̧ iyäkuäu ikuinä̧tü̧ ja̧'wa̧ta̧nü̧ surojümä̧ yabokutä jȩpü̧ kka̧kuä̧tü̧.

2 Timoteo 3:2

Ttü̧ja̧mä̧ kkü'kokotü ttäkuotü, pärätätä tta̧'kua̧ rottekuäkuotü̧, tta̧mü̧nä̧ ukuo ttettäkuäwäkuotü ja̧'wa̧ta̧nü̧ kkorotüttü'i̧nä̧ abonä̧nü̧ wotüjä̧ pä'ü, Dio-rü'i̧nä̧ suronä̧ ukuoku, ttä'orü'i̧nä̧ tta̧ju̧ru̧'i̧nä̧ ukuotokotü ttäkuotü, ja̧'wa̧nü̧ jȩpü̧ ttesewoka'a, ttesetinü̧'i̧nä̧ ukuotokotü ttäkuotü.

San Lucas 11:25

Ja̧'wa̧nü̧ ja̧'a̧ ppa̧'ä̧chü̧ toomȩnä̧, jo̧mȩnü̧ jȩpü̧ kku̧nu̧ juatü kkü̧nä̧wa̧'a̧tä̧ po̧kui̧pü̧.